152 മനുഷ്യ വയസ്സിനു സമം; പൂച്ച മുത്തശി റോസി ഇനി ഓർമ്മ

ലോകത്തിലെ ഏറ്റവും പ്രായം കൂടിയ പൂച്ച ഇനി ഓർമ്മ. 33 വയസ്സുള്ള റോസി എന്ന പൂച്ചയാണ് ചത്തത്. മനുഷ്യന്റെ 152 വയസ്സനു തുല്യമാണ് പൂച്ചയുടെ പ്രായം. റോസിയുടെ ഉടമയായ യുകെ നോർവിച്ച് സ്വദേശി ലീല ബ്രിസെറ്റാണ് വിവരം പങ്കുവച്ചത്.

1991ലാണ് റോസി ജനിച്ചത്. ലോകത്തിലെ ഏറ്റവും പ്രായം കൂടിയ പൂച്ച എന്ന പദവി അനൗദ്യോഗികമായി നേടിയിരുന്നു. ഈ വർഷം ജൂൺ ഒന്നിന് റോസിയുടെ 33-ാം ജന്മദിനം ആഘോഷിച്ചിരുന്നു. താൻ റോസിയെ വല്ലാതെ മിസ് ചെയ്യുന്നുവെന്നും, അസുഖ ബാധിതയായ പൂച്ച ഒരു ദിവസം വീടിന്റെ ഇടനാഴിയിൽ ചത്തു കിടക്കുകയായിരുന്നുവെന്നും, ബ്രിസെറ്റ് പറഞ്ഞതായി ന്യൂയോർക്ക് പോസ്റ്റ് റിപ്പോർട്ട് ചെയ്തു.

Rosie, the cat who was considered the oldest in the world, has passed away in Britain at the age of 33. pic.twitter.com/a8eF4Vciyy

— NewsPoint (@HaberNoktam) September 16, 2024

തൊണ്ണൂറുകളിൽ ഒരു ക്യാറ്റ് റെസ്ക്യൂ ഓർഗനൈസേഷനിൽ നിന്നാണ് റോസിയെ ബ്രിസെറ്റിന് ലഭിക്കുന്നത്. ശാന്തശീലയായ പൂച്ച വളരെ പെട്ടന്നു തന്നോട് അടുത്തെന്നും, വളരെ അച്ചടക്കത്തോടെയാണ് തന്നോടൊപ്പം കഴിഞ്ഞിരുന്നതെന്നും ബ്രിസെറ്റ് പറഞ്ഞു.

ഗിന്നസ് റെക്കോർഡ്സ്  പ്രകാരം 27 വയസ്സുള്ള ഫ്ലോസിയാണ് ലോകത്തെ ഏറ്റവും പ്രായം കൂടിയ പൂച്ച. 1995 ഡിസംബർ 29നാണ് ഫ്ലോസി ജനിച്ചത്. 1967 മുതൽ 2005 വരെ ജീവിച്ചിരുന്ന ടെക്സാസിലെ ഓസ്റ്റിനിൽ നിന്നുള്ള ക്രീം പഫ് ആണ് ചരിത്രത്തിലെ ഏറ്റവും പ്രായം കൂടിയ പൂച്ച.

Read More

• സത്യമാണോ എന്നറിയാൻ നുള്ളി നോക്കിയ നിമിഷം; നയൻതാരയെ ആദ്യം കണ്ട സന്തോഷം പങ്കിട്ട് പേളി മാണി
• ഞങ്ങൾ വിവാഹിതരായി; ചിത്രങ്ങളുമായി അദിതി റാവുവും സിദ്ധാർത്ഥും
• ഇനി മിസ്സിസ് & മിസ്റ്റർ അദു-സിദ്ധു; അദിതി- സിദ്ധാർത്ഥ് വിവാഹചിത്രങ്ങൾ
• ഓണക്കാലത്ത് ഒടിടിയിൽ കാണാൻ ഏറ്റവും പുതിയ ചിത്രങ്ങൾ
• സൈമ വേദിയിൽ തിളങ്ങി നയൻതാരയും വിഘ്നേഷും, ചിത്രങ്ങൾ
• ഐശ്വര്യയുടെ ഏറ്റവും വലിയ ആരാധിക ആരാധ്യ തന്നെ; സൈമ വേദിയിൽ നിന്നുള്ള ചിത്രങ്ങൾ
• 'ദളപതി 69;' അവസാന വിജയ് ചിത്രത്തിന്റെ കാത്തിരുന്ന അപ്ഡേറ്റ് പുറത്ത്
• ജീവിതത്തിലെ ഏറ്റവും വലിയ ശരിക്ക് ഇന്ന് 28 വയസ്; കുറിപ്പ് പങ്കുവച്ച് സലിം കുമാർ
• ബോക്സ് ഓഫീസ് കത്തിച്ച് 'അജയന്റെ രണ്ടാം മോഷണം'; ആദ്യദിനം പിന്നിലാക്കിയത് വമ്പന്മാരെ; ഇതുവരെ നേടിയത്