പെരിയ ഇരട്ടക്കൊലക്കേസിൽ സിപിഎം നേതാക്കൾക്ക് ആശ്വാസം; അഞ്ചു വർഷം തടവുശിക്ഷ ഹൈക്കോടതി മരവിപ്പിച്ചു

കൊച്ചി: പെരിയ ഇരട്ടക്കൊലക്കേസിൽ സിപിഎം നേതാക്കൾക്ക് ആശ്വാസമായി ഹൈക്കോടി വിധി. കൊച്ചി പ്രത്യേക സിബിഐ കോടതി വിധിച്ച അഞ്ചു വർഷം തടവുശിക്ഷ ഹൈക്കോടതി മരവിപ്പിച്ചു. മുൻ എംഎൽഎയും സിപിഎം ജില്ലാ സെക്രട്ടേറിയറ്റ് അംഗവമായ കെ വി കുഞ്ഞിരാമൻ, കെ. മണികണ്ഠൻ (ഉദുമ മുൻ ഏരിയ സെക്രട്ടറി, കാഞ്ഞങാട് ബ്ലോക്ക് പഞ്ചായത്ത് പ്രസിഡന്റ്), രാഘവൻ വെളുത്തോളി (രാഘവൻ നായർ) (മുൻ പാക്കം ലോക്കൽ സെക്രട്ടറി), കെ വി ഭാസ്‌കരൻ എന്നിവരുടെ ശിക്ഷയാണ് മരവിപ്പിച്ചത്.

യൂത്ത് കോൺഗ്രസ് പ്രവർത്തകരായ പെരിയ കല്യോട്ടെ ശരത് ലാലിനെയും കൃപേഷിനെയും കൊലപ്പെടുത്തിയ കേസിൽ എറണാകുളം സിബിഐ കോടതി ദിവസങ്ങൾക്കു മുൻപാണ് വിധി പറഞ്ഞത്. കേസിൽ ഒന്നു മുതൽ എട്ടുവരെ കൃത്യത്തിൽ നേരിട്ട് പങ്കെടുത്തവർക്ക് ഇരട്ട ജീവപര്യന്തം തടവ് ശിക്ഷ വിധിച്ചിരുന്നു കൊച്ചി സിബിഐ കോടതി. 

ഇതു കൂടാതെ, പത്ത്, പതിനഞ്ച് പ്രതികൾക്കും ഇരട്ട ജീവപര്യന്തം ശിക്ഷ ലഭിച്ചു. തടവ് ശിക്ഷ കൂടാതെ രണ്ടു ലക്ഷം രൂപ പിഴയും വിധിച്ചു. ബാക്കിയുള്ള പ്രതികൾക്ക് അഞ്ചു വർഷം തടവും പതിനായിരം രൂപ പിഴ ശിക്ഷയുമാണ് ജഡ്ജി ശേഷാദ്രിനാഥൻ വിധിച്ചത്. ഈ ശിക്ഷയാണ് ഇപ്പോൾ ഹൈക്കോടതി മരവിപ്പിച്ചിരിക്കുന്നത്. ഇതേത്തുടർന്ന് ഉത്തരവ് ലഭിച്ചാൽ ഉടൻ നേതാക്കൾ ജയിൽ മോചിതരാകും.

Read More

• സംസ്ഥാനത്ത് 20 കോച്ചുള്ള വന്ദേഭാരത് വെള്ളിയാഴ്ച മുതൽ; അധികമായി 300ലധികം സീറ്റുകൾ
• കലാമാമാങ്കത്തിന് ഇന്ന് തീരിശീല വീഴും; സ്വർണ്ണക്കപ്പിനായി ഇഞ്ചോടിഞ്ച് പോരാട്ടം
• മകരവിളക്ക്: സ്പോട്ട് ബുക്കിങ് 5000ആയി നിജപ്പെടുത്തി; വെർച്വൽ ക്യൂവിന് നിയന്ത്രണം
• അഞ്ചൽ കൊലപാതകം;പ്രതികളെ കുടുക്കിയത് എഐ സാങ്കേതിക വിദ്യ
• തിരുവനന്തപുരം ജില്ലയിലെ സ്‌കൂളുകൾക്ക് നാളെ അവധി