Valentine’s Day wishes 2024: പ്രണയദിനത്തിൽ ആശംസകൾ കൈമാറാം

Happy Valentine’s Day 2024 Wishes Images, Quotes, Status, Messages, Wallpapers, Greetings and Pictures: ഇന്ന് വാലന്റൈൻസ് ഡേ. ലോകമെമ്പാടുമുള്ള പ്രണയിതാക്കൾ വാലന്റൈൻസ് ഡേ ആഘോഷിക്കുകയാണ്. പ്രണയിക്കുന്നവർ ഈ ദിനത്തിൽ പരസ്പരം പ്രണയദിനാശംസകൾ കൈമാറാൻ മറക്കരുത്. ഒരാഴ്ച നീണ്ടുനിൽക്കുന്ന ആഘോഷങ്ങളുടെ അവസാനമാണ് ഫെബ്രുവരി 14, വാലന്റൈൻസ് ഡേ. 

സെന്‍റ് വാലന്‍റൈൻ എന്ന പുരോഹിതന്‍റെ ഓർമ ദിനമാണ് ഫെബ്രുവരി 14ന് വാലന്‍റൈൻസ് ദിനമായി ആചരിച്ചുതുടങ്ങിയതെന്ന് കരുതപ്പെടുന്നു. അക്കാലത്ത് ക്ലോഡിയസ് രണ്ടാമൻ ആയിരുന്നു റോമിന്റെ ഭരണാധികാരി. യുദ്ധ തൽപരനായിരുന്ന അദ്ദേഹം യുവാക്കളായ സൈനികർ വിവാഹിതരാകാൻ പാടില്ലെന്ന നിബന്ധന കൊണ്ടുവന്നു. 

എന്നാൽ രാജാവറിയാതെ പുരോഹിതനായ വാലന്റൈൻ സ്നേഹിക്കുന്നവരെ ഒരുമിപ്പിക്കാനായി രഹസ്യമായി വിവാഹങ്ങൾ നടത്തിക്കൊടുത്തു. ഇതറിഞ്ഞ രാജാവ് ഫെബ്രുവരി 14 നു വാലന്റൈന്റെ വധശിക്ഷ നടപ്പിലാക്കി. എഡി 270 ൽ ഫെബ്രുവരി പകുതിയോടെ അന്തരിച്ച വിശുദ്ധ വാലന്റൈന്റെ മരണ വാർഷികത്തോടനുബന്ധിച്ചാണ് ഈ ദിനം ആഘോഷിക്കുന്നതെന്നാണ് വിശ്വാസം.

ഒരാഴ്ച നീണ്ടു നിന്ന ആഘോഷങ്ങളുടെ അവസാനമാണ് ഇന്ന്. വാലന്റൈൻസ് വീക്കെന്നാണ് ഫെബ്രുവരി 7 മുതൽ 14 വരെയുള്ള ദിവസങ്ങൾ അറിയപ്പെടുന്നത്. ഇതിൽ ഓരോ ദിവസവും പ്രണയിക്കുന്നവർക്ക് സ്‌പെഷ്യലാണ്. ഓരോ ദിവസത്തിനും പ്രണയത്തോട് ചേർന്നു നിൽക്കുന്ന പേരുകളുമുണ്ട്. റോസ് ഡേ, പ്രൊപ്പോസ് ഡേ, ചോക്ളേറ്റ് ഡേ, ടെഡ്ഡി ഡേ, പ്രോമിസ് ഡേ, കിസ്സ് ഡേ, ഹഗ് ഡേ അങ്ങനെ പോകുന്നു ദിനങ്ങൾ. 

അടുത്തുണ്ടെങ്കിലും അകലെയാണെങ്കിലും ആശംസാ കാർഡുകളിലൂടെയും കത്തുകളിലൂടെയും പ്രണയസന്ദേശങ്ങൾ പങ്കുവയ്ക്കാം.

Read More

• പ്രണയാഭ്യർത്ഥനയ്ക്കായി ഒരു ദിനം, 'പ്രൊപ്പോസ് ഡേ'
• ഇന്ന് ചോക്ലേറ്റ് ഡേ, മധുരം നുണഞ്ഞ് സ്നേഹം പങ്കിടാം
• പ്രണയ പ്രതീകമായ ടെഡി ബിയറുകൾ, ഇന്ന് ടെഡി ഡേ
• സ്നേഹവും വിശ്വാസവും വാഗ്ദാനം ചെയ്യുന്ന പ്രോമിസ് ഡേ
• ആലിംഗനത്തിലൂടെ സ്നേഹം പ്രകടിപ്പിക്കാനൊരു ദിനം, 'ഹഗ് ഡേ'
• ചുംബനത്തിലൂടെ സ്നേഹം പങ്കുവയ്ക്കാനൊരു 'ദിനം കിസ് ഡേ'