നഗ്ന വീഡിയോ പ്രചരിപ്പിച്ചു; വ്ലോഗറെ കെട്ടിയിട്ട് തല്ലി തമിഴ്നാട്ടിൽ നിന്നെത്തിയ സ്ത്രീകൾ

പാലക്കാട്: സ്ത്രീകളുടെ നഗ്ന വീഡിയോ ചിത്രീകരിച്ച് ഇൻസ്റ്റഗ്രാമിൽ പുങ്കവച്ച വ്ലോഗർക്ക് മർദനം. തമിഴ്നാട്ടിൽ നിന്നെത്തിയ സ്ത്രീകളാണ് അട്ടപ്പാടി കോട്ടത്തറ സ്വദേശി മുഹമ്മദ് അലി ജിന്ന എന്നയാളെ കെട്ടിയിട്ട് മർദിച്ചത്. അഗളി പൊലീസ് സ്ഥലത്തെത്തിയാണ് യുവാവിനെ കെട്ടഴിച്ചുവിട്ടത്.

യുവാവിനും മർദിച്ച സ്ത്രീകൾക്കും എതിരെ പൊലീസ് കേസെടുത്തു. യുവാവിനെ നിലവിൽ കോട്ടത്തറ ആശുപത്രിയിൽ പ്രവേശിപ്പിച്ചിരിക്കുകയാണ്. അട്ടപ്പാടിയിൽ വസ്ത്ര വ്യാപാരം നടത്തുന്നയാളാണ് ജിന്ന. വെള്ളിയാഴ്ച ഈ സ്ഥാപനത്തിൽ നിന്ന് വിളിച്ചിറക്കിയ ശേഷമാണ് സ്ത്രീകൾ മർദിക്കാൻ തുടങ്ങിയത്.

യുവാവിനെ തല്ലുന്നതുകണ്ട് നാട്ടുകാർ കാര്യം തിരക്കിയതോടെയാണ് നഗ്ന വീഡിയോ പ്രചരിപ്പിച്ചുവെന്ന വിവരം സ്ത്രീകൾ വെളിപ്പെടുത്തിയത്. ജിന്ന പതിവായി സ്ത്രീകളുടെ നഗ്ന വീഡിയോ ചിത്രീകരിച്ച് ഇൻസ്റ്റഗ്രാ ഉൾപ്പെടെയുള്ള നവമാധ്യമങ്ങളിൽ പ്രചരിപ്പിക്കാറുണ്ടെന്നാണ് പ്രധാന ആരോപണം.

കൂടാതെ സ്ത്രീകളുടെ അക്കൗണ്ടുകളിൽ അസ്ലീല കമന്റുകളും വീഡിയോകളും ഇടുന്നതും ഇയാൾക്ക് പതിവാണെന്ന് സ്ത്രീകൾ ആരോപിച്ചു. തമിഴ്നാട്ടിൽ ചാരിറ്റി പ്രവർത്തനം നടത്തുന്ന സ്ത്രീകളാണ് പരാതിയുമായി എത്തിയത്. സ്ത്രീകളുടെ നഗ്ന ചിത്രം പ്രചരിപ്പിക്കൽ, സ്ത്രീത്വത്തെ അപമാനിക്കൽ ഉൾപ്പെടെയുള്ള കുറ്റങ്ങളിൽ ജിന്നയ്ക്കെതിരെ കേസെടുത്തിട്ടുണ്ട്. ഇയാളെ റോഡിലിട്ട് ക്രൂരമായി മർദിച്ചെന്ന കുറ്റത്തിനാണ് സ്ത്രീകൾക്കെതിരെ കേസെടുത്തിരിക്കുന്നത്.

Read More

• മാസപ്പടി വിവാദത്തിൽ പങ്കില്ലെന്ന് ഹൈക്കോടതിയിൽ സർക്കാർ
• ജോലി ചെയ്ത സ്ഥാപനത്തിൽ നിന്ന് 20 കോടിയുമായി മുങ്ങിയ യുവതിക്കായി ലൂക്ക് ഔട്ട് നോട്ടീസ് പുറപ്പെടുവിച്ചു
• വീണ്ടും അമീബിക് മസ്തിഷ്‌ക ജ്വരം; മൂന്നര വയസുകാരൻ ചികിത്സയിൽ
• നിപ; എട്ടുപേരുടെ ഫലം കൂടി നെഗറ്റീവ്
• നിപ പ്രതിരോധം; ഇ സഞ്ജീവനി സേവനങ്ങള്‍ ശക്തിപ്പെടുത്തിയെന്ന് ആരോഗ്യ മന്ത്രി
• ന്യൂനമർദ പാത്തിക്കൊപ്പം മൺസൂൺ പാത്തിയും, കേരളത്തിൽ ഇന്ന് പരക്കെ മഴയ്ക്ക് സാധ്യത
• അർജുനായുള്ള തിരച്ചിൽ പത്താം നാൾ, ഇന്ന് നിർണായകം
• ട്രക്ക് കണ്ടെത്തി; സ്ഥിരീകരിച്ച് കർണാടക റവന്യൂ മന്ത്രി
• ബജറ്റ്; ഒറ്റനോട്ടത്തിൽ വിവേചനപരമെന്ന് പിണറായി വിജയൻ