ഒരു കപ്പ് കാപ്പി മാറ്റി വച്ചോളൂ, നര അകറ്റാൻ ഇനി ഡൈ വാങ്ങേണ്ട

തലമുടി നരച്ചു തുടങ്ങിയാൽ മികച്ച ഡൈ തപ്പി നടക്കുന്നതാണ് പലരുടെയും ശീലം? കറുപ്പിക്കുക എന്നതിനു പകരം മുടിയുടെ ആരോഗ്യം മെച്ചപ്പെടുത്തുന്നതും ഈ സമയത്ത് പ്രധാനമാണ്. വ്യത്യസ്ത കാരണങ്ങൾ കൊണ്ടാണ് തലമുടി നരയ്ക്കുന്നത്. ഹോർമോണൽ വ്യതിയാനം, ഭക്ഷണരീതി, ജീവിത ശൈലി തുടങ്ങി മുടിയുടെ ആരോഗ്യത്തെ ബാധിക്കുന്ന പലതും ഇതിനു പിന്നിലുണ്ടാവാം. അതുകൊണ്ട്. എല്ലായിപ്പോഴും പായ്ക്കറ്റ് ഡൈ ചെയ്യുന്നത് ഫലപ്രദമാകണം എന്നില്ല. അവ ആരോഗ്യത്തിന് ദോഷകരമാണ്. 

കെമിക്കലുകൾ അടങ്ങിയ പായ്ക്കറ്റ് ഡൈകൾ മുടിയുടെ സ്വാഭാവികത നഷ്ടപ്പെടുത്തുന്നു. സ്ഥിരമായി ഉപയോഗിക്കുമ്പോൾ ഇത് തലമുടിയുടെ ആരോഗ്യത്തിന് ദോഷകരമായി മാറും

ചേരുവകൾ

• മൈലാഞ്ചിപ്പൊടി- 1 കപ്പ്
• കാപ്പി- 1 കപ്പ്
• ഒലിവ് എണ്ണ- 1 ടേബിൾസ്പൂൺ
• തേൻ- 1 ടേബിൾസ്പൂൺ

തയ്യാറാക്കുന്ന വിധം

ഒരു കാപ്പ് കാപ്പി മാറ്റി വയ്ക്കാം. അതിലേയ്ക്ക് ഒരു ടേബിൾസ്പൂൺ മൈലാഞ്ചിപ്പൊടി ചേർത്തിളക്കി യോജിപ്പിക്കാം. ഒരു ടേബിൾസ്പൂൺ ഒലിവ് എണ്ണയും ഒരു ടേബിൾസ്പൂൺ തേനും ചേർക്കാം. അൽപ സമയം  ഈ മിശ്രിതം മാറ്റി വയ്ക്കാം. എണ്ണ മയമില്ലാത്ത തലമുടിയിഴകളിലേയ്ക്ക് ഈ മിശ്രിതം പുരട്ടാം. 2 മണിക്കൂർ വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. 

ഇക്കാര്യം ശ്രദ്ധിക്കാം

ഇത് പുരട്ടിയതിനു ശേഷം ഷാമ്പൂ ഉപയോഗിച്ച് തലമുടി കഴുകരുത്. പകരം ചെറുചൂടു വെള്ളമോ തണുത്ത വെള്ളമോ ഉപയോഗിക്കാം. 

ഗുണങ്ങൾ

• മൈലാഞ്ചിപ്പൊടി തലമുടിയിൽ മികച്ച കണ്ടീഷ്ണറായി പ്രവർത്തിക്കും. അവ തലമുടിക്ക് കരുത്ത് പകരും. 
• കാപ്പിപ്പൊടി മുടികയുടെ നിറം വർധിപ്പിച്ച് തിളക്കമുള്ളതാക്കുന്നു.
• ഒലിവ് എണ്ണ മുടിയിഴകളെ മോയ്സ്ച്യുറൈസ് ചെയ്യുന്നു. 
• തേൻ മുടിക്ക് തിളക്കം നൽകി ഈർപ്പം തടഞ്ഞു നിർത്തും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• പാർലറിൽ പോയി സമയം കളയേണ്ട, നഖ സൗന്ദര്യത്തിന് ഇതാ 5 നുറുങ്ങു വിദ്യകൾ
• ലിപ്സ്റ്റിക്കും ബാമും ഇനി കടയിൽ നിന്നും വാങ്ങേണ്ട, ഒരു ബീറ്റ്റൂട്ട് കൈയ്യിലുണ്ടെങ്കിൽ അത് വീട്ടിൽ തയ്യാറാക്കാം
• വിട്ടുമാറാത്ത വായ്നാറ്റത്തിനും പ്രതിവിധിയുണ്ട്, അടുക്കളയിലെ ഈ 6 ചേരുവകൾ മതി
• കറിക്ക് രുചിയും മണവും വർധിപ്പിക്കാൻ മാത്രമല്ല കരുത്തുറ്റ മുടിയിഴകൾക്കും വെളുത്തുള്ളി ഇങ്ങനെ ഉപയോഗിക്കൂ
• അടുക്കളയിലെ ഈ 5 ചേരുവകൾ മതി, തിളക്കമുള്ള തലമുടി ഇനി നിങ്ങൾക്ക് സ്വന്തം