മുല്ലപ്പെരിയാർ; മരം മുറിക്കാൻ അനുമതി തേടിയുള്ള തമിഴ്നാടിന്റെ അപേക്ഷ അംഗീകരിച്ച് സുപ്രീം കോടതി

ഡൽഹി: മുല്ലപ്പെരിയാറിൽ മരം മുറിക്കാൻ അനുമതി തേടി തമിഴ്നാട് സമർപ്പിച്ച അപേക്ഷ അംഗീകരിച്ച് സുപ്രീം കോടതി. മുല്ലപ്പെരിയാറിലെ ബേബി ഡാം ശക്തിപ്പെടുത്തുന്നതിനായി മരങ്ങൾ മുറിക്കാൻ അനുവദിക്കണമെന്നത് ഉൾപ്പെടെ ഉന്നതാധികാര സമിതിയുടെ റിപ്പോർട്ടിലെ ശുപാർശകൾ നടപ്പാക്കാത്തതുമായി ബന്ധപ്പെട്ടാണ് തമിഴ്നാട് സുപ്രീം കോടതിയെ സമീപിച്ചത്.

ഡാമിന്റെ അറ്റകുറ്റപ്പണികൾക്കായി മരം മുറിക്കുന്നതിന് അനുമതി നൽകണമെന്നും പണി നടക്കുന്ന സ്ഥലത്ത് കേരളത്തിൽ നിന്നുള്ള ഉദ്യോഗസ്ഥൻ്റെ സാന്നിധ്യം ഉറപ്പാക്കണമെന്നും കോടതി പറഞ്ഞു. വള്ളക്കടവ്, മുല്ലപ്പെരിയാർ വനപാതകൾ നാലാഴ്ചയ്ക്കുള്ളിൽ നവീകരിക്കണമെന്നും സുപ്രീം കോടതി കേരള സർക്കാരിനോട് നിർദ്ദേശിച്ചിട്ടുണ്ട്.

ഡോർമിറ്ററിയുടെ അറ്റക്കുറ്റപണി നടത്താനും തമിഴ്‌നാടിന് അനുവാദം നൽകി. ഒരു ബോട്ട് കൂടി അനുവദിക്കണമെന്ന തമിഴ്നാടിൻറെ ആവശ്യം നിയന്ത്രണങ്ങൾക്ക് വിധേയമായി അംഗീകരിക്കണം. ഗ്രൗട്ടിങ് ഉള്‍പ്പടെ നടത്തണം എന്ന ആവശ്യത്തില്‍ ഉടന്‍ തീരുമാനം എടുക്കാന്‍ മേല്‍നോട്ട സമിതിയോട് സുപ്രീം കോടതി നിര്‍ദേശിച്ചു. മുല്ലപ്പെരിയാർ ഡാമിന്റെ അറ്റകുറ്റപ്പണികളും സുരക്ഷയും സംബന്ധിച്ച് കേരളവും തമിഴ്‌നാടും തമ്മിൽ തുടരുന്ന കേസിന്റെ ഭാഗമായാണ് ഉത്തരവ്.

Read More

• ദളിത് സ്ത്രീയെ പൊലീസ് സ്‌റ്റേഷനിൽ അപമാനിച്ച സംഭവം; എസ്.ഐയ്ക്ക് സസ്‌പെഷൻ
• ഭക്ഷണം കഴിച്ചിട്ട് പാത്രം കഴുകിയില്ല; മകൻ അച്ഛനെ കൊന്നു
• കോഴിക്കോട് തീപിടിത്തം; തീ അണച്ചത് പത്ത് മണിക്കൂർ നീണ്ട ശ്രമത്തിനൊടുവിൽ, കോടികളുടെ നഷ്ടം
• കോഴിക്കോട് വൻ തീപിടുത്തം
• ശശി തരൂരിന് പിന്തുണയുമായി ലീഗ്; വിഷയത്തിൽ രാഷ്ട്രീയം നോക്കേണ്ടതില്ലെന്ന് സാദിഖലി തങ്ങൾ
• തപാൽ വോട്ട് പരാമർശം; മുൻകൂർ ജാമ്യാപേക്ഷ നൽകില്ലെന്ന് ജി. സുധാകരൻ; സജി ചെറിയാന് പരോക്ഷ വിമർശനം
• സംസ്ഥാനത്ത് ശക്തമായ മഴയ്ക്ക് സാധ്യത; അഞ്ചു ജില്ലകളിൽ ഇന്ന് മഞ്ഞ അലർട്ട്; അറബിക്കടലിൽ ന്യുനമർദ്ദ സാധ്യത