ക്രിക്കറ്റ് കളിക്കിടെ പന്തെടുക്കാൻപോയ പതിമൂന്നുകാരൻ ഷോക്കേറ്റ് മരിച്ചു

ഡൽഹി: ക്രിക്കറ്റ് കളിക്കുന്നതിനിടെ ഷോക്കേറ്റ് പതിമൂന്നു കാരൻ മരിച്ചു. വെസ്റ്റ് ഡൽഹിയിലെ രംഹോളയിലാണ് ഗ്രൗണ്ടിൽ ക്രിക്കറ്റ് കളിക്കുന്നതിനിടെ ആൺകുട്ടി മരണപ്പെട്ടത്. കളിക്കിടെ ബോളെടുക്കാൻ പോകുന്നതിനിടെ ഇരുമ്പുതൂണിൽ നിന്നാണ് ഷോക്കേറ്റത്.

ഗ്രൗണ്ടിന് സമീപത്തായുള്ള ഗോശാലയിലേക്ക് വൈദ്യുതി എത്തിക്കാൻ സ്ഥാപിച്ചിരിക്കുന്ന തൂണിൽനിന്നാണ് ഷോക്കേറ്റതെന്ന് പൊലീസ് അറിയിച്ചു. പ്രദേശവാസികൾ ചേർന്നാണ് കുട്ടിയെ സമീപത്തെ ആശുപത്രിയിൽ എത്തിച്ചത്. ആശുപത്രിയിൽവച്ച് മരണം സ്ഥിരീകരിക്കുകയായിരുന്നു. സംഭവത്തിൽ ബിഎൻഎസ് 106(1) വകുപ്പു പ്രകാരം കേസെടുത്ത് പൊലീസ് അന്വേഷണം ആരംഭിച്ചു.

#WATCH | Delhi: Visuals from a Cricket ground in outer Delhi's Ranhola area where a 13-year-old boy died due to electrocution yesterday. https://t.co/fl8WsQ0Eompic.twitter.com/sKWiCfiMWH

— ANI (@ANI) August 11, 2024

അതേസമയം, ഗോശാലയ്ക്കും വൈദ്യുതി വകുപ്പിനുമെതിരെ കർശന നടപടി സ്വീകരിക്കണമെന്ന് മരണപ്പെട്ട കുട്ടിയുടെ അമ്മ ദേവി ആവശ്യപ്പെട്ടു. കുട്ടിക്ക് വൈദ്യുതാഘാതമേറ്റ ഇരുമ്പ് തൂൺ അലക്ഷ്യമായാണ് സ്ഥാപിച്ചിരുന്നതെന്നും, ധാരാളം കുട്ടികൾ ദിവസവും കളിക്കുന്ന ഗ്രൗണ്ടാണിതെന്നും കുട്ടിയുടെ അമ്മ പറഞ്ഞു. മറ്റു കുട്ടികൾക്ക് സമാന ദുരന്തം ഉണ്ടാകാതിരിക്കാൻ വേണ്ട നടപടികൾ എത്രയും പെട്ടന്ന് സ്വീകരിക്കണമെന്ന് അവർ ആവശ്യപ്പെട്ടു.

കഴിഞ്ഞ മാസംആദ്യം തെക്കുപടിഞ്ഞാറൻ ഡൽഹിയിലെ ബിന്ദാപൂർ പ്രദേശത്ത് 12 വയസുകാരന് ഇലട്രിക് കമ്പിയിൽ നിന്ന് ഷോക്കേറ്റ് മരണപ്പെട്ടിരുന്നു. ട്യൂഷൻ ക്ലാസ് കഴിഞ്ഞ് വീട്ടിലേക്ക് മടങ്ങുമ്പോഴായിരുന്നു സംഭവം.

Read More

• കൊൽക്കത്തയിലെ വനിതാ ഡോക്ടറുടെ കൊലപാതകം: മെഡിക്കൽ കോളേജ് സൂപ്രണ്ടിനെതിരെ നടപടി
• തീപിടിച്ചെന്ന അഭ്യൂഹം; യുപിയിൽ ഓടുന്ന ട്രയിനിൽനിന്ന് ചാടിയ ആറുപേർക്ക് പരിക്ക്
• സെബി ചെയർപേഴ്ണുമായി വാണിജ്യ ബന്ധമില്ല: ഹിൻഡെൻബർഗ് റിപ്പോർട്ട് തള്ളി അദാനി ഗ്രൂപ്പ്
• മണിപ്പൂരിൽ സ്‌ഫോടനത്തിൽ മുൻ എംഎൽഎയുടെ ഭാര്യ കൊല്ലപ്പെട്ടു
• ജാതി വ്യവസ്ഥയെ ന്യായീകരിച്ച് ആർഎസ്എസ് മുഖപത്രം
• തുംഗഭദ്ര ഡാമിന്റെ ഗേറ്റ് തകർന്നു; കർണാടകയിൽ പ്രളയ മുന്നറിയിപ്പ്