Kochi Murder Case: 'അങ്ങു വാനക്കോണില് മിന്നിനിന്നൊരമ്പിളി'; കണ്ണീരിലാഴ്ത്തി മൂന്നു വയസുകാരിയുടെ പാട്ട്

Kochi Murder Case: കൊച്ചി: സ്വന്തം അമ്മ പുഴയിൽ എറിഞ്ഞുകൊന്ന  മൂന്നു വയസുകാരി കേരളക്കരയ്ക്ക് ഒന്നാകെ നൊമ്പരമാവുകയാണ്. അമ്മയുടെ ഒക്കത്തിരുന്ന് പോകുമ്പോൾ ആ കുഞ്ഞ് ഒരിക്കലും അത് തന്റെ അവസാന യാത്രയാകുമെന്ന് കരുതിയിരുന്നില്ല. ഇന്നലെ പുലർച്ചെയോടെ പുഴയിൽനിന്നും കുട്ടിയുടെ മൃതദേഹം കണ്ടെടുക്കുമ്പോൾ, അവൾക്കുവേണ്ടിയുള്ള നാടിന്റെ ഒന്നാകെയുള്ള പ്രാർത്ഥനകൾ വിഫലമായി. 

അങ്കണവാടിയിൽ കൂട്ടുകാർക്കൊപ്പമിരുന്ന് പാട്ടുപാടുന്ന കുട്ടിയുടെ വീഡിയോ ദൃശ്യങ്ങൾ നൊമ്പരപ്പെടുത്തുന്ന കാഴ്ചയാണ്. ടൊവിനോ തോമസ് നായകനായ എആര്‍എം സിനിമയിലെ വൈക്കം വിജയലക്ഷ്മി പാടിയ 'അങ്ങു വാനക്കോണില് മിന്നിനിന്നൊരമ്പിളി' എന്ന പാട്ട് കൂട്ടുകാർക്കൊപ്പം പാടുന്ന ദൃശ്യങ്ങളാണ് പുറത്തുവന്നിട്ടുള്ളത്. 

• കല്യാണി ഭക്ഷണം കഴിക്കുന്നതുവരെ അമ്മ കാത്തിരുന്നു, പിന്നാലെ ഒക്കത്തെടുത്ത് കൊണ്ടുപോയി; നടുക്കം മാറാതെ അങ്കണവാടി ജീവനക്കാർ
• മകളെ എന്തിന് കൊന്നുവെന്ന് പൊലീസ്; 'ഞാൻ കൊന്നു'വെന്ന് ഭാവഭേദമില്ലാതെ അമ്മ സന്ധ്യയുടെ മറുപടി

ഇന്നലെയാണ് മൂന്നു വയസുകാരിയെ അമ്മ സന്ധ്യ പുഴയിൽ എറിഞ്ഞുകൊന്നത്. അങ്കണവാടിയിൽനിന്നും കുഞ്ഞിനെ കൂട്ടിക്കൊണ്ടുപോയ സന്ധ്യ മകളെ പുഴയിൽ എറിഞ്ഞശേഷം തിരികെ വീട്ടിൽ എത്തുകയായിരുന്നു. കല്യാണിയെ പുഴയിൽ എറിഞ്ഞു കൊന്നെന്ന് അമ്മ സന്ധ്യ പൊലീസിനോട് സമ്മതിച്ചിട്ടുണ്ട്. എന്തിന് കൊന്നുവെന്ന പൊലീസ് ചോദ്യത്തിന് 'ഞാൻ കൊന്നു'വെന്ന് ഭാവഭേദമില്ലാതെയായിരുന്നു സന്ധ്യയുടെ മറുപടി.  

പൊലീസ് ചോദ്യം ചെയ്തപ്പോൾ മൂഴിക്കുളം പാലത്തിനു സമീപം കുഞ്ഞിനെ ഉപേക്ഷിച്ചെന്നാണ് അമ്മ പറഞ്ഞത്. തുടർന്ന് പുഴയിൽ നടത്തിയ തിരച്ചിലിൽ മൂഴിക്കുളം പാലത്തിന്റെ മൂന്നാമത്തെ കാലിന്റെ പരിസരത്ത് മണലില്‍ പതിഞ്ഞു കിടക്കുന്ന നിലയിൽ പുലർച്ചെ 2.20 ഓടെയാണ് കുട്ടിയുടെ മൃതദേഹം കണ്ടെത്തിയത്. സന്ധ്യയ്ക്ക് മാനസിക പ്രശ്നങ്ങളുണ്ടെന്നാണ് കുടുംബം പറയുന്നത്. അതിനാൽ, സന്ധ്യയുടെ മാനസിക നില പരിശോധിക്കാൻ പൊലീസ് തീരുമാനിച്ചിട്ടുണ്ട്. എന്നാൽ, സന്ധ്യയ്ക്ക് യാതൊരു മാനസിക പ്രയാസവുമില്ലെന്ന് ഭർത്താവ് സുഭാഷ് പറഞ്ഞു.

Read More

• കേരളത്തില്‍ അടുത്ത 5 ദിവസം ഇടിമിന്നലോടുകൂടിയ അതിശക്തമായ മഴ, 4 ജില്ലകളിൽ ഓറഞ്ച് അലർട്ട്
• കാണാതായ മൂന്നു വയസുകാരിയുടെ മൃതദേഹം കണ്ടെത്തി; അമ്മയ്‌ക്കെതിരെ കൊലക്കുറ്റം ചുമത്തും