ഉലുവയും തേങ്ങാപ്പാലും തലമുടിയിൽ ഇങ്ങനെ പുരട്ടൂ, മാറ്റം ഞൊടിയിടയിൽ അറിയാം

പാചകത്തിനായി ഉപയോഗിക്കുന്ന ചേരുവകളാണ് തേങ്ങാപ്പാലും, ഉലുവയും, ഇവയുടെ പോഷക ഗുണങ്ങൾ ശരീരത്തെ ആരോഗ്യത്തോടെ നിലനിർത്തുന്നു. മാത്രമല്ല സൗന്ദര്യ പരിചരണത്തിനും ഇവ സഹായകരമാണ്. കൊഴിഞ്ഞ തലമുടി അതിവേഗം വളരുന്നതിന് തേങ്ങാപ്പാൽ മികച്ച പ്രതിവിധിയാണ്. വിറ്റാമിൻ സി, വിറ്റാമിൻ ഇ എന്നിവയുടെ സമ്പന്ന ഉറവിടമാണ് അത്. അതിനാൽ വളരെ പെട്ടെന്നു തന്നെ കരുത്തുറ്റ തലമുടി വളർച്ച സാധ്യമാകും.

തേങ്ങാപ്പാലിൽ അടങ്ങിയിരിക്കുന്ന കൊഴുപ്പ് മികച്ച മോയ്സ്ച്യുറൈസിങ് സവിശേഷതകളാൽ സമ്പന്നമാണ്. ഇത് ചർമ്മത്തിനും തലയോട്ടിക്കും ഫലപ്രദമായിരിക്കും. 

തലയോട്ടിയിലേയ്ക്കുള്ള രക്തയോട്ടം വർധിപ്പിക്കുകയും, ഫോളിക്കിളുകളെ പോഷിപ്പിച്ച് തലമുടി വളർച്ചയ്ക്ക് സഹായിക്കുന്നവയാണ് ഉലുവ. ഉലുവയിൽ അടങ്ങിയിരിക്കുന്ന പ്രോട്ടീനുകൾ തലമുടി ഇഴകൾക്ക് കരുത്തു പകരുന്നു. കൂടാതെ മുടി കൊഴിച്ചിൽ കുറച്ച് പുതിയ കട്ടിയുള്ള മുടി വളരുന്നതിന് സഹായിക്കുന്നു.

ഉലുവയും തേങ്ങാപ്പാലും ചേർന്നാൽ മുടി വളർച്ച ഏറെ മെച്ചപ്പെടും. ഇവ ഉപയോഗിച്ച് ഒരു ഹെയർമാസ്ക് ട്രൈ ചെയ്യൂ.

ചേരുവകൾ

• ഉലുവ
• തേങ്ങാപ്പാൽ
• വെളിച്ചെണ്ണ

തയ്യാറാക്കുന്ന വിധം

• അൽപം ഉലുവ വെള്ളത്തിൽ ചേർത്ത് ഒരു രാത്രി കുതിർക്കാൻ വയ്ക്കാം. ശേഷം ഇത് അരച്ചെടുക്കാം.
• ഇതിലേയ്ക്ക് കട്ടിയുള്ള തേങ്ങാപ്പാലും കുറച്ച് വെളിച്ചെണ്ണയും ചേർത്തിളക്കി യോജിപ്പിക്കാം.
• ചെറിയ നനവുള്ള മുടിയിഴകളിൽ ഈ മിശ്രിതം പുരട്ടാം.
• 30 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.
• ഉലുവയുടെ മണം ഒഴിവാക്കാൻ വീര്യം കുറഞ്ഞ ഷാമ്പൂ ഉപയോഗിച്ച് തലമുടി കഴുകാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കഞ്ഞി വെള്ളത്തിൽ ഇവ ചേർത്ത് ഉപയോഗിക്കൂ, ചുളിവുകളും പാടുകളും ഇല്ലാത്ത ചർമ്മ സ്വന്തമാക്കാം
• മുഖം മിനുക്കാൻ ഗോതമ്പ് പൊടി ഉപയോഗിക്കാം ഈ 5 രീതിയിൽ
• ഒരു കപ്പ് കാപ്പി മാറ്റി വച്ചോളൂ, നര അകറ്റാൻ ഇനി ഡൈ വാങ്ങേണ്ട
• പാർലറിൽ പോയി സമയം കളയേണ്ട, നഖ സൗന്ദര്യത്തിന് ഇതാ 5 നുറുങ്ങു വിദ്യകൾ
• ലിപ്സ്റ്റിക്കും ബാമും ഇനി കടയിൽ നിന്നും വാങ്ങേണ്ട, ഒരു ബീറ്റ്റൂട്ട് കൈയ്യിലുണ്ടെങ്കിൽ അത് വീട്ടിൽ തയ്യാറാക്കാം