ലിപ്സ്റ്റിക്കും ബാമും ഇനി കടയിൽ നിന്നും വാങ്ങേണ്ട, ഒരു ബീറ്റ്റൂട്ട് കൈയ്യിലുണ്ടെങ്കിൽ അത് വീട്ടിൽ തയ്യാറാക്കാം

മുഖത്ത് പിഗ്മെന്റേഷൻ വരുന്നത് സാധാരണമാണ്. അമിതമായി സൂര്യപ്രകാശമേൽക്കുന്ന ആളുകൾക്ക് പിഗ്മെന്റേഷൻ വരുന്നത് സ്വാഭാവികമാണ്. പുറത്തു പോകുമ്പോൾ സൺസ്ക്രീൻ ഉപയോഗിച്ചില്ലെങ്കിൽ കാലക്രമേണ പിഗ്മെന്റേഷൻ വരും.

എന്നാൽ, ചുണ്ടുകൾക്കും പിഗ്മെന്റേഷൻ വരും. ആദ്യം ചെറുതായി ഇരുണ്ട നിറം വരികയും പിന്നീട് ഡാർക്കായി മാറുകയും ചെയ്യും. ഇത് അറിയാതിരിക്കാനും ചുണ്ടുകൾ കൂടുതൽ മനോഹരമാക്കാനുമാണ് ലിപ്സ്റ്റിക് ഉപയോഗിക്കാറുള്ളത്. 

കെമിക്കലുകൾ അടങ്ങിയ ലിപ്സ്റ്റിക്കും ബാമും സ്ഥിരമായി ചുണ്ടിൽ പുരട്ടുന്നത് പിഗ്മെന്റേഷൻ വർധിപ്പിച്ചേക്കും. അതിൽ പോക്കറ്റ് കാലിയാക്കുന്ന അത്തരം ഉത്പന്നങ്ങൾ വീട്ടിൽ തന്നെ തയ്യാറാക്കാൻ ശ്രമിക്കാം. അതിനു വേണ്ട പ്രധാനപ്പെട്ട ചേരുവയാണ് ബീറ്റ്റൂട്ട്. ലിപ്സ്റ്റിക് എങ്ങനെ വീട്ടിൽ തയ്യാറാക്കാമെന്ന് പരിചയപ്പെടാം.

ചേരുവകൾ

• ബീറ്റ്റൂട്ട്- 1 ടേബിൾസ്പൂൺ
• വെളിച്ചെണ്ണ- 1 ടേബിൾസ്പൂൺ
• തേൻ- 1 ടീസ്പൂൺ
• വിറ്റാമിൻ ഇ- 1 ടീസ്പൂൺ

തയ്യാറാക്കുന്ന വിധം

• ഒരു ടേബിൾസ്പൂൺ വെളിച്ചെണ്ണയിലേയ്ക്ക് ബീറ്റ്റൂട്ട് പൊടിയോ അല്ലെങ്കിൽ ജ്യൂസോ ചേർക്കാം.
• ഇതിലേയ്ക്ക് ഒരു ടീസ്പൂൺ തേനും ഒരു ടീസ്പൂൺ വിറ്റാമിൻ ഇ എണ്ണയും ചേർത്തിളക്കി യോജിപ്പിക്കാം.
• ഇത് ഒരു ചെറിയ പാത്രത്തിലേയ്ക്കു മാറ്റി ഫ്രിഡ്ജിൽ സൂക്ഷിക്കാം. ആവശ്യാനുസരണം ഉപയോഗിക്കാം.
• ഫ്രിഡ്ജിൽ വച്ചാൽ ഒരാഴ്ച വരെ ഈ ലിപ്സ്റ്റെയ്ൻ കേടുകൂടാതിരിക്കും. 

ഗുണങ്ങൾ

• വീട്ടിൽ ലഭ്യമായ പ്രകൃതിദത്ത ചേരുവകൾ ഉപയോഗിച്ച് തയ്യാറാക്കുന്നതിനാൽ ഇത് പൂർണമായും കെമിക്കൽ രഹിതമായിരിക്കും. 
• ഇതിൽ ചേർക്കുന്ന വെളിച്ചെണ്ണയും തേനും ചുണ്ടുകളെ കൂടുതൽ മോയ്സ്ച്യുറൈസ് ചെയ്യും. അതിനാൽ ലിപ് ബാം ഉപയോഗിക്കേണ്ടി വരില്ല.
• സ്വാഭാവികമായ നിറം ചുണ്ടുകൾക്ക് നേടാം

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വിട്ടുമാറാത്ത വായ്നാറ്റത്തിനും പ്രതിവിധിയുണ്ട്, അടുക്കളയിലെ ഈ 6 ചേരുവകൾ മതി
• കറിക്ക് രുചിയും മണവും വർധിപ്പിക്കാൻ മാത്രമല്ല കരുത്തുറ്റ മുടിയിഴകൾക്കും വെളുത്തുള്ളി ഇങ്ങനെ ഉപയോഗിക്കൂ
• അടുക്കളയിലെ ഈ 5 ചേരുവകൾ മതി, തിളക്കമുള്ള തലമുടി ഇനി നിങ്ങൾക്ക് സ്വന്തം
• തേങ്ങാപ്പാൽ ഒരൽപം മാറ്റി വച്ചോളൂ, ചർമ്മം തിളങ്ങാൻ ഇനി മറ്റൊന്നും വേണ്ട
• കാരറ്റ് കൈയ്യിലുണ്ടോ? എങ്കിൽ സ്കിൻ ടോണർ കടയിൽ നിന്നും വാങ്ങേണ്ട