സണ്ണി ലിയോണിയുടെ ന‍ൃത്തപരിപാടി തടഞ്ഞ് കേരള സര്‍വകലാശാല വിസി

തിരുവനന്തപുരം: ബോളിവുഡ് നടി സണ്ണി ലിയോണിയുടെ നൃത്ത പരിപാടിക്ക് അനുമതി നിഷേധിച്ച് കേരള സർവകലാശാല വൈസ് ചാൻസിലർ. വിസി ഡോ. മോഹൻ കുന്നുമ്മൽ അനുമതി നിശേധിച്ചതുമായി ബന്ധപ്പെട്ട നിർദ്ദേശം റജിസ്ട്രാർക്ക് നൽകി. അനുമതി വാങ്ങാതെ കോളേജ് യൂണിയൻ നടത്താനിരുന്ന പരിപാടിയാണ് തടഞ്ഞിരിക്കുന്നത്.

ജൂലൈ 5നാണ് സണ്ണി ലിയോണി അവതരിപ്പിക്കുന്ന നൃത്തപരിപാടി നടത്താൻ യുണിയൻ തീരുമാനിച്ചിരുന്നത്. പരുപാടിയുമായി ബന്ധപ്പെട്ട് സർവകലാശാലയിൽ നിന്ന് അനുമതി വാങ്ങിയിട്ടില്ല. കുസാറ്റിലെയും, തിരുവനന്തപുരം ഗവ. എൻജിനീയറിങ് കോളജിലെയും പരിപാടികളിലുണ്ടായ അപകടങ്ങളെ തുടർന്ന്, കോളേജിന് പുറത്തു നിന്നുള്ള സംഗീത പരിപാടികൾക്ക് സർക്കാർ വിലക്കേർപ്പെടുത്തിയിട്ടുണ്ട്.

സർക്കാർ ഉത്തരവ് നിലനിൽക്കുന്നതാണ് പരിപാടി തടയാൻ കാരണം. കഴിഞ്ഞ വർഷം, ബോളിവുഡ് ഗായിക നികിത ഗാന്ധിയുടെ സംഗീതനിശക്കിടെയാണ് കളമശേരി കുസാറ്റ് ക്യാംപസിൽ അപകടമുണ്ടായത്. പരിപാടിക്കിടെയുണ്ടായ തിക്കിലും തിരക്കിലും പെട്ട് നാലുപേരാണ് മരണപ്പെട്ടത്. 

ഇതേ തുടർന്നാണ് കോളേജ് ക്യാമ്പസുകളിൽ വിദ്യാര്‍ത്ഥികൾ സംഘടിപ്പിക്കുന്ന സംഗീത നിശകൾക്കും, ഡിജെ പാർട്ടികൾ അടക്കമുള്ള പരിപാടികൾക്കും സർക്കാർ നിയന്ത്രണം ഏർപ്പെടുത്തിയത്. ഉത്തരവ് നിലവിലുള്ള സാഹചര്യത്തിലാണ് കേരള സർവകലാശാലയ്ക്ക് കീഴിലുള്ള എഞ്ചിനീയറിങ് കോളജ് വിദ്യാർഥി യുണിയൻ പരിപാടി നടത്താൻ തീരുമാനിച്ചത്.

Read More

• കുവൈത്തിൽ തീപിടുത്തം; 2 മലയാളികളടക്കം 35 പേർ മരിച്ചതായി റിപ്പോർട്ട്
• മന്ത്രിമാരുടെ എണ്ണത്തിൽ 'റെക്കോർഡ്'; കൂട്ടുകക്ഷി മന്ത്രിസഭ കരുതിവെക്കുന്നത് എന്തൊക്കെ
• സത്യപ്രതിജ്ഞയിൽ നിന്നും വിട്ടുനിൽക്കും; മോദി സർക്കാർ അധികകാലം തുടരില്ലെന്ന് മമത ബാനർജി
• മൂന്നാം മോദി സർക്കാർ; സത്യപ്രതിജ്ഞയിൽ പങ്കെടുക്കാൻ മാലദ്വീപ് പ്രസിഡൻ്റ് ഇന്ത്യയിലെത്തിയേക്കും
• കങ്കണ റണാവത്തിന് നേരെയുള്ള ആക്രമണം: സിഐഎസ്എഫ് കോൺസ്റ്റബിളിനെതിരെ കേസെടുത്തു