തലമുടിയിൽ വെളുത്തുള്ളി എണ്ണ ഉപയോഗിക്കുന്നതിൻ്റെ ഗുണങ്ങൾ അറിയാമോ?

സൾഫർ, വിറ്റാമിൻ സി, ബി6, സെലിനിയം, ആന്റിമൈക്രോബയൽ ഗുണങ്ങൾ എന്നിവയാൽ സമ്പന്നമായതിനാൽ വെളുത്തുള്ളി മുടിയുടെ ആരോഗ്യത്തിന് ഗുണകരമാണ്. കരുത്തുറ്റ തലമുടിക്കും, ശിരോചർമ്മത്തിലേയ്ക്കുള്ള രക്തയോട്ടം വർധിപ്പിക്കുന്നതിനും, മുടി വളർച്ച വേഗത്തിലാക്കുന്നതിനും, താരൻ, അണുബാധകൾ, തുടങ്ങിയവ ശമിപ്പിക്കുന്നതിനും വെളുത്തുള്ളി വ്യത്യസ്ത തരത്തിൽ മുടി പരിചരണത്തിൽ ഉൾപ്പെടുത്താവുന്നതാണ്. 

മുടി വളർച്ച

വെളുത്തുള്ളിയിൽ സൾഫർ എന്ന ധാതു അടങ്ങിയിട്ടുണ്ട്. ഇത് ശിരോചർമ്മത്തിലേയ്ക്കുള്ള രക്തയോട്ടം മെച്ചപ്പെടുത്തി മുടി വളർച്ച വേഗത്തിലാക്കുന്നു. 
ഇതിൻ്റെ ആൻ്റി ഓക്സിഡൻ്റ് സവിശേഷതകൾ ഓക്സിഡേറ്റീവ് സ്ട്രെസ് കുറച്ച് മുടി കൊഴിച്ചിൽ തടയും. 

താരൻ കുറയ്ക്കും

വെളുത്തുള്ളിക്ക് ആൻ്റിഫംഗൽ, ആൻ്റിബാക്ടീരിയൽ സവിശേഷതകളുണ്ട്. അതിനാൽ ശിരോചർമ്മത്തിൽ ഫംഗൽ അല്ലെങ്കിൽ ബാക്ടീരിയൽ ബാധകൾ ഉണ്ടാകുന്നത് തടയും. 

ശിരോചർമ്മത്തിൻ്റെ ആരോഗ്യം

ആൻ്റി മൈക്രോബിയൽ സവിശേഷതകൾ വെളുത്തുള്ളിക്കുണ്ട്. അവ സ്കാൽപ് ഇൻഫെക്ഷൻ തടയും. 

തലമുടിക്ക് കരുത്ത്

വെളുത്തുള്ളിയിൽ അടങ്ങിയിരിക്കുന്ന സൾഫർ ധാതുക്കൾ ഹെയർ ഫോളിക്കിളുകളെ ശക്തിപ്പെടുത്തി മുടി പൊട്ടിപ്പോകുന്നത് തടയും. 

വെളുത്തുള്ളി ഉപയോഗിക്കേണ്ട വിധം

വെളുത്തുള്ളി എണ്ണ: വെളുത്തുള്ളി അല്ലികൾ ചതച്ചെടുക്കാം. വെളിച്ചെണ്ണയിലോ ഒലിവ് എണ്ണയിലോ ഇത് ചേർത്ത് തിളപ്പിക്കാം. ശേഷം ശിരോചർമ്മത്തിൽ പുരട്ടി മൃദുവായി മസാജ് ചെയ്യാം. 10 മിനിറ്റ് വിശ്രമിക്കാം. തുടർന്ന് വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം.

വെളുത്തുള്ളി നീര്: വെളുത്തുള്ളി നീര് നേരിട്ട് ശിരോചർമ്മത്തിൽ പുരട്ടാവുന്നതാണ്. 10 മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം. 

വെളുത്തുള്ളിപ്പൊടി: നിങ്ങൾ സ്ഥിരമായി ഉപയോഗിക്കുന്ന ഹെയർമാസ്ക്കിലോ ഷാമ്പൂവിലോ വെളുത്തുള്ളിപ്പൊടി ചേർത്തുപയോഗിക്കാവുന്നതാണ്.

എന്നാൽ പാച്ച് ടെസ്റ്റ് ചെയ്ത് വെളുത്തുള്ളിയോട് യാതൊരു അലർജിയുമില്ലെന്ന് ഉറപ്പു വരുത്തുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• അകാല നരയെ പേടിക്കേണ്ട ഇവ കൈയ്യിലുണ്ടെങ്കിൽ, ഇനി കെമിക്കൽ ഡൈ വേണ്ട
• ഒരു കപ്പ് ചെറുപയറിനൊപ്പം ഈ രണ്ട് ചേരുവകളും മതി, ഇനി തലമുടി ഇടതൂർന്ന് വളരും
• വായ്നാറ്റം അകറ്റാൻ ഗ്ലിസറിൻ ഉപയോഗിക്കുന്നതിൻ്റെ ഗുണങ്ങൾ അറിയാമോ?
• മൂന്ന് വെളുത്തുള്ളി അല്ലി മതി, അകാല നരയോട് വിട പറയാം
• ഉലുവയും തേങ്ങാപ്പാലും തലമുടിയിൽ ഇങ്ങനെ പുരട്ടൂ, മാറ്റം ഞൊടിയിടയിൽ അറിയാം
• കഞ്ഞി വെള്ളത്തിൽ ഇവ ചേർത്ത് ഉപയോഗിക്കൂ, ചുളിവുകളും പാടുകളും ഇല്ലാത്ത ചർമ്മ സ്വന്തമാക്കാം
• മുഖം മിനുക്കാൻ ഗോതമ്പ് പൊടി ഉപയോഗിക്കാം ഈ 5 രീതിയിൽ