തിരഞ്ഞെടുപ്പ് പെരുമാറ്റച്ചട്ടം ലംഘിച്ചു; നടൻ അല്ലു അർജുനെതിരെ കേസെടുത്തു

ഹൈദരാബാദ്: ലോക്സഭാ തിരഞ്ഞെടുപ്പ് കാലത്ത് ആന്ധ്രാ എംഎൽഎയുടെ തിരഞ്ഞെടുപ്പ് പ്രചാരണത്തിൽ പങ്കെടുത്ത തെലുങ്ക് താരം അല്ലു അർജുനെതിരെ തിരഞ്ഞെടുപ്പ് മാതൃകാ പെരുമാറ്റ ചട്ടലംഘനത്തിന് കേസെടുത്തു. വൈഎസ്ആർസിപി സ്ഥാനാർത്ഥിയും സിറ്റിങ് എംഎൽഎയുമായ ശിൽപ രവിചന്ദ്ര കിഷോർ റെഡ്ഡിയുടെ വസതിയിൽ വൻ ജനക്കൂട്ടം തടിച്ചുകൂടിയതിനെ തുടർന്നാണ് നടന്റേയും സ്ഥാനാർത്ഥിയുടേയും പേരിൽ കേസെടുത്തത്.

ആന്ധ്രാപ്രദേശിലെ നന്ദ്യാൽ ജില്ലയിലെ ശിൽപ രവിചന്ദ്ര കിഷോർ റെഡ്ഡിയുടെ വസതിയിലാണ് താരം പ്രചരണത്തിനെത്തിയത്. അല്ലു അർജുനെതിരെ കേസെടുത്ത ആന്ധ്രാ പൊലീസ് എഫ്ഐആറിൽ എംഎൽഎയുടെ പേരും ഉൾപ്പെടുത്തിയിട്ടുണ്ട്. എംഎൽഎയുടെ വീട്ടിലെത്തിയ താരം ഒരു മണിക്കൂറിലധികം ഇവിടെ പ്രചരണങ്ങൾക്കായി സമയം ചെലവഴിച്ചിരുന്നു.

నా మిత్రుడు, శ్రేయోభిలాషి ఐకాన్ స్టార్ @alluarjun గారు సతీ సమేతంగా నంద్యాల విచ్చేసి రానున్న ఎన్నికలకు శుభాకాంక్షలు తెలిపినందుకు మనస్ఫూర్తిగా ధన్యవాదాలు! pic.twitter.com/c2ti2efMmO

— Silpa Ravi Reddy (@SilpaRaviReddy) May 11, 2024

അല്ലുവിന്റെ ഹിറ്റ് ചിത്രമായ 'പുഷ്പ'യിലെ ഡയലോഗുകൾ പറഞ്ഞ് താരം കാണികളെ രസിപ്പിച്ചിരുന്നു. ഇതിന് പിന്നാലെ താരത്തിനെതിരെ തിരഞ്ഞെടുപ്പ് മാതൃകാ പെരുമാറ്റച്ചട്ട ലംഘനം ആരോപിച്ച് നിരവധി പേർ രംഗത്തെത്തിയത്.

Grateful to the people of Nandyal for the warm reception. Thank you, @SilpaRaviReddy garu, for the hospitality. Wishing you the very best in the elections and beyond. You have my unwavering love and support pic.twitter.com/n34ra9qpMO

— Allu Arjun (@alluarjun) May 11, 2024

സംഭവത്തെ തുടർന്ന് നന്ദ്യാലിലെ സ്‌പെഷ്യൽ ഡെപ്യൂട്ടി തഹസിൽദാർ നന്ത്യാൽ ടൗൺ പൊലീസ് സ്‌റ്റേഷനിൽ പരാതി നൽകി. അല്ലു അർജുന് തിരഞ്ഞെടുപ്പ് പരിപാടികൾ നടത്താൻ മണ്ഡലം റിട്ടേണിംഗ് ഓഫീസറുടെ അനുമതിയില്ലെന്നും ഇത്രയും വലിയ ജനക്കൂട്ടം തടിച്ചുകൂടിയത് പൊതുജന സുരക്ഷാ പ്രശ്നങ്ങൾക്ക് കാരണമായെന്നും പൊലീസ് ചൂണ്ടിക്കാട്ടി. വലിയ ആൾക്കൂട്ടം ക്രമസമാധാന തകരാർ ഉണ്ടാക്കുകയും ചെയ്തെന്നാണ് ആരോപണം.

A heartfelt thank you to my friend @alluarjun for traveling all the way to Nandyal to wish me the best in my election. Your unwavering support means everything to me, and I'm so grateful for our friendship! #Thaggedelepic.twitter.com/QsVvM6XgGh

— Silpa Ravi Reddy (@SilpaRaviReddy) May 11, 2024

ഐപിസി സെക്ഷൻ 188 (പൊതുപ്രവർത്തകൻ യഥാവിധി പ്രഖ്യാപിച്ച ഉത്തരവ് അനുസരിക്കാത്തത്) പ്രകാരം ശനിയാഴ്ചയാണ് പൊലീസ് കേസെടുത്തത്. അല്ലു അർജുൻ തിരഞ്ഞെടുപ്പ് പ്രോട്ടോക്കോളുകൾ ലംഘിച്ചുവെന്നും, സിആർപിസി സെക്ഷൻ 144 (നാലിൽ കൂടുതൽ ആളുകളുടെ സമ്മേളനം), എ.പി. പൊലീസ് ആക്ടിലെ സെക്ഷൻ 31 എന്നിവയുടെ ലംഘനം നടത്തിയെന്നും എഫ്ഐആറിൽ പറയുന്നു. 2019ലെ തിരഞ്ഞെടുപ്പിലും നന്ദ്യാൽ എംഎൽഎയായ റെഡ്ഡിക്ക് വേണ്ടി അർജുൻ നേരത്തെ പ്രചാരണം നടത്തിയിരുന്നു.

Read More

• പൊതു സംവാദത്തിന് തയ്യാർ; മോദിയെ വെല്ലുവിളിച്ച് രാഹുൽ ഗാന്ധി
• സെക്സ് വീഡിയോ വിവാദം: ബിജെപി നേതാവ് ദേവരാജെ ഗൗഡ അറസ്റ്റിൽ
• 'പ്രധാനമന്ത്രിയായി മോദിക്ക് ഇനിയൊരു തിരിച്ച് വരവുണ്ടാകില്ല'; രാഹുൽ ഗാന്ധി
• ഡൽഹി മദ്യനയ കേസിൽ അരവിന്ദ് കേജ്‌രിവാളിന് ഇടക്കാല ജാമ്യം
• അദാനിയും അംബാനിയും നിറയുന്ന രാഹുൽ- മോദി പോർവിളികൾ