ക്യൂര്‍ പ്രൊമോ റിലീസിനുപിന്നാലെ ഗുഗിൾ ട്രെൻഡിൽ ഇടംപിടിച്ച് ഡാനിയേൽ ക്രേഗ്

ഇന്ത്യയിൽ ഗൂഗിൾ സെർച്ചിൽ ടോപ് ട്രെൻഡിങ്ങിൽ ഇടംപിടിച്ച് ഹോളിവുഡ് നടൻ ഡാനിയേൽ ക്രേഗ്. കഴിഞ്ഞ 24 മണിക്കൂറിനിടെ 10,000 ത്തോളം സെർച്ചുകളാണ് ഉണ്ടായത്. ഡാനിയൽ ക്രേഗ് പ്രധാന വേഷത്തിലെത്തിയ ക്യൂര്‍ എന്ന ചിത്രത്തിന്റെ ആദ്യ പ്രൊമോ പുറത്തുവന്നതോടെയാണ് നടൻ ഗൂഗിൾ ട്രെൻഡിങ്ങിൽ ഇടം നേടിയത്.

വില്യം എസ്. ബറോസിന്‍റെ നോവലിനെ അടിസ്ഥാനമാക്കിയാണ് ക്വീർ എന്ന ചിത്രം ലൂക്കാ ഗ്വാഡഗ്നിനോ സംവിധാനം ചെയ്തിരിക്കുന്നത്. 1940-കളിലെ മെക്സിക്കോ സിറ്റി പശ്ചാത്തലമാക്കിയുള്ളതാണ് ചിത്രം. ഏകാന്ത ജീവിതം നയിക്കുന്ന അമേരിക്കൻ പ്രവാസിയായ ലീയുടെ കഥയാണ് ചിത്രം പറയുന്നത്. ഒരു ഗേ റോളിലാണ് ഡാനിയൽ ക്രേഗ് ചിത്രത്തിൽ എത്തുന്നത്. 

ജെയിംസ് ബോണ്ട് സിനിമകളിലൂടെയാണ് ഡാനിയൽ ക്രേഗ് സുപരിചിതനാകുന്നത്. നടൻ പിയേഴ്‌സ് ബ്രോസ്‌നറിന് ശേഷം 2006-ൽ കാസിനോ റോയൽ എന്ന ചിത്രം മുതല്‍ ഡാനിയല്‍ ക്രേഗ് അഞ്ച് ബോണ്ട് ചിത്രങ്ങളിൽ അഭിനയിച്ചിട്ടുണ്ട്. 2021 ല്‍ പുറത്തിറങ്ങിയ നോ ടൈം ടു ഡൈ ആയിരുന്നു ക്രേഗ് അഭിനയിച്ച് അവസാനം പുറത്തിറങ്ങിയ ബോണ്ട് ചിത്രം. ബോണ്ട് ചിത്രങ്ങളില്‍ ഇനി വേഷമിടില്ലെന്ന് ക്രേഗ് പ്രഖ്യാപിച്ചിരുന്നു. 

Read More

• പ്രശ്നം പരിഹരിച്ചു; പിന്നാലെ പാസ്‌പോർട്ട് സേവ പോര്‍ട്ടൽ ഗൂഗിൾ ട്രെന്റിങ്ങിൽ
• ട്രെയിൻ നിർത്തിയതും ജനക്കൂട്ടം, പുറത്തിറങ്ങാൻ പാടുപെട്ട് യുവാവ്; വൈറൽ വീഡിയോ
• വിസ്മയമായി പുതിയ പാമ്പൻ പാലം, ട്രയൽ റൺ വിജയം; വീഡിയോ
• ലോകത്തെ ഏറ്റവും ഉയരം കൂടിയ റെയിൽവേ പാലം; ട്രയൽ റൺ വീഡിയോ
• ലോകത്ത് ഏറ്റവും കൂടുതൽ ശതകോടീശ്വരന്മാരുള്ള 10 രാജ്യങ്ങൾ; മുൻനിരയിൽ ഇന്ത്യ