കറിക്ക് രുചിയും മണവും വർധിപ്പിക്കാൻ മാത്രമല്ല കരുത്തുറ്റ മുടിയിഴകൾക്കും വെളുത്തുള്ളി ഇങ്ങനെ ഉപയോഗിക്കൂ

പ്രായം ഏതുമാകട്ടെ തലമുടി കൊഴിച്ചിൽ ഏറെ ബുദ്ധിമുട്ടിക്കുന്ന പ്രശ്നമാണ്. മുടി വളർച്ചയെ സഹായിക്കുന്ന ഏതാനും ഘടകങ്ങളുടെ അഭാവമാണ് ഇതിന് കാരണം. എന്നാൽ ഇതിന് ഉത്തമ പരിഹാരമാണ് വെളുത്തുള്ളി.

വെളുത്തുള്ളി ഇല്ലാത്ത അടുക്കള ഉണ്ടാവില്ല. കറിയുടെ രുചിയും മണവും വർധിപ്പിക്കാൻ ഇവയ്ക്ക് കഴിയും. അതു മാത്രമല്ല തലമുടി സംരക്ഷണത്തിനും വെളുത്തുള്ളി ഉപയോഗിക്കാം. 

സൾഫറിൻ്റെ സമ്പന്നമായ ഉറവിടമാണ് വെളുത്തുള്ളി. ഇത് കെരാട്ടിൻ ഉത്പാദനത്തിന് സഹായകരമാണ്. ശിരോചർമ്മത്തിലേയ്ക്കുള്ള രക്തയോട്ടം വർധിപ്പിച്ച് കരുത്തുറ്റ തലമുടി വളരുന്നതിന് വെളുത്തുള്ളി സഹായിക്കം. ഒപ്പം ഹെയർഫോളിക്കിളുകളെ പോഷിപ്പിക്കുന്നു. വെളുത്തുള്ളി നീരിലും ഫലപ്രദമായിരിക്കും അതിൻ്റെ എണ്ണ. വെളുത്തുള്ളി വീട്ടിൽ തയ്യാറാക്കാം

ചേരുവകൾ

വെളുത്തുള്ളി
ഒലിവ് എണ്ണ
വെളിച്ചെണ്ണ

തയ്യാറാക്കുന്ന വിധം

• വെളുത്തുള്ളി അല്ലി തൊലി കളഞ്ഞ് ചതച്ചെടുക്കാം.
• അതിലേയ്ക്ക് കുറച്ച് ഒലിവ് എണ്ണ ചേർക്കാം.
• ഇത് ഇടത്തരം തീയിൽ അടുപ്പിൽ വച്ചു മൂന്ന് മിനിറ്റ് തിളപ്പിക്കാം.
• രണ്ട് ടേബിൾസ്പൂൺ വെളിച്ചെണ്ണ കൂടി ഇതിലേയ്ക്ക് ഒഴിക്കാം.
• നന്നായി തിളച്ച എണ്ണ അടുപ്പണച്ച് തണുക്കാൻ മാറ്റി വയ്ക്കാം.
• തണുത്തതിനു ശേഷം ഇത് മിക്സിലേയ്ക്കു മാറ്റി അരച്ചെടുക്കാം.
• ശേഷം നന്നായി അരിച്ചെടുത്ത് വൃത്തിയുള്ള കുപ്പിയിലേയ്ക്കു മാറ്റാം. ഇത് ഒരാഴ്ച വരെ ഇങ്ങനെ സൂക്ഷിക്കാം

ഉപയോഗിക്കേണ്ട വിധം

തലമുടി വളർച്ചയ്ക്ക് സഹായകരമായ ധാരാളം പോഷകങ്ങൾ അടങ്ങിയിരിക്കുന്നതിനാൽ ആ എണ്ണ ദിവസവും ഉപയോഗിക്കാവുന്നതാണ്. വെളുത്തുള്ളിയുടെ മണം തലമുടിയിൽ ഉണ്ടാകാതിരിക്കാൻ വീര്യം കുറഞ്ഞ ഷാമ്പൂ  ഉപയോഗിച്ച് കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• അടുക്കളയിലെ ഈ 5 ചേരുവകൾ മതി, തിളക്കമുള്ള തലമുടി ഇനി നിങ്ങൾക്ക് സ്വന്തം
• തേങ്ങാപ്പാൽ ഒരൽപം മാറ്റി വച്ചോളൂ, ചർമ്മം തിളങ്ങാൻ ഇനി മറ്റൊന്നും വേണ്ട
• കാരറ്റ് കൈയ്യിലുണ്ടോ? എങ്കിൽ സ്കിൻ ടോണർ കടയിൽ നിന്നും വാങ്ങേണ്ട
• ദിവസവും ഉറങ്ങുന്നതിനു മുമ്പ് ഈ ജെൽ പുരട്ടൂ, ഗുണങ്ങളേറെയാണ്
• ഉള്ളിത്തൊലി വെറുതെ കളയരുതേ... ഡൈ തയ്യാറാക്കാം മിനിറ്റുകൾക്കുള്ളിൽ
• ആയുർവേദ ഗുണങ്ങൾ ഏറെയുള്ള ഈ ഇല ഉണ്ടെങ്കിൽ അകാല നരയെ അകറ്റി നിർത്താം