ബലാത്സംഗ കൊല; എ.സി.പി അടക്കം മൂന്നു പൊലീസ് ഉദ്യോഗസ്ഥർക്ക് സസ്പെൻഷൻ

കൊൽക്കത്ത ആർജി കാർ മെഡിക്കൽ കോളേജ് ആശുപത്രിയിൽ നടന്ന ബലാത്സംഗ കൊലയുടെ പശ്ചാത്തലത്തിൽ, ആശുപത്രിക്കു നേരെ ഉണ്ടായ ആക്രമണത്തിൽ പൊലീസ് ഉദ്യോഗസ്ഥർക്ക് സസ്പെൻഷൻ. രണ്ട് അസിസ്റ്റൻ്റ് പൊലീസ് കമ്മീഷണർമാരെയും ഒരു ഇൻസ്‌പെക്ടറെയുമാണ് സസ്‌പെൻഡ് ചെയ്തിരിക്കുന്നത്. എ.സി.പിമാരായ ഷാക്കിർ ഉദ്ദീൻ സർദാർ, രമേഷ് ഷാ ചൗധരി, ഇൻസ്പെക്ടർ രാകേഷ് മിൻസ് എന്നിവർക്കെതിരെ വകുപ്പുതല അന്വേഷണം ആരംഭിച്ചതായി ഉദ്യോഗസ്ഥൻ അറിയിച്ചു.

അതേസമയം, മെഡിക്കൽ കോളേജിലെ മുൻ പ്രിൻസിപ്പൽ സന്ദീപ് ഘോഷിനെ സിബിഐ പോളിഗ്രാഫ് ടെസ്റ്റിന് വിധേയനാക്കിയേക്കുമെന്ന് പിടിഐ റിപ്പോർട്ട് ചെയ്തു. പ്രിൻസിപ്പൽ നൽകിയ മൊഴികളിലെ വൈരുദ്യങ്ങൾ കണക്കിലെടുത്ത് പോളിഗ്രാഫ് ടെസ്റ്റ് നടത്താൻ സാധ്യതയുണ്ടെന്ന് ഉദ്യോഗസ്ഥൻ പറഞ്ഞതായി ന്യൂസ് ഏജൻസി റിപ്പോർട്ട് ചെയ്തു.

അഞ്ച് ദിവസം തുടർച്ചയായി മുൻ പ്രിൻസിപ്പലിനെ സിബിഐ ചോദ്യം ചെയ്തു വരികയാണ്. ബുധനാഴ്ചയും ചോദ്യം ചെയ്യലിനായി സന്ദീപ് ഘോഷ് സിബിഐ ഓഫീസിൽ എത്തിയിട്ടുണ്ടെന്നാണ് വിവരം. സുരക്ഷ വിലയിരുത്താൻ സിഐഎസ്എഫ് സംഘം മെഡിക്കൽ കോളേജിലും പരിസര പ്രദേശങ്ങളിലും പരിശോധന നടത്തി.

തുടർച്ചയായ 13-ാം ദിവസവും പ്രതിഷേധം ആളിക്കത്തുകയാണ്. ജൂനിയർ ഡോക്‌ടർമാരുടെ സമരം സംസ്ഥാനത്തെ ആരോഗ്യ മേഖലയെ വലിയ രീതിയിൽ ബാധിച്ചിട്ടുണ്ട്. ഭൂരിഭാഗം സർക്കാർ ആശുപത്രികളിലും രോഗികളുടെ നീണ്ട ക്യൂവാണ്. ഒപി വിഭാഗത്തിലെയും അത്യാഹിത വിഭാഗത്തിലെയും സേവനങ്ങളെ സമരം കാര്യമായി ബാധിച്ചിട്ടുണ്ട്.

VIDEO | Kolkata doctor rape and murder case: Former principal of RG Kar Medical College Sandip Ghosh arrives at CBI office in Kolkata.

(Full video available on PTI Videos - https://t.co/n147TvqRQz) pic.twitter.com/Z1p4MEVTJP

— Press Trust of india (@PTI_News) August 21, 2024

ഡ്യൂട്ടിക്ക് ജൂനിയർ ഡോക്ടർമാരില്ലാത്തതിനാൽ നിരവധി ശത്രക്രിയകൾ മാറ്റിവെയ്ക്കേണ്ടി വന്നെന്ന് കൊൽക്കത്ത നാഷണൽ മെഡിക്കൽ കോളേജ് ആശുപത്രിയിലെ മുതിർന്ന ഡോക്ടർ പറഞ്ഞു. ജൂനിയർ ഡോക്ടർമാർക്ക് പകരമായി സീനിയർ ഡോക്ടർമാരോട് ഡ്യൂട്ടിക്ക് റിപ്പോർട്ട് ചെയ്യാൻ ആവശ്യപ്പെട്ടിട്ടുണ്ടെന്നും അദ്ദേഹം അറിയിച്ചു.

Read More

• യുക്രൈൻ സന്ദർശനം; സംഘർഷം അവസാനിപ്പിക്കുക ലക്ഷ്യമെന്ന് മോദി
• ബദ്‌ലാപൂർ ലൈംഗികാതിക്രമം: സ്കൂളിന്റെ ഭാഗത്ത് ഗുരുതര അനാസ്ഥയെന്ന് ബാലാവകാശ കമ്മീഷൻ
• പാർട്ടി പതാക പുറത്തിറക്കാൻ ഒരുങ്ങി നടൻ വിജയ്
• ലാറ്ററൽ എൻട്രി നിയമനം; എതിർപ്പ് ഫലംകണ്ടു, പരസ്യം റദ്ദാക്കാൻ ആവശ്യപ്പെട്ട് കേന്ദ്രം
• യുവഡോക്ടറുടെ കൊലപാതകം: പ്രതിഷേധക്കാർക്ക് മേൽ അധികാരം അഴിച്ചുവിടരുതെന്ന് സുപ്രീം കോടതി
• എസി തലയിൽ വീണ് യുവാവ് മരിച്ചു: കുരങ്ങുകളെ കുറ്റപ്പെടുത്തി ഉടമ
• മലയാള സിനിമയെ നിയന്ത്രിക്കുന്ന പ്രമുഖരേ, നിങ്ങളുടെ മുഖം വികൃതമല്ലേ: വിനയൻ
• മെഡിക്കൽ വിദ്യാർത്ഥിനിയെ തട്ടിക്കൊണ്ടുപോയി ശാരീരികമായി ഉപദ്രവിച്ചു, ഡോക്ടർ അറസ്റ്റിൽ