കഞ്ഞി വെള്ളത്തിൽ ഇവ ചേർത്ത് ഉപയോഗിക്കൂ, ചുളിവുകളും പാടുകളും ഇല്ലാത്ത ചർമ്മ സ്വന്തമാക്കാം

സ്വാഭാവികമായി തിളക്കമുള്ള ചർമ്മാണോ നിങ്ങൾ സ്വപ്നം കാണാറുള്ളത്? എങ്കിൽ അടുക്കളയിൽ ബാക്കി വന്ന കഞ്ഞി വെള്ളവും അരി കുതിർത്ത വെള്ളവും കളയേണ്ട. വിറ്റാമിൻ ഇ, വിറ്റാമിൻ ബി എന്നിവയുടെ സമ്പന്നമായ ഉറവിടമാണ് റൈസ് വാട്ടർ. ചർമ്മത്തിൽ യുവത്വം നിലനിർത്തുന്നതിന് ഇവ സഹായിക്കും. 

അമിതമായി വെയിൽ ഏൽക്കുന്നത് മൂലം ഉണ്ടാകുന്ന ടാൻ കുറയ്ക്കുന്നു. കൂടാതെ കണ്ണിനു ചുറ്റുമുള്ള കറുത്ത പാടുകൾ മങ്ങുന്നതിനും സഹായിക്കും. കഴുത്തിനു ചുറ്റമുള്ള കറുത്ത പാടുകൾക്കും കഞ്ഞിവെള്ളം മികച്ച പ്രതിവിധിയാണ്. 

റൈസ് വാട്ടറിന് ആൻ്റി ഇൻഫ്ലമേറ്ററി ഗുണങ്ങളുണ്ട്. ഇത് ചർമ്മത്തിലെ ചുവപ്പ് പാടുകൾ അകറ്റാൻ സഹായിക്കും. മുഖം വൃത്തിയാക്കി സുഷിരങ്ങൾ അടഞ്ഞു പോകുന്നത് തടയുന്നു. ഇത് മുഖക്കുരുവിനെ പ്രതിരോധിക്കുന്നു.

റൈസ് വാട്ടർ ഉപയോഗിച്ച് നാച്യുറൽ ഫെയ്സ് ക്ലെൻസർ തയ്യാറാക്കാം

ചേരുവകൾ

• അരി- 2 കപ്പ്
• വെള്ളം- 2 കപ്പ്
• തേൻ- 1 ടീസ്പൂൺ
• കറ്റാർവാഴ- 1 ടേബിൾസ്പൂൺ

തയ്യാറാക്കുന്ന വിധം

രണ്ട് കപ്പ് അരി രണ്ട് കപ്പ് വെള്ളത്തിൽ 30 മിനിറ്റ് കുതിർത്തു വയ്ക്കാം. ശേഷം വെള്ളം അരിച്ചെടുത്ത് ഒരു കോട്ടൺ തുണി ഉപയോഗിച്ച് മൂടി 48 മണിക്കൂർ മാറ്റി വയ്ക്കാം. ഇതിലേയ്ക്ക് ഒരു ടീസ്പൂൺ​ തേനും, ഒരു ടേബിൾസ്പൂൺ കറ്റാർവാഴ ജെല്ലും ചേർത്തിളക്കി യോജിപ്പിക്കാം. ഇത് മിക്സിയിലേയ്ക്കു മാറ്റി അരച്ചെടുക്കാം. ഈ മിശ്രിതത്തിൽ പഞ്ഞി മുക്കി മുഖത്തും കഴുത്തിലും മൃദുവായി പുരട്ടാം. 20 മിനിറ്റിനു ശേഷം ചെറുചൂടുള്ള വെള്ളത്തിൽ കഴുകി കളയാം. 

ഗുണങ്ങൾ

ചർമ്മത്തിലെ കറുത്ത പാടുകൾ, വരകൾ, ചുളിവുകൾ എന്നിവ കുറയ്ക്കാൻ ഇത് ഉപയോഗിക്കാം. ആഴ്ചയിൽ രണ്ട് മുതൽ മൂന്ന് തവണ വരെ ഈ മിശ്രിതം മുഖത്ത് പുരട്ടുന്നത് ചർമ്മത്തിൻ്റെ ഇലാസ്തികത വർധിപ്പിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മുഖം മിനുക്കാൻ ഗോതമ്പ് പൊടി ഉപയോഗിക്കാം ഈ 5 രീതിയിൽ
• ഒരു കപ്പ് കാപ്പി മാറ്റി വച്ചോളൂ, നര അകറ്റാൻ ഇനി ഡൈ വാങ്ങേണ്ട
• പാർലറിൽ പോയി സമയം കളയേണ്ട, നഖ സൗന്ദര്യത്തിന് ഇതാ 5 നുറുങ്ങു വിദ്യകൾ
• ലിപ്സ്റ്റിക്കും ബാമും ഇനി കടയിൽ നിന്നും വാങ്ങേണ്ട, ഒരു ബീറ്റ്റൂട്ട് കൈയ്യിലുണ്ടെങ്കിൽ അത് വീട്ടിൽ തയ്യാറാക്കാം
• വിട്ടുമാറാത്ത വായ്നാറ്റത്തിനും പ്രതിവിധിയുണ്ട്, അടുക്കളയിലെ ഈ 6 ചേരുവകൾ മതി