ആനയ്ക്ക് റോഡ് ക്രോസ് ചെയ്യണം; വഴിയൊരുക്കി പൊലീസുകാരൻ; ഇത് കട്ടപ്പയോ ഗണപതിയോ?

മന്ത്രിമാർക്കും മറ്റും വഴിയൊരുക്കി വഴി തടഞ്ഞു നിൽക്കുന്ന പൊലീസുകാരെ നമ്മൾ കാണാറുണ്ട്. എന്നാൽ ഇവിടെ ഒരു ആനയ്ക്ക് റോഡ് ക്രോസ് ചെയ്യാനായി വാഹനങ്ങൾ തടഞ്ഞ് നിൽക്കുന്ന ഒരു പൊലീസുകാരന്റെ വിഡിയോയാണ് സമൂഹമാധ്യമങ്ങളിൽ ഇപ്പോൾ വൈറലാവുന്നത്. ഒരു കാട്ടുകൊമ്പനാണ് ഇവിടുത്തെ വിഐപി.

ഒരു കാടിനുള്ളിൽ നിന്ന് തലയും കുലുക്കി ഏവരേയും പേടിപ്പിച്ചാണ് ആളുടെ വരവ്. റോഡിലേക്ക് കയറിയതോടെ പതിയെ നടന്ന് ക്രോസ് ചെയ്ത് വനത്തിനുള്ളിലേക്ക് കടന്ന് പോയി. ആന റോഡ് ക്രോസ് ചെയ്യുന്നത് വരെ ഇരുവശത്തേയും വാഹനങ്ങൾ ബ്ലോക്ക് ചെയ്ത് പൊലീസുകാരൻ നിന്നു. 

ആനയ്ക്ക് വഴയൊരുക്കി നിന്ന പൊലീസുകാരനും ആരെയും ആക്രമിക്കാതെ തന്റെ വഴിയേ പോയ ആനയും സമൂഹമാധ്യമങ്ങളിൽ വൈറലായി. രണ്ട് ലക്ഷത്തിന് മുകളിൽ ലൈക്ക് ആണ് വിഡിയോയ്ക്ക് ഇതുവരെ ലഭിച്ചിരിക്കുന്നത്. 

View this post on Instagram

A post shared by R A S H I F (@rashi____f)

വിഡിയോ വൈറലായതിന് പിന്നാലെ ഇത് ഏത് ആനയാണ് എന്ന് തിരയുകയാണ് കമന്റ് ബോക്സിൽ പലരും. ഏഴാറ്റുമുഖം ഗണപതി ആണോ കട്ടപ്പ ആണോ എന്നെല്ലാമാണ് കമന്റ് ബോക്സിൽ ഉയരുന്ന ചോദ്യങ്ങൾ. അതിരപ്പിള്ള ചെക്ക് പോസ്റ്റിന്റെ അവിടെയാണ് സംഭവം. 

സ്വന്തമായി ആനയുള്ള പൊലീസ് സ്റ്റേഷനാട ഞങ്ങളുടേത് എന്നതാണ് വിഡിയോയ്ക്കടിയിൽ വന്ന മറ്റൊരു രസകരമായ കമന്റ്. ആനയ്ക്ക് വഴിയൊരുക്കി നിന്ന പൊലീസുകാരന്റെ അക്കൗണ്ടും പലരും കമന്റ് ബോക്സിൽ പങ്കുവയ്ക്കുന്നുണ്ട്.

Read More

• "ജൂനിയർ വേടൻ പൊളിച്ചു," റാപ്പ് പാടി ഫെജോയെ ഞെട്ടിച്ച് കൊച്ചുമിടുക്കൻ; വീഡിയോ
• തൃശ്ശൂർ പൂരത്തിന് തിടമ്പേന്തി ഡ്രാഗണും ഗോഡ് സില്ലയും; വൈറലായി ഒരു പൂരകാഴ്ച, വീഡിയോ
• താജ് മഹലിനെ ഇളക്കി മറിച്ച് മലബാറിലെ പിള്ളേർ; സ്റ്റൈലൻ വരവ് വൈറൽ
• ഇവനാര് കാക്ക തമ്പുരാനോ? ആ വിളികേട്ട് കാക്ക കൂട്ടം പറന്നെത്തി; വൈറൽ വിഡിയോ
• കണിക്കൊന്ന പറിച്ചും പശുവിനെ മേയ്ച്ചും ട്രംപ്; 'ഡോണൾഡ് അച്ചായൻ' എന്ന് സോഷ്യൽ മീഡിയ