ഹിന്ദുക്കളുടെയും ന്യൂനപക്ഷങ്ങളുടെയും സുരക്ഷ; മോദിക്ക് ഉറപ്പുനൽകി മുഹമ്മദ് യൂനുസ്

ഡൽഹി: പ്രധാനമന്ത്രി നരേന്ദ്ര മോദിയുമായി ഫോണിൽ ബന്ധപ്പെട്ട് ബംഗ്ലാദേശിലെ ഇടക്കാല സർക്കാരിന്റെ മുഖ്യ ഉപദേഷ്ടാവ് മുഹമ്മദ് യൂനുസ്. ബംഗ്ലാദേശിൽ ഹിന്ദുക്കൾക്കെതിരായ സമീപകാല ആക്രമണങ്ങളും സുരക്ഷയും മുഹമ്മദ് യൂനുസ് അഭിസംബോധന ചെയ്തു. ഇടക്കാല സർക്കാർ ചുമതലയേറ്റശേഷം മോദിയും യൂനുസും തമ്മിലുള്ള ആദ്യ സംഭാഷണമാണിത്.

സ്വാതന്ത്ര്യദിന പ്രസംഗത്തിൽ പ്രധാനമന്ത്രി ബംഗ്ലാദേശിലെ ഹിന്ദു സമൂഹം നേരിടുന്ന സുരക്ഷാ വെല്ലുവിളികളിൽ ആശങ്ക പ്രകടിപ്പിച്ചിരുന്നു. ഇതിന് പിന്നാലെയാണ് മുഹമ്മദ് യൂനുസിന്റെ വിളിയെത്തുന്നത്.

Received a telephone call from Professor Muhammad Yunus, @ChiefAdviserGoB. Exchanged views on the prevailing situation. Reiterated india's support for a democratic, stable, peaceful and progressive Bangladesh. He assured protection, safety and security of Hindus and all…

— Narendra Modi (@narendramodi) August 16, 2024

ജനാധിപത്യവും സുസ്ഥിരവും സമാധാനപരവും പുരോഗമനപരവുമായ ബംഗ്ലാദേശിന്റെ വളർച്ചയ്ക്ക് ഇന്ത്യയുടെ പിന്തുണ അറിയിച്ചതായും, ഹിന്ദുക്കളുടെയും ന്യൂനപക്ഷങ്ങളുടെയും സംരക്ഷണവും സുരക്ഷയും മുഹമ്മദ് യൂനുസ് ഉറപ്പു നൽകിയതായും പ്രധാനമന്ത്രി സാമൂഹ്യ മാധ്യമാമായ എക്സിലൂടെ വ്യക്തമാക്കി.

മുൻ ബംഗ്ലാദേശ് പ്രധാനമന്ത്രി ഷെയ്ഖ് ഹസീന ആഗസ്റ്റ് 5ന് ഇന്ത്യയിലേക്ക് പലായനം ചെയ്തതിന് പിന്നാലെ ഇരുരാജ്യങ്ങളും തമ്മിലുള്ള ബന്ധം വഷളായിരുന്നു. കഴിഞ്ഞ ആഴ്‌ച ബംഗ്ലാദേശിൽ നടന്ന സംഭവവികാസങ്ങൾ ഇന്ത്യയിലുടനീളം ആശങ്ക ഉയർത്തിയിരുന്നു. 

ആക്രമണങ്ങളുടെ പശ്ചത്തലത്തിൽ, യൂനുസ് ബംഗ്ലാദേശിലെ ഹിന്ദു സമൂഹവുമായി ബന്ധപ്പെടുകയും ബംഗ്ലാദേശലെ ധകേശ്വരി ക്ഷേത്രം സന്ദർശിക്കുകയും ചെയ്തിരുന്നു. അവിടെ അദ്ദേഹം സമുദായ നേതാക്കളെ നേരിട്ട് കാണുകയും എല്ലാവർക്കും നീതി ഉറപ്പാക്കുമെന്ന് വാക്കു നൽകുകയും ചെയ്തു.

Read More

• നിയമസഭാ തിരഞ്ഞെടുപ്പ്; ജമ്മുകശ്മീരിൽ മൂന്ന് ഘട്ടമായി, ഹരിയാനയിൽ ഒക്ടോബർ ഒന്നിന്
• 'സംസ്ഥാനത്ത് ക്രമസമാധാനം തകർന്നു'; സംസ്ഥാന സർക്കാരിനെതിരെ രൂക്ഷ വിമർശനവുമായി ഹൈക്കോടതി
• യുവഡോക്ടറുടെ കൊലപാതകം;രാജ്യവ്യാപക പ്രതിഷേധവുമായി ഐഎംഎ
• യുവഡോക്ടറുടെ കൊലപാതകം; ആശുപത്രി അടിച്ചുതകർത്ത ഒൻപതുപേർ അറസ്റ്റിൽ
• രാജ്യം ഒന്നാമത് മുദ്രാവാക്യമാക്കി മുന്നോട്ട് പോകണം:നരേന്ദ്ര മോദി
• വൈക്കം സത്യാഗ്രഹം; സ്വാതന്ത്രസമരത്തിലേക്കുള്ള ആദ്യപടി
• 'കാഫിർ' പ്രയോഗത്തിന് പിന്നിലാര്?