അടുക്കളയിലെ ഈ 5 ചേരുവകൾ മതി, തിളക്കമുള്ള തലമുടി ഇനി നിങ്ങൾക്ക് സ്വന്തം

മങ്ങിയ നിറമുള്ള തലമുടി പലരുടെയും പ്രശ്നമാണ്. അമിതമായി സ്റ്റൈലിംഗ് ടൂളുകൾ ഉപയോഗിക്കുക, വീര്യം കുടിയ രാസവസ്തുക്കൾ ചേർന്ന ഉത്പന്നങ്ങൾ പുരട്ടുക, അന്തരീക്ഷ മലിനീകരണം എന്നിവയാണ് പലപ്പോഴും ഇതിന് കാരണം. ഇവ മുടിയുടെ സ്വാഭാവിക എണ്ണ മയം നഷ്ടപ്പെടുത്തുകയും മങ്ങലിലേയ്ക്ക് നയിക്കുകയും ചെയ്യും.  

എന്നാൽ തലമുടി മൊത്തത്തിലുള്ള സൗന്ദര്യത്തിൻ്റെ ലക്ഷണമായാണ് കാണുന്നത്. സ്വാഭാവിക തിളക്കവും കരുത്തും അവയ്ക്ക് അത്യന്താപേക്ഷിതമാണ്. അതിന് ശരിയായ പരിചരണം ആവശ്യമാണ്. കെമിക്കൽ രഹിതമായ പരിചരണ ശീലങ്ങൾ പിന്തുടരാം. അടുക്കളയിൽ സ്ഥിരമായി ഉപയോഗിക്കുന്ന പല ചേരുവകളും ഇതിന് സഹായകരമാണ്.

വെളിച്ചെണ്ണ

വെളിച്ചെണ്ണ ശിരോചർമ്മത്തിലും മുടിയിഴകളിലും പുരട്ടി മൃദുവായി മസാജ് ചെയ്യാം. ഇത് തലമുടിയെ കണ്ടീഷൻ ചെയ്തു നിർത്തുന്നു. 

ഗ്രീൻ ടീ

തലമുടി ഷാമ്പൂ ഉപയോഗിച്ച് കഴുകിയതിനു ശേഷം ഗ്രീൻ ടീ ഉപയോഗിച്ച് ഒരിക്കൽ കൂടി മുടി കഴുകാം. അത് തലമുടിയുടെ ആരോഗ്യവും തിളക്കവും വർധിപ്പിക്കും.

എഗ് ഹെയർ മാസ്ക്

തേനും തൈരും ഒരുമിച്ചിളക്കി യോജിപ്പിക്കാം. ഇത് തലമുടിയിൽ പുരട്ടാം, 30 മിനിറ്റിനു ശേഷം കഴുകി കളയാം. 

കറ്റാർവാഴ

വിറ്റാമിനുകൾ, ധാതുക്കൾ എന്നിവയാൽ സമ്പന്നമാണ് കറ്റാർവാഴ. കുളിക്കുന്നതിനു മുമ്പ് ഈ ജെൽ തലമുടിയിൽ പുരട്ടി 10 മിനിറ്റ് വിശ്രമിക്കാം. ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം.

തൈര്

തലമുടി കഴുകുന്നതിനു മുമ്പ് തൈര് പുരട്ടാം. 10 മിനിറ്റിനു ശേഷം കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തേങ്ങാപ്പാൽ ഒരൽപം മാറ്റി വച്ചോളൂ, ചർമ്മം തിളങ്ങാൻ ഇനി മറ്റൊന്നും വേണ്ട
• കാരറ്റ് കൈയ്യിലുണ്ടോ? എങ്കിൽ സ്കിൻ ടോണർ കടയിൽ നിന്നും വാങ്ങേണ്ട
• ദിവസവും ഉറങ്ങുന്നതിനു മുമ്പ് ഈ ജെൽ പുരട്ടൂ, ഗുണങ്ങളേറെയാണ്
• ഉള്ളിത്തൊലി വെറുതെ കളയരുതേ... ഡൈ തയ്യാറാക്കാം മിനിറ്റുകൾക്കുള്ളിൽ
• ആയുർവേദ ഗുണങ്ങൾ ഏറെയുള്ള ഈ ഇല ഉണ്ടെങ്കിൽ അകാല നരയെ അകറ്റി നിർത്താം
• ഈ ഒരു എണ്ണ മതി, കട്ടിയും തിളക്കവുമുള്ള തലമുടി നേടാം