കട്ടി കുറഞ്ഞ മുടിയാണോ? എങ്കിൽ ഈ 5 എണ്ണയിൽ ഒന്ന് തിരഞ്ഞെടുക്കൂ

മുടി കട്ടി കുറഞ്ഞതാണെങ്കിൽ ഈർപ്പം തടഞ്ഞു നിർത്താനും പ്രയാസമായിരിക്കും. അവ പെട്ടെന്ന് പൊട്ടിപ്പോകാനുള്ള സാധ്യത ഏറെയാണ്. എന്നാൽ കൃത്യമായ പരിചരണം മുടിയുടെ ആരോഗ്യം വീണ്ടെടുക്കുന്നതിന് ഗുണകരമാകും. അതിനായി കെമിക്കൽ രഹിത ഹെയർ ഓയിൽ തിരഞ്ഞെടുക്കണം. മുടിയുടെ പ്രകൃതം അറിഞ്ഞു വേണം അത് ഉപയോഗിക്കാൻ. മുടിക്ക് ബലവും, തിളക്കവും നൽകാൻ സഹായിക്കുന്ന 5 നാച്വറൽ എണ്ണകൾ പരിചയപ്പെടാം.

ബദാം എണ്ണ

വിറ്റാമിൻ ഇ, മഗ്നീഷ്യം, ബയോട്ടിൻ, എന്നിങ്ങനെയുള്ള ആവശ്യ പോഷകങ്ങൾ അതിലടങ്ങിയിട്ടുണ്ട്. ഇത് മുടിയിഴകൾക്ക് കരുത്ത് പകർന്ന് പൊട്ടിപ്പോകുന്നത് തടയുന്നു. കട്ടി കുറഞ്ഞ മുടി ഉള്ളവർക്ക് അനുയോജ്യമായ എണ്ണയാണിത്.

അർഗൻ ഓയിൽ

'ലിക്യുഡ് ഗോൾഡ്' എന്നാണ് ഇത് അറിയപ്പെടുന്നത്. ധാരാളം ഫാറ്റി ആസിഡുകളും, വിറ്റാമിൻ ഇ, ആൻ്റി ഓക്സിഡൻ്റുകൾ എന്നിവ ഇതിൽ അടങ്ങിയിരിക്കുന്നു. മുടി കെട്ടു പിണഞ്ഞ പൊട്ടിപ്പോകുന്നതും, വരണ്ടു പോകുന്നതും തടയുന്നു. മുടി കരുത്തുറ്റ വളരാൻ സഹായിക്കുന്ന ആരോഗ്യകരമായ അന്തരീക്ഷം തലയോട്ടിൽ സൃഷ്ടിക്കുന്നു. വെളിച്ചെണ്ണയിൽ ഇത് കലർത്തി ഉപയോഗിക്കാവുന്നതാണ്.

ജോജോബ എണ്ണ

ഒട്ടിപിടിക്കുന്ന അവസ്ഥ ഉണ്ടാക്കാതെ തലമുടി മോയ്സ്ച്യുറൈസ് ചെയ്യാൻ ജോജോബ എണ്ണ സഹായിക്കും. ഇത് മറ്റ് പ്രകൃതിദത്തമായ എണ്ണ കൾ പോലെ തന്നെ തലയോട്ടി ക്ലെൻസ് ചെയ്യുന്നു. സെബം അടിഞ്ഞുകൂടുന്നത് തടഞ്ഞ ഹെയർഫോളിക്കിളുകൾ വൃത്തിയാക്കുന്നത് സഹായിക്കും.

ഗ്രേപ്പ് സീഡ് ഓയിൽ

ഫാറ്റി അസിഡുകളാൽ സമ്പന്നമാണ് ഈ എണ്ണ. അതിൽ അടങ്ങിയിരിക്കുന്ന ലിനോലിക് ആസിഡ് മുടിക്ക് കരുത്തു നൽകുന്നു. 

റോസ്ഷിപ്പ് ഓയിൽ

റോസ്ഷിപ്പ് ഓയിൽ പോറോസിറ്റി കുറഞ്ഞ മുടിയുടെ ഘടന മെച്ചപ്പെടുത്തി സ്വാഭാവിക തിളക്കം നൽകുന്നു. ഇതിന് ആന്റിമൈക്രോബിയൽ ഗുണങ്ങളുണ്ട്, വിറ്റാമിൻ ഇയുടെ അടങ്ങിയിട്ടുണ്ട്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഹെയർ കണ്ടീഷ്ണർ സ്വയം തയ്യാറാക്കാൻ 7 വിദ്യകൾ
• മുറ്റത്ത് നിൽക്കുന്ന തുളസി ഇനി മുഖക്കുരുവിന് പ്രതിവിധി
• വിണ്ടുകീറിയ ചുണ്ടുകൾക്കും വെളിച്ചെണ്ണ, ഇതാ ചില നുറുങ്ങു വിദ്യകൾ
• തലമുടി അഴകിന് 10 എണ്ണകൾ, ഇതിൽ ഒന്ന് തിരഞ്ഞെടുക്കാം: Natural Hair Oils