ഇൻഡിഗോ വിമാനത്തിൽ ബോംബ് ഭീഷണി, യാത്രക്കാരെ ഒഴിപ്പിച്ചു

ഡൽഹി: ഡൽഹിയിൽ നിന്ന് വാരണാസിയിലേക്ക് പുറപ്പെടേണ്ടിയിരുന്ന ഇൻഡിഗോ വിമാനത്തിൽ ബോംബ് ഭീഷണി. ചൊവ്വാഴ്ച രാവിലെ പുറപ്പെടേണ്ടിയിരുന്ന വിമാനത്തിലാണ് ഭീഷണയുണ്ടായത്.​ ഇതേ തുടർന്ന് എല്ലാ യാത്രക്കാരെയും ഡൽഹി വിമാനത്താവളത്തിൽ ഇറക്കി. യാത്രക്കാരെ എമർജൻസി എക്സിറ്റിലൂടെ പുറത്ത് ഇറക്കുകയും ഐസൊലേഷൻ ബേയിലേക്ക് മാറ്റുകയും ചെയ്തു.

ചൊവ്വാഴ്ച പുലർച്ചെ അഞ്ചരയോടെയാണ് ബോംബ് ഭാഷണി എത്തുന്നത്. ഡൽഹിയിൽ നിന്ന് വാരാണസിയിലേക്ക് സർവീസ് നടത്തുന്ന 6E2211 വിമാനത്തിനാണ് ഭീഷണിയുണ്ടായതെന്ന് ഇൻഡിഗോ പ്രസ്താവനയിലൂടെ അറിയിച്ചു. ആവശ്യമായ പ്രോട്ടോക്കോളുകൾ പാലിക്കുകയും, എയർപോർട്ട് സുരക്ഷാ ഏജൻസികളുടെ മാർഗ്ഗനിർദ്ദേശങ്ങൾ അനുസരിച്ച് വിമാനം സുരക്ഷിതമായ സ്ഥലത്തേക്ക് മാറ്റുകയും ചെയ്തെന്ന് ഇൻഡിഗോ അറിയിച്ചു. 

#Delhi | All passengers of a Delhi to Varanasi #Indigo flight were deboarded at the Delhi airport following a #bombthreat on Tuesday morning.https://t.co/VBCJRJV0VXpic.twitter.com/hC4fGhuH76

— The Indian Express (@IndianExpress) May 28, 2024

വിമാനത്തിൽ പരിശോധന നടക്കുകയാണ്. സുരക്ഷാ പരിശോധനകൾ പൂർത്തിയായ ശേഷം വിമാനം ടെർമിനലിലേക്ക് തിരികെ കൊണ്ടുവരും, ഇൻഡിഗോ കൂട്ടിച്ചേർത്തു. അതേസമയം, യാത്രക്കാർ സുരക്ഷിതരാണെന്ന് ഡൽഹി എയർപോർട്ട് അധികൃതർ സ്ഥിരീകരിച്ചിട്ടുണ്ട്.

ബോംബ് ഭീഷണി ലഭിച്ച ഉടൻ ദ്രുത പ്രതികരണ സംഘം (ക്യുആർടി) സ്ഥലത്തെത്തിയതായി ഡൽഹി ഫയർ സർവീസ് അറിയിച്ചു. എയർപോർട്ടിലെ വ്യോമയാന സുരക്ഷ സംഘവും ബോംബ് ഡിസ്പോസൽ സ്ക്വാഡും ഉൾപ്പെടെയുള്ള ക്യുആർടിയാണ് കോമ്പിംഗ് പ്രവർത്തനങ്ങളും തുടർ അന്വേഷണവും നടത്തുന്നത്.

Read More

• പ്രജ്വല്‍ രേവണ്ണ നാട്ടിലേക്ക്; ഉടൻ കീഴടങ്ങുമെന്ന് വീഡിയോ സന്ദേശം
• അടുത്ത സർക്കാർ രൂപീകരിക്കും; ഇതിനകം തന്നെ ഭൂരിപക്ഷം സീറ്റുകൾ ഉറപ്പിച്ച് കഴിഞ്ഞെന്ന് അമിത് ഷാ
• അഗ്നിഗോളമായി രാജ്ക്കോട്ടിലെ ഗെയിം സെന്റർ; കുരുന്നുകൾ ഉൾപ്പടെ വെന്തു മരിച്ചത് 27 പേർ
• 'ഇവിടത്തെ കാര്യം നോക്കാൻ ഞങ്ങൾക്കറിയാം'; പാക്കിസ്ഥാൻ നേതാവിന് കേജ്രിവാളിന്റെ മറുപടി
• പോർഷെ അപകടം: ഡ്രൈവറെ തട്ടിക്കൊണ്ടു പോയി തടവിൽ പാർപ്പിച്ചു; കൗമാരക്കാരന്റെ മുത്തച്ഛൻ അറസ്റ്റിൽ