അഴിമതി തെളിവുകള്‍ അപഹരിച്ച ഡല്‍ഹി ചീഫ് സെക്രട്ടറിക്കെതിരെ കേസ്

ഡൽഹി: കോടതി ഉത്തരവിനെ തുടർന്ന് ഡൽഹി ചീഫ് സെക്രട്ടറി നരേഷ് കുമാറിനും അദ്ദേഹത്തിൻ്റെ കീഴുദ്യോഗസ്ഥന്‍ വൈ.വി.വി.ജെ രാജശേഖറിനും എതിരെ എഫ്ഐആർ രജിസ്റ്റർ ചെയ്തു. മാർച്ച് 2ന്, ഉദ്യോഗസ്ഥർക്കെതിരെ പ്ലസൻ്റ് വാലി ഫൗണ്ടേഷൻ എന്ന എൻജിഒ നൽകിയ പരാതിയുടെ അടിസ്ഥാനത്തിലാണ് കേസെടുത്തത്. ഉത്തരാഖണ്ഡ് അൽമോര ടൗൺ കോടതിയാണ് കേസെടുത്ത് അന്വേഷണം ആരംഭിക്കാൻ റവന്യൂ പൊലീസിന് നിർദേശം നൽകിയത്.

ഫെബ്രുവരി 14ന് ദഡകഡ ഗ്രാമത്തിൽ എൻജിഒ നടത്തുന്ന സ്‌കൂളിലേക്ക് ഉദ്യോഗസ്ഥർ നാലുപേരെ അയച്ചതായി പ്ലസൻ്റ് വാലി ഫൗണ്ടേഷൻ ആരോപിച്ചു. ഈ നാലുപേർ എൻജിഒയുടെ ജോയിൻ്റ് സെക്രട്ടറിയുടെ ഓഫീസ് ചേംബർ തകർക്കുകയും, അഴിമതി നടത്തിയതിന്റെ തെളിവുകളടങ്ങിയ ഫയലുകളും രേഖകളും പെൻഡ്രൈവുകളും അപഹരിക്കുകയും ചെയ്തെന്നാണ് ആരോപണം.

തങ്ങൾക്കെതിരെ വിജിലൻസ് വകുപ്പിലും മറ്റ് ഫോറങ്ങളിലും നൽകിയ അഴിമതി സംബന്ധിച്ച പരാതികൾ ഉടൻ പിൻവലിച്ചില്ലെങ്കിൽ കുടുക്കുമെന്ന് ഭീഷണിപ്പെടുത്തിയതായി പരാതിക്കാർ ആരോപിച്ചു. കൂടാതെ ചില രേഖകളിൽ ഒപ്പിടാൻ നിർബന്ധിച്ചതായും, പ്രതിരോധിച്ചപ്പോള്‍  ഡ്രോയറിൽ സൂക്ഷിച്ചിരുന്ന 63,000 രൂപ മോഷ്ടിച്ചതായും പരാതിക്കാരന്‍ പറയുന്നു.

അൽമോര ചീഫ് ജുഡീഷ്യൽ മജിസ്‌ട്രേറ്റിൻ്റെ ഉത്തരവനുസരിച്ച് ഗോവിന്ദ്പൂരിലെ റവന്യൂ പൊലീസ് സബ് ഇൻസ്‌പെക്ടർ കേസ് രജിസ്റ്റർ ചെയ്തതിട്ടുണ്ടെന്ന്, ജില്ലാ മജിസ്‌ട്രേറ്റ് വിനിത് തോമർ പറഞ്ഞു. ഐപിസിയിലെയും എസ്‌സിയിലെയും 392, 447, 120ബി, 504, 506 വകുപ്പുകളും എസ്.സി.എസ്.ടി നിയമത്തിലെ വകുപ്പുകളും ചേര്‍ത്താണ് എഫ്.ഐ.ആര്‍ രജിസ്റ്റര്‍ ചെയ്തിരിക്കുന്നത്. 

Read More:

• സുൽത്താൻ ബത്തേരിയല്ലത്, ഗണപതിവട്ടമാണ്; പേര് മാറ്റാൻ കച്ചകെട്ടി കെ.സുരേന്ദ്രൻ
• കെ. ബാബുവിന്റെ എംഎൽഎ സ്ഥാനം തെറിക്കുമോ ? തൃപ്പൂണിത്തുറ തിരഞ്ഞെടുപ്പ് കേസിൽ വിധി ഇന്ന്
• സിദ്ധാർത്ഥന്റെ മരണം; സിബിഐക്ക് പിന്നാലെ മനുഷ്യാവകാശ കമ്മീഷനും പൂക്കോട്ടേക്ക്
• കരുവന്നൂ‍ര്‍ ബാങ്ക് കേസ്; സിപിഎമ്മിനെ കുരുക്കാൻ ഇ.ഡി; 5 രഹസ്യ അക്കൗണ്ട് വിവരങ്ങൾ തിരഞ്ഞെടുപ്പ് കമ്മീഷന് നൽകി
• 'മുഖ്യമന്ത്രി ചതിച്ചു, ക്ലിഫ് ഹൗസിന് മുന്നിൽ സമരമിരിക്കും'; സർക്കാരിനെതിരെ സിദ്ധാർത്ഥന്റെ അച്ഛൻ
• 'സർക്കാർ മാറുമ്പോൾ മറുപടി നൽകും'; ബിജെപിക്കെതിരെ രാഹുൽ ഗാന്ധി