"അസംബന്ധം, അടിസ്ഥാനരഹിതം;" അമിത് ഷായ്‌ക്കെതിരായ ആരോപണങ്ങളിൽ ശക്തമായി പ്രതിഷേധിച്ച് ഇന്ത്യ

ഡൽഹി: ഖലിസ്താൻ വിഘടനവാദികളെ ലക്ഷ്യമിട്ടുള്ള ഗൂഢാലോചനകൾക്കു പിന്നിൽ കേന്ദ്ര ആഭ്യന്തരമന്ത്രി അമിത് ഷാ ആണെന്ന കാനഡയുടെ ആരോപണത്തിൽ പ്രതിഷേധം അറിയിച്ച് ഇന്ത്യ. കനേഡിയൻ ഹൈക്കമ്മീഷൻ പ്രതിനിധിയെ വിളിച്ചുവരുത്തിയാണ് ഇന്ത്യ പ്രതിഷേധം അറിയിച്ചത്. 

കനേഡിയൻ ഹൈക്കമ്മീഷൻ പ്രതിനിധിയെ വെള്ളിയാഴ്ച വിളിച്ചുവരുത്തിയതായും, ഒട്ടാവയിലെ പൊതു സുരക്ഷയും ദേശീയ സുരക്ഷയും സംബന്ധിച്ച സ്റ്റാൻഡിംഗ് കമ്മിറ്റിയുടെ നടപടികളെ പരാമർശിച്ച് നയതന്ത്ര കുറിപ്പ് കൈമാറിയതായും വിദേശകാര്യ മന്ത്രാലയ വക്താവ് രൺധീർ ജയ്‌സ്വാൾ പത്രസമ്മേളനത്തിൽ അറിയിച്ചു.

ഇന്ത്യയെ അപകീർത്തിപ്പെടുത്താനും മറ്റു രാജ്യങ്ങളെ സ്വാധീനിക്കാനും കനേഡിയൻ സർക്കാർ ബോധപൂർവം അടിസ്ഥാനരഹിതമായ സൂചനകൾ അന്താരാഷ്ട്ര മാധ്യമങ്ങൾക്ക് ചോർത്തിയെന്ന് വിദേശകാര്യ മന്ത്രാലയം പറഞ്ഞു. ഇത്തരം നിരുത്തരവാദപരമായ നടപടികൾ ഉഭയകക്ഷി ബന്ധത്തിന് ഗുരുതരമായ പ്രത്യാഘാതങ്ങൾ ഉണ്ടാക്കുമെന്നും, വിദേശകാര്യ മന്ത്രാലയം വ്യക്തമാക്കി.

VIDEO | "We had summoned the representative of the Canadian High Commission yesterday, a diplomatic note was handed over in reference to the proceedings of the Standing Committee on Public Safety and National Security in Ottawa on October 29, 2024. It was conveyed in the note… pic.twitter.com/ui1lv5sOcE

— Press Trust of india (@PTI_News) November 2, 2024

ഖലിസ്ഥാൻ ഭീകരൻ ഹർദീപ് സിംഗ് നിജ്ജറിന്റെ കൊലപാതകത്തിൽ ഇന്ത്യക്ക് പങ്കുണ്ടെന്നാണ് കാനഡയുടെ ആരോപണം. കഴിഞ്ഞ വർഷം ജൂൺ 18നാണ് ഹർദീപ് സിംഗ് നിജ്ജർ വെടിയേറ്റ് മരിച്ചത്. ആരോപണങ്ങൾക്കു പിന്നാലെ ഇരുരാജ്യങ്ങളും തമ്മിലുള്ള നയതന്ത്ര ബന്ധം കുടുതൽ വഷളായിരുന്നു. 

Read More

• ജമ്മു കശ്മീരിൽ ഏറ്റുമുട്ടൽ; രണ്ടു ഭീകരരെ വധിച്ച് സുരക്ഷാസേന
• കശ്മീരിൽ സൈനിക ക്യാമ്പിന് നേരെ ഭീകരാക്രമണം
• പുകമഞ്ഞിൽ മൂടി രാജ്യതലസ്ഥാനം;വായുമലിനീകരണം ഉച്ഛസ്ഥായിയിൽ
• തിരക്കേറിയ സീസണിൽ ഇന്ത്യ- അമേരിക്ക റൂട്ടിൽ എയർ ഇന്ത്യ റദ്ദാക്കിയത് 60 വിമാനങ്ങൾ
• യാത്രക്കാരുടെ ശ്രദ്ധയ്ക്ക്; ട്രെയിൻ ടിക്കറ്റ് ബുക്കിങ്ങിൽ ഇന്ന് മുതൽ ഈ മാറ്റങ്ങൾ