വെളിച്ചെണ്ണയും ചെറുനാരങ്ങയും കൈയ്യിലുണ്ടോ? മുഖത്തെ ബ്ലാക്ഹെഡ്സ് അകറ്റാം ഞൊടിയിടയിൽ

വൈറ്റ് ഹെഡ്സ് മാത്രമല്ല ബ്ലാക്ക് ഹെഡ്സും ചർമ്മ പരിചരണത്തിൽ ഏറെ വെല്ലുവിളികൾ സൃഷ്ടിച്ചേക്കും. അത് ചർമ്മത്തിലെ വീക്കം, ചുവപ്പ് എന്നിവയ്ക്കു കാരണമാകും. ഫെയ്സ് വാഷ്, സ്ക്രബ് എന്നിവ ഉപയോഗിക്കുന്നത് ഇവയ്ക്ക് ശാശ്വത പരിഹരമാകുന്നില്ല. എന്നാൽ ചില വീട്ടുവൈദ്യങ്ങൾ ബ്ലാക്ക് ഹെഡ്സും അതിൻ്റെ ഭാഗമായി ഉണ്ടാകുന്ന മുഖക്കുരു പാടുകൾ എന്നിവ കുറയ്ക്കാനും സഹായിച്ചേക്കും. അവ എന്തൊക്കെ എന്ന് അറിയാം.

പഞ്ചസാര

എറ്റവും എളുപ്പമുള്ള ഒരു മാർഗമാണിത്. പഞ്ചാസാര ഉപയോഗിച്ച വളരെ മൃദുവായി സ്ക്രബ് ചെയ്യുന്നത് ബ്ലാക്ഹെഡ്സ് അകറ്റാൻ മികച്ചതാണ്. പഞ്ചസാരക്കൊപ്പം തേനോ, ചെറുനാരങ്ങയോ ചേർത്ത് ഉപയോഗിക്കാവുന്നതാണ്.

പപ്പായ

പപ്പായ, പാൽപ്പൊടി, ചെറുനാരങ്ങാനീര്, അരിപ്പൊടി എന്നിവ പേസ്റ്റ് രൂപത്തിലാക്കി മുഖത്ത് പുരട്ടുക. ശേഷം മൃദുവായി സ്‌ക്രബ് ചെയ്യുക. 15 മിനിറ്റിന് ശേഷം ചെറുചൂടുള്ള വെള്ളത്തിൽ മുഖം കഴുകാം. 

വെളിച്ചെണ്ണ

ഒരു ടീസ്പൂണ്‍ വെളിച്ചെണ്ണയില്‍ ഒരു ടീസ്പൂണ്‍ മഞ്ഞള്‍ ചേര്‍ത്ത് പേസ്റ്റ് ഉണ്ടാക്കുക. ഇനി ഇത്  മുഖത്ത് പുരട്ടി 15 മിനിറ്റ് കഴിഞ്ഞ് തണുത്തവെള്ളത്തില്‍ നന്നായി കഴുകിക്കളയുക. 

ചെറുനാരങ്ങ

ഒരു സ്പൂണ്‍ ചെറുനാരങ്ങാനീരും ഒരു കഷ്ണം കറുവാപ്പട്ടയും ഒരു നുള്ള് തേനും ചേര്‍ത്ത് മിശ്രിതമാക്കുക. ശേഷം ഈ മിശ്രിതം ബ്ലാക്ക് ഹെഡ്‌സിന്റെ മുകളില്‍ പുരട്ടുക. 15 മിനിറ്റിനു ശേഷം തണുത്ത വെള്ളം ഉപയോഗിച്ച് കഴുകിക്കളയാം. 

ഉപ്പ് 

ഉപ്പും ബ്ലാക്ക്ഹെഡ്‌സ് അകറ്റാന്‍ നല്ലതാണ്. ഉപ്പിലെ ബ്ലീച്ചിംഗ് ഇഫക്ട് ആണ് ബ്ലാക്ക്ഹെഡ്‌സ് നീക്കം ചെയ്യാന്‍ സഹായിക്കുന്നത്. ഉപ്പിനൊപ്പവും ചെറുനാരങ്ങാനീര് ചേര്‍ത്ത് ഉപയോഗിക്കാം. കാരണം നാരങ്ങയ്ക്കും ബ്ലീച്ചിംഗ് ഇഫക്ടുണ്ട്. ഇതിനായി ചെറുനാരങ്ങാനീരില്‍ അല്‍പം ഉപ്പ് ചേര്‍ത്ത് മിശ്രിതമാക്കിയതിന് ശേഷം ബ്ലാക്ക്ഹെഡ്‌സ് ഉള്ള ഭാഗങ്ങളില്‍ പുരട്ടി ഉരസാം. 

വാഴപ്പഴം ഓട്സ്

ഒരു വാഴപ്പഴം ഉടച്ചത്, രണ്ട് സ്പൂൺ ഓട്സ് പൊടിച്ചത്, ഒരു സ്പൂൺ തേൻ എന്നിവ എടുക്കുക. ശേഷം ഇവ മിശ്രിതമാക്കി മുഖത്ത് പുരട്ടാം. 15 മിനിറ്റിനു ശേഷം കഴുകി കളയാം. 

ബേക്കിങ് സോഡ

ഒരു ടേബിൾസ്പൂൺ ബേക്കിങ് സോഡയിലേയ്ക്ക് രണ്ട് ടേബിൾസ്പൂൺ വെള്ളം ചേർത്തിളക്കി യോജിപ്പിക്കാം. ഇതിൽ നിന്നും അൽപം പുരട്ടി 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• സൺടാൻ എളുപ്പത്തിൽ കുറയ്ക്കാം ഈ കാപ്പിപ്പൊടി വിദ്യകൾ പരീക്ഷിക്കൂ
• മുഖകാന്തി വർധിപ്പിക്കാൻ ചെമ്പരത്തിയും റോസാപ്പൂവും
• കട്ടി കുറഞ്ഞ മുടിയാണോ? എങ്കിൽ ഈ 5 എണ്ണയിൽ ഒന്ന് തിരഞ്ഞെടുക്കൂ
• ഹെയർ കണ്ടീഷ്ണർ സ്വയം തയ്യാറാക്കാൻ 7 വിദ്യകൾ
• മുറ്റത്ത് നിൽക്കുന്ന തുളസി ഇനി മുഖക്കുരുവിന് പ്രതിവിധി