ഉള്ളിത്തൊലി വെറുതെ കളയരുതേ... ഡൈ തയ്യാറാക്കാം മിനിറ്റുകൾക്കുള്ളിൽ

പ്രായമായവരുടെ ഇടയിൽ മാത്രമല്ല ചെറുപ്പക്കാരെയും ബാധിക്കുന്ന പ്രധാന പ്രശ്നമാണ് നര. നരച്ച മുടി മറയ്ക്കാൻ മാർക്കറ്റിൽ കിട്ടുന്ന വില കൂടിയ ഡൈ വാങ്ങേണ്ടതില്ല. അവയിൽ അടങ്ങിയിരിക്കുന്ന രാസവസ്തുക്കൾ മുടിയുടെ ആരോഗ്യത്തെ ബാധിക്കും. പകരം ഉള്ളി ഉപയോഗിച്ചാൽ മതി. ഉള്ളിയിൽ അടങ്ങിയിരിക്കുന്ന സൾഫർ തലമുടി വളരാനും സ്വാഭാവിക നിറം മെച്ചപ്പെടുത്താനും സഹായിക്കും. അതുപയോഗിച്ച് ഒരു ഹെയർ ഡൈ തയ്യാറാക്കാം. 

ചേരുവകൾ

• ബദാം
• ഉള്ളിത്തൊലി
• ഉലുവ
• വിറ്റാമിൻ ഈ ക്യാപ്സൂൾ
• വെളിച്ചെണ്ണ

തയ്യാറാക്കുന്ന വിധം

ഈ ഹെയർ ഡൈ തയ്യാറാക്കാൻ ഇരുമ്പ് ചീനച്ചട്ടി ആവശ്യമാണ്. അതിലേയ്ക്ക് ബദാം, ഉലുവ, ഉള്ളിയുടെ തൊലി എന്നിവ ചേർത്തു വറുക്കാം. അവ കറുത്ത നിറമാകുമ്പോൾ അടുപ്പണച്ച് തണുക്കാൻ വയ്ക്കാം. ഇത് നന്നായി പൊടിച്ചെടുക്കാം. ഈ പൊടിയിൽ നിന്നും ഒരു ടീസ്പൂൺ ഒരു ബൗളിലേയ്ക്ക് മാറ്റാം. ഒരു വിറ്റാമിൻ ഇ ക്യാപ്സൂൾ ഇതിൽ പൊട്ടിച്ചൊഴിച്ചിളക്കി യോജിപ്പിക്കാം. ഡൈ തയ്യാറായി. 

ഉപയോഗിക്കേണ്ട വിധം

എണ്ണ മയം ഒട്ടും ഇല്ലാത്ത മുടിയിൽ വേണം ഈ ഡൈ പുരട്ടാൻ. ബ്രെഷ് ഉപയോഗിച്ച് ഈ മിശ്രിതം മുടിയിഴകളിൽ പുരട്ടാം. രണ്ട് മണിക്കൂറിനു ശേഷം ചെമ്പരത്തി താളി ഉപയോഗിച്ച് കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ആയുർവേദ ഗുണങ്ങൾ ഏറെയുള്ള ഈ ഇല ഉണ്ടെങ്കിൽ അകാല നരയെ അകറ്റി നിർത്താം
• ഈ ഒരു എണ്ണ മതി, കട്ടിയും തിളക്കവുമുള്ള തലമുടി നേടാം
• കടുക് മുതൽ കാപ്പിപ്പൊടി വരെ കൈയ്യിലുള്ളപ്പോൾ മുടി ഡൈ ചെയ്ത് സമയം കളയേണ്ട
• തലമുടി വളർച്ചയ്ക്ക് ഒരു സ്പൂൺ കർപ്പൂരം, ഇങ്ങനെ ഉപയോഗിക്കൂ
• ചർമ്മ പരിചരണത്തിൽ ഈ 6 കാര്യങ്ങൾ മറക്കരുത്
• തൈര് കൈയ്യിലുണ്ടെങ്കിൽ ഞൊടിയിടയിൽ ടാൻ അകറ്റാം
• പിഴുത് കളയേണ്ട ഡൈ പുരട്ടേണ്ട, അകാല നരയോട് വിടപറയാം ഈ സെറം ഉണ്ടെങ്കിൽ