പാർലറിൽ പോയി സമയം കളയേണ്ട, നഖ സൗന്ദര്യത്തിന് ഇതാ 5 നുറുങ്ങു വിദ്യകൾ

ചർമ്മ സംരക്ഷണം എന്നതുപോലെ തന്നെ നഖങ്ങളുടെ പരിചരണവും വ്യക്തിശുചിത്വത്തിൻ്റെ ഭാഗമാണ്. ചർമ്മത്തിനും തലമുടിക്കും ഫെയ്സ്പാക്കും സ്ക്രബുകളും ഉപയോഗിക്കുന്നതു പോലെ തന്നെ പ്രധാനമാണ് നഖങ്ങൾ സുന്ദരമാക്കുന്നതും.

ബലം കുറഞ്ഞ വളരെ എളുപ്പം പൊട്ടിപ്പോകുന്ന നഖങ്ങളാണോ നിങ്ങളുടെ പ്രശ്നം? അങ്ങനെയെങ്കിൽ നെയിൽ പോളിഷുകളോട് വിട പറഞ്ഞ് നഖത്തിൻ്റെ ആരോഗ്യം വീണ്ടെടുക്കാനുള്ള മാർഗങ്ങൾ നോക്കാം.

പപ്പായ ആപ്പിൾ സിഡാർ വിനാഗിരി

നന്നായി പഴുത്ത ഒരു പപ്പായ തൊലി കളഞ്ഞ് അരച്ചെടുക്കാം. അതിലേയ്ക്ക് പൈനാപ്പിൾ മിശ്രിതം ചേർക്കാം. മുട്ടയുടെ മഞ്ഞക്കരു അരച്ചെടുത്തതും ആപ്പിൾ സിഡാർ  വിനാഗരിയും ഇതിലേയ്ക്ക് ചേർത്തിളക്കി യോജിപ്പിക്കാം. ശേഷം നഖങ്ങൾ ഈ മിശ്രിതത്തിൽ മുഖി അര മണിക്കൂർ വിശ്രമിക്കാം. 

നാരങ്ങ നീര്, ബേക്കിങ് സോഡ

ഒരു നാരങ്ങയുടെ നീര് പിഴിഞ്ഞെടുത്തതിലേയ്ക്ക് ബേക്കിംഗ് സോഡ കലർത്താം. ഈ മിശ്രിതം നഖങ്ങളിൽ പുരട്ടാം. പത്ത് മിനിറ്റിനു ശേഷം കഴുകി കളയാം. 

വെളുത്തുള്ളി

കുറച്ച് വെളുത്തുള്ളി അല്ലി അരച്ചെടുത്ത് കാൽ നഖങ്ങളിൽ പുരട്ടുന്നത് ഫംഗസ് ബാധകൾ അകറ്റാൻ സഹായിക്കും. 

ആപ്പിൾ സിഡാർ വിനാഗിരി

ആപ്പിൾ സിഡാർ വിനാഗരിയിലേയ്ക്ക് വെള്ളം ചേർത്തിളക്കി യോജിപ്പിക്കാം. ഇതിൽ അൽപ സമയം നഖങ്ങൾ മുക്കി വയ്ക്കാം. ശേഷം തണുത്ത വെള്ളത്തിൽ കഴുകി കളയാം. 

വെളിച്ചെണ്ണ

കൈ വിരലുകളിലും കാലിലും വെളിച്ചെണ്ണ പുരട്ടി മസാജ് ചെയ്യുന്നത് ഏറെ ഫലപ്രദമാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ലിപ്സ്റ്റിക്കും ബാമും ഇനി കടയിൽ നിന്നും വാങ്ങേണ്ട, ഒരു ബീറ്റ്റൂട്ട് കൈയ്യിലുണ്ടെങ്കിൽ അത് വീട്ടിൽ തയ്യാറാക്കാം
• വിട്ടുമാറാത്ത വായ്നാറ്റത്തിനും പ്രതിവിധിയുണ്ട്, അടുക്കളയിലെ ഈ 6 ചേരുവകൾ മതി
• കറിക്ക് രുചിയും മണവും വർധിപ്പിക്കാൻ മാത്രമല്ല കരുത്തുറ്റ മുടിയിഴകൾക്കും വെളുത്തുള്ളി ഇങ്ങനെ ഉപയോഗിക്കൂ
• അടുക്കളയിലെ ഈ 5 ചേരുവകൾ മതി, തിളക്കമുള്ള തലമുടി ഇനി നിങ്ങൾക്ക് സ്വന്തം
• തേങ്ങാപ്പാൽ ഒരൽപം മാറ്റി വച്ചോളൂ, ചർമ്മം തിളങ്ങാൻ ഇനി മറ്റൊന്നും വേണ്ട