തേങ്ങാപ്പാൽ ഒരൽപം മാറ്റി വച്ചോളൂ, ചർമ്മം തിളങ്ങാൻ ഇനി മറ്റൊന്നും വേണ്ട

ധാരാളം നാരുകൾ തേങ്ങാപ്പാലിൽ അടങ്ങിയിട്ടുണ്ട്. അതിനാൽ ദഹനാരോഗ്യത്തിന് ഏറെ ഗുണം ചെയ്യും. അതിലൂടെ മലബന്ധം തടയാനും സാധിക്കും.  ശരീരത്തിൻ്റെ ആരോഗ്യത്തിനു മാത്രമല്ല സൗന്ദര്യ പരിപാലനത്തിനും തേങ്ങാപ്പാൽ ഗുണകരമാണ്. 

കൊഴിഞ്ഞ തലമുടി അതിവേഗം വളരുന്നതിന് തേങ്ങാപ്പാൽ മികച്ച പ്രതിവിധിയാണ്. വിറ്റാമിൻ സി, വിറ്റാമിൻ ഇ എന്നിവയുടെ സമ്പന്ന ഉറവിടമാണ് അത്. അതിനാൽ വളരെ പെട്ടെന്നു തന്നെ കരുത്തുറ്റ തലമുടി വളർച്ച സാധ്യമാകും.

തേങ്ങാപ്പാലിൽ അടങ്ങിയിരിക്കുന്ന കൊഴുപ്പ് മികച്ച മോയ്സ്ച്യുറൈസിങ് സവിശേഷതകളാൽ സമ്പന്നമാണ്. ഇത് ചർമ്മത്തിനും തലയോട്ടിക്കും ഫലപ്രദമായിരിക്കും. വ്യത്യസ്ത തരത്തിൽ തേങ്ങാപ്പാൽ സൗന്ദര്യ പരിചരണത്തിനായി ഉപയോഗിക്കാം. അത് എങ്ങനെ എന്ന് പരിചയപ്പെടാം. 

തേങ്ങാപ്പാൽ മഞ്ഞൾപ്പൊടി

ചേരുവകൾ

• തേങ്ങാപ്പാൽ
• അരിപ്പൊടി
• മഞ്ഞൾപ്പൊടി

തയ്യാറാക്കുന്ന വിധം

മൂന്ന് സേപൂൺ തേങ്ങാപ്പാലിലേയ്ക്ക് അര സ്പൂൺ മഞ്ഞൾപ്പൊടി ചേർത്തിളക്കാം. ഇതിലേയ്ക്ക് അരിപ്പൊടി ചേർക്കാം. ക്ലെൻസ് ചെയ്ത ചർമ്മത്തിൽ ഈ ഫെയ്സപാക്ക് പുരട്ടാം. 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

തേങ്ങാപ്പാൽ ബദാം

ചേരുവകൾ

• ബദാം
• തേങ്ങാപ്പാൽ
• നാരങ്ങ നീര്

തയ്യാറാക്കുന്ന വിധം

വെള്ളത്തിൽ കുതിർത്തെടുത്ത ബദാം തൊലി കളഞ്ഞ് നന്നായി അരച്ചെടുക്കാം. ഇതിലേയ്ക്ക് രണ്ട് ടീസ്പൂൺ തേങ്ങാപ്പാലും, നാരങ്ങ നീരും, ഒരു ടീസ്പൂൺ പാൽപ്പൊടിയും ചേർത്തിളക്കി യോജിപ്പിക്കാം. വൃത്തിയായി കഴുകിയ മുഖത്ത് ഈ മിശ്രിതം പുരട്ടി 10 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. 

തേങ്ങാപ്പാൽ സ്ക്രബ്

തേങ്ങാപ്പാൽ വിരലുകൾ ഉപയോഗിച്ച് മുഖത്ത് പുരട്ടി മൃദുവായി മസാജ് ചെയ്യാൻ. 5 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

തേങ്ങാപ്പാൽ ക്ലെൻസർ

ചേരുവകൾ

• തേങ്ങാപ്പാൽ
• തൈര്

തയ്യാറാക്കുന്ന വിധം

തേങ്ങാപ്പാലിലേയ്ക്ക് തൈര് ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി മൃദുവായി മസാജ് ചെയ്യാം. ശേഷം കോട്ടൺ തുണി ഉപയോഗിച്ച് തുടച്ചു കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കാരറ്റ് കൈയ്യിലുണ്ടോ? എങ്കിൽ സ്കിൻ ടോണർ കടയിൽ നിന്നും വാങ്ങേണ്ട
• ദിവസവും ഉറങ്ങുന്നതിനു മുമ്പ് ഈ ജെൽ പുരട്ടൂ, ഗുണങ്ങളേറെയാണ്
• ഉള്ളിത്തൊലി വെറുതെ കളയരുതേ... ഡൈ തയ്യാറാക്കാം മിനിറ്റുകൾക്കുള്ളിൽ
• ആയുർവേദ ഗുണങ്ങൾ ഏറെയുള്ള ഈ ഇല ഉണ്ടെങ്കിൽ അകാല നരയെ അകറ്റി നിർത്താം
• ഈ ഒരു എണ്ണ മതി, കട്ടിയും തിളക്കവുമുള്ള തലമുടി നേടാം