/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/YY2khWoF4bMYSywTWsLv.jpg)
തെന്നിന്ത്യയുടെ പവർകപ്പിളാണ് നയൻതാരയും വിഘ്നേഷ് ശിവനും. നയൻതാര അഭിനയത്തിൽ തിളങ്ങുമ്പോൾ സംവിധാനമാണ് വിഘ്നേഷിന്റെ തട്ടകം. ഇരുവരും ഒന്നിച്ച് സിനിമാ നിർമാണരംഗത്തും സജീവമാണ്.
സെപ്റ്റംബർ 15ന് ദുബായിൽ നടന്ന സൈമ അവാർഡ്സിൽ പങ്കെടുക്കാൻ വിഘ്നേഷിനൊപ്പമാണ് നയൻതാര എത്തിയത്. അവാർഡ് ദാന ചടങ്ങിൽ അന്നപൂരണിയിലെ അഭിനയത്തിന് മികച്ച നടിയ്ക്കുള്ള പുരസ്കാരം നയൻതാര നേടി. ചടങ്ങിൽ നിന്നുള്ള ചിത്രങ്ങളാണ് ഇപ്പോൾ ശ്രദ്ധ നേടുന്നത്. വിഘ്നേഷ് ശിവൻ നയൻതാരയുടെ നെറ്റിയിൽ ചുംബിക്കുന്നതും ചിത്രങ്ങളിൽ കാണാം.
കറുത്ത വസ്ത്രങ്ങൾ അണിഞ്ഞാണ് ഇരുവരും എത്തിയത്. സുതാര്യമായ കറുത്ത സാരിയായിരുന്നു നയൻതാരയുടെ വേഷം. എംബ്രോയിഡറി വർക്ക് ചെയ്ത ബ്ലൗസാണ് സാരിയ്ക്ക് ഒപ്പം അണിഞ്ഞത്. കറുത്ത സ്യൂട്ടിൽ വിഘ്നേഷ് ശിവനും തിളങ്ങി.
അവാർഡ് ദാന ചടങ്ങിൽ നയൻതാര പഴയ നടി സരിതയുമായി ഊഷ്മളമായ നിമിഷം പങ്കിടുന്നതിന്റെ ചിത്രങ്ങളും കാണാം.
നയൻതാരയ്ക്കും വിഘ്നേഷ് ശിവനും വർഷങ്ങൾക്ക് മുമ്പ് തങ്ങളുടെ ബന്ധം ഔദ്യോഗികമായി പ്രഖ്യാപിക്കുന്നത് ഒരു സൈമ അവാർഡിനിടെയാണ്. അതിനാൽ ഇരുവരുടെയും പ്രണയയാത്രയിൽ സൈമയ്ക്ക് പ്രത്യേക സ്ഥാനം തന്നെയുണ്ട്.
മതവികാരം വ്രണപ്പെടുത്തിയെന്ന പേരിൽ വിവാദങ്ങൾ സൃഷ്ടിച്ച അന്നപൂരണിയിലാണ് നയൻതാര അവസാനമായി അഭിനയിച്ചത്. കടുത്ത എതിർപ്പിനെ തുടർന്ന് പിന്നീട് നെറ്റ്ഫ്ലിക്സ് ചിത്രം നീക്കം ചെയ്യുകയായിരുന്നു. ടെസ്റ്റ്, 1960 മുതൽ മണ്ണങ്ങാട്ടി, തനി ഒരുവൻ 2 എന്നിവയാണ് നയൻതാരയുടെ അണിയറയിലൊരുങ്ങുന്ന തമിഴ് ചിത്രങ്ങൾ. നിവിൻ പോളിയ്‌ക്കൊപ്പം അഭിനയിക്കുന്ന ഡിയർ സ്റ്റുഡൻസും അണിയറയിൽ ഒരുങ്ങുന്നുണ്ട്.
പ്രദീപ് രംഗനാഥനും കൃതി ഷെട്ടിയും അഭിനയിക്കുന്ന ലവ് ഇൻഷുറൻസ് കമ്പനിയുടെ (LIK) ഷൂട്ടിംഗ് തിരക്കിലാണ് വിഘ്നേഷ് ശിവൻ ഇപ്പോൾ.
Read More
- 'ദളപതി 69;' അവസാന വിജയ് ചിത്രത്തിന്റെ കാത്തിരുന്ന അപ്ഡേറ്റ് പുറത്ത്
- ജീവിതത്തിലെ ഏറ്റവും വലിയ ശരിക്ക് ഇന്ന് 28 വയസ്; കുറിപ്പ് പങ്കുവച്ച് സലിം കുമാർ
- ബോക്സ് ഓഫീസ് കത്തിച്ച് 'അജയന്റെ രണ്ടാം മോഷണം'; ആദ്യദിനം പിന്നിലാക്കിയത് വമ്പന്മാരെ; ഇതുവരെ നേടിയത്
- ഗോവിന്ദയുടെ കടുത്ത ആരാധിക, മന്ത്രിയുടെ മകൾ, വീട്ടുജോലിക്കാരിയായി അഭിനയിച്ച് 20 ദിവസത്തോളം താമസിച്ചു; വെളിപ്പെടുത്തി ഭാര്യ
Stay updated with the latest news headlines and all the latest Lifestyle news. Download Indian Express Malayalam App - Android or iOS.