Kochi Murder Case: മൂന്ന് വയസുകാരിയുടെ കൊലപാതകം ;അമ്മയെ കസ്റ്റഡിയിൽ വാങ്ങി ചോദ്യം ചെയ്യും

Kochi Murder Case Updates: കൊച്ചി: മൂന്ന് വയസുകാരി കല്യാണിയുടെ കൊലപാതകത്തിൽ കുഞ്ഞിന്റെ അച്ഛൻറെ  മൊഴി പോലീസ് രേഖപ്പെടുത്തി. തന്റെ ഭാര്യ സന്ധ്യയ്ക്ക് മാനസിക പ്രശ്‌നങ്ങളില്ലെന്ന് സുഭാഷ് പോലീസിനോട് പറഞ്ഞു. ഇതിനുമുമ്പും സന്ധ്യ കുട്ടിയെ കൊല്ലാൻ ശ്രമിച്ചിട്ടുണ്ടെന്ന് സുഭാഷ് പോലീസിന് മൊഴി നൽകി. നേരത്തെ, സന്ധ്യയ്ക്ക് മാനസിക പ്രശ്‌നങ്ങളുണ്ടെന്ന് വാദവുമായി സന്ധ്യയുടെ വീട്ടുകാർ രംഗത്തുവന്നിരുന്നു. എന്നാൽ ഈ വാദം പൂർണമായി തള്ളുകയാണ് 

അതേസമയം, അന്വേഷണത്തിന്റെ ഭാഗമായി സന്ധ്യയെ കസ്റ്റഡിയിൽ വാങ്ങി ചോദ്യം ചെയ്യാൻ ഒരുങ്ങുകയാണ് പോലീസ്. നിലവിൽ പതിനാല് ദിവസത്തെ റിമാൻഡിൽ തുടരുകയാണ് സന്ധ്യ. സന്ധ്യ കുട്ടിയെ കൊലപ്പെടുത്തിയത് കരുതിക്കൂട്ടി ആണോയെന്നും പൊലീസ് സംശയിക്കുന്നുണ്ട്. അന്വേഷണത്തിന്റെ ഭാഗമായി സന്ധ്യയുടെ ബന്ധുക്കളെയും ചോദ്യം ചെയ്യും. 

കഴിഞ്ഞ തിങ്കളാഴ്ചയാണ് മൂന്നു വയസുകാരിയെ അമ്മ സന്ധ്യ പുഴയിൽ എറിഞ്ഞുകൊന്നത്.കുട്ടിയെ അമ്മ അങ്കണവാടിയിൽനിന്ന് കൂട്ടിക്കൊണ്ടു പോവുകയായിരുന്നു. അമ്മയും കുഞ്ഞും ഏറെ നേരം കഴിഞ്ഞിട്ടും വീട്ടിൽ എത്താത്തതിനെ തുടർന്നാണ് വീട്ടുകാർ അന്വേഷണം തുടങ്ങിയത്. രാത്രി ഏഴ് മണിയോടെ അമ്മ വീട്ടിൽ മടങ്ങി എത്തിയെങ്കിലും കുട്ടി കൂടെ ഉണ്ടായിരുന്നില്ല.

പോലീസ് ചോദ്യം ചെയ്തപ്പോൾ മൂഴിക്കുളം പാലത്തിനു സമീപം കുഞ്ഞിനെ ഉപേക്ഷിച്ചെന്നാണ് ആദ്യം സന്ധ്യ പറഞ്ഞത്. തുടർന്ന് പുഴയിൽ നടത്തിയ തിരച്ചിലിൽ മൂഴിക്കുളം പാലത്തിന്റെ മൂന്നാമത്തെ കാലിന്റെ പരിസരത്ത് മണലിൽ പതിഞ്ഞു കിടക്കുന്ന നിലയിൽ പുലർച്ചെ 2.20 ഓടെയാണ് കുട്ടിയുടെ മൃതദേഹം കണ്ടെത്തിയത്.

ചോദ്യം ചെയ്യലിൽ കുട്ടിയെ  പുഴയിൽ എറിഞ്ഞു കൊന്നെന്ന് അമ്മ  പോലീസിനോട് സമ്മതിക്കുകയായിരുന്നു.എന്തിന് കൊന്നുവെന്ന പോലീസ് ചോദ്യത്തിന് 'ഞാൻ കൊന്നു'വെന്ന് ഭാവഭേദമില്ലാതെയായിരുന്നു സന്ധ്യയുടെ മറുപടി.  

Read More

• കാണാതായ മൂന്നു വയസുകാരിയുടെ മൃതദേഹം കണ്ടെത്തി; അമ്മയ്‌ക്കെതിരെ കൊലക്കുറ്റം ചുമത്തും
• മകളെ പുഴയിലെറിഞ്ഞ് കൊലപ്പെടുത്തിയ കേസ്: കുഞ്ഞിനെ കൊല്ലാൻ അമ്മ ആസൂത്രണം നടത്തിയിരുന്നെന്ന് സംശയം
• 'അങ്ങു വാനക്കോണില് മിന്നിനിന്നൊരമ്പിളി'; കണ്ണീരിലാഴ്ത്തി കല്യാണിയുടെ പാട്ട്
• വികസനത്തിന്റേയും സാമൂഹ്യപുരോഗതിയുടേയും ഒൻപതു വർഷം; കേരളം കുതിക്കുന്നുവെന്ന് മുഖ്യമന്ത്രി
• പൊലീസ് സ്റ്റേഷനിൽ ദലിത് സ്ത്രീക്ക് അവഹേളനം; സംഭവിക്കാൻ പാടില്ലാത്തതെന്ന് മുഖ്യമന്ത്രി
• Kerala Monsoon: കേരളത്തിൽ കാലവർഷം നേരത്തെ എത്തും; വിവിധ ജില്ലകളിൽ ഇന്ന് റെഡ് അലർട്ട്
• കേരളത്തില്‍ അടുത്ത 5 ദിവസം ഇടിമിന്നലോടുകൂടിയ അതിശക്തമായ മഴ, 4 ജില്ലകളിൽ ഓറഞ്ച് അലർട്ട്