തൃശൂർ പൂരം:പൊലീസിന് ഒഴികെ മറ്റു വകുപ്പുകൾക്ക് വീഴ്ചയില്ലെന്ന് അന്വേഷണ റിപ്പോർട്ട്

തിരുവനന്തപുരം: തൃശൂർ പൂരം അലങ്കോലപ്പെടുത്തിയെന്ന വിവാദത്തിൽ വകുപ്പുകൾക്ക് വീഴ്ചയുണ്ടായിട്ടുണ്ടോയെന്ന അന്വേഷണത്തിന്റെ റിപ്പോർട്ട് സർക്കാരിന് സമർപ്പിച്ച് എഡിജിപി മനോജ് എബ്രഹാം. വിവാദത്തിൽ സർക്കാർ പ്രഖ്യാപിച്ച ത്രിതല അന്വേഷണത്തിലെ വകുപ്പുകളുടെ വീഴ്ച സംബന്ധിച്ച അന്വേഷണമാണ് പൂർത്തിയായിരിക്കുന്നത്.

പൊലീസിന് ഒഴികെ മറ്റു വകുപ്പുകൾക്ക് വീഴ്ചയുണ്ടായിട്ടില്ലെന്നാണ് അന്വേഷണ റിപ്പോർട്ട്. വനം, തദ്ദേശം, ഫയർഫോഴ്സ്, ജില്ലാ ഭരണ കൂടം, എക്സ്പ്ലോസീവ് തുടങ്ങിയ വകുപ്പുകളുടെ വീഴ്ചയാണ് എഡിജിപി മനോജ് എബ്രഹാം അന്വേഷിച്ചത്. ഇതിലാണ് പൊലീസ് ഒഴികെ മറ്റു വകുപ്പുകൾക്ക് വീഴ്ചയുണ്ടായിട്ടില്ലെന്ന് കണ്ടെത്തിയത്.

ത്രിതല അന്വേഷണത്തിലെ ഒരു അന്വേഷണമാണ് ഇതോടെ പൂർത്തിയായത്. 20 ശുപാർശയോടെയാണ് റിപ്പോർട്ട് കൈമാറിയത്. വെടികെട്ട് നടത്തുന്നതിൽ ഉദ്യോഗസ്ഥർ കൂടുതൽ ജാഗ്രത കാട്ടണമെന്ന് വെടിക്കെട്ടിന് അനുമതി നൽകിയാൽ നിയന്ത്രണം ദേവസ്വങ്ങൾ ഏറ്റെടുക്കുന്നുവെന്നും റിപ്പോർട്ടിലുണ്ട്.

Read More

• സിനിമയെക്കാൾ വലിയ ട്വിസ്റ്റുകൾ ; അഞ്ചൽ കൊലപാതകത്തിൽ പ്രതിയുടെ മൊഴി പുറത്ത്
• തീരാത്ത ആനക്കലി; മലപ്പുറത്ത് കാട്ടാനയക്രമണത്തിൽ യുവാവ് കൊല്ലപ്പെട്ടു
• ആവേശമായി കലോത്സവം; ആദ്യദിനം പിന്നിടുമ്പോൾ കണ്ണൂർ മുമ്പിൽ
• കലോത്സവവേദിയില്‍ അതിജീവനത്തിന്റെ ചുവടുവച്ച് വെള്ളാര്‍മല സ്കൂളിലെ വിദ്യാർത്ഥികൾ
• അരങ്ങുണർന്നു...ഇനി കലോത്സവ നാളുകൾ
• പ്രായമുള്ളവരും രോഗികളും മാസ്‌ക് ധരിക്കണം ; എച്ച്എംപിവി വൈറസ് വ്യാപനത്തിൽ സംസ്ഥാനത്തും ജാഗ്രത