സഭാതർക്കം;ആറ് പള്ളികൾ സർക്കാർ ഏറ്റെടുക്കാൻ ഹൈക്കോടതി നിർദേശം

കൊച്ചി: പള്ളികളുടെ ഉടമസ്ഥാവകാശം സംബന്ധിച്ച് ഓർത്തഡോക്‌സ്,യാക്കോബായ സഭകൾ തമ്മിലുള്ള തർക്കത്തിൽ നിർണായക ഇടപെടലുമായി ഹൈക്കകോടതി. തർക്കത്തിലുള്ള ആറ് പള്ളികൾ സർക്കാർ ഏറ്റെടുക്കാൻ ഹൈക്കോടതി ഉത്തരവിട്ടു. പള്ളികൾ ഏറ്റെടുക്കാനുള്ള നിർദേശം ബന്ധപ്പെട്ട ജില്ലാ കളക്ടർമാർക്ക് ഹൈക്കോടതി നൽകി. സുപ്രീം കോടതി വിധിയനുസരിച്ച് പള്ളികൾ ഏറ്റെടുത്ത് കൈമാറുന്നില്ലെന്ന് കാട്ടി ഓർത്തഡോക്‌സ് സഭ നൽകിയ കോടതിയലക്ഷ്യ ഹർജിയിലാണ് ഹൈക്കോടതിയുടെ നിർണായക ഉത്തരവ്. ജസ്റ്റിസ് വിജി അരുണാണ് ഇത് സംബന്ധിച്ച് ഉത്തരവിറക്കിയത്.

അങ്കമാലി ഭദ്രാസനത്തിലെ മൂന്നും തൃശൂർ ഭദ്രാസനത്തിലെ മൂന്നും പള്ളികൾ വീതം ഏറ്റെടുക്കാനാണ് എറണാകുളം പാലക്കാട് കളക്ടർമാർക്ക് കോടതി നിർദേശം നൽകിയത്. ഓടക്കാലി, മഴുവന്നൂർ,പുളിന്താനം, ചെറുകുന്നം ,മംഗലംഡാം, എരിക്കിൻചിറ പള്ളികളാണ് ഏറ്റെടുക്കാൻ നിർദേശം നൽകിയത്. കേസിൽ കോടതിയുടെ അടുത്ത സിറ്റിംഗിന് മുൻപ് പള്ളികൾ സർക്കാർ ഏറ്റെടുക്കണമെന്നും ഹൈക്കോടതി ഉത്തരവിട്ടു.

പള്ളികൾ ഏറ്റെടുക്കുന്നതിന് ആവശ്യമായ പോലീസ് സഹായം ഡിജിപി ഉറപ്പാക്കണമെന്നും കോടതി നിർദേശിച്ചു.നേരത്തെ, പള്ളികളിൽ സുപ്രീം കോടതി വിധി നടപ്പാക്കാൻ കോടതി പൊലീസിന് നിർദേശം നൽകിയെങ്കിലും യാക്കോബായ പക്ഷത്തിന്റെ എതിർപ്പുമൂലം ഒരു വർഷമായി  ഉത്തരവ് നടപ്പാക്കാനായില്ല.ഇതിനെ തുടർന്നാണ് കോടതിയലക്ഷ്യ ഹർജിയുമായി ഓർത്തഡോക്‌സ് സഭ ഹൈക്കോടതിയെ സമീപിച്ചത്. 

Read More

• മുകേഷിനെതിരായ പ്രതിഷേധത്തിനിടെ സിപിഎം സെക്രട്ടറിയേറ്റ് യോഗം ഇന്ന്
• മുകേഷിനെതിരായ അന്വേഷണം; എസ്പി പൂങ്കുഴലി നേതൃത്വം നൽകും
• മുകേഷിന്റെ രാജി: ഇടതുപക്ഷത്ത് ഭിന്നത
• മുകേഷിന്റെ അറസ്റ്റ്; അഞ്ച് ദിവസത്തേക്ക് കോടതി തടഞ്ഞു
• ഹേമ കമ്മറ്റി: തിമിംഗലങ്ങളുടെ പേരുകൾ ഇപ്പോഴും ഇരുട്ടിലെന്ന് ടി.പത്മനാഭൻ
• കോൺഗ്രസ് എംഎൽഎമാർ രാജി വച്ചില്ലല്ലോ? മുകേഷിന്റെ രാജി ആവശ്യം അംഗീകരിക്കാതെ ഇ.പി.ജയരാജൻ
• നടിയുടെ പരാതി: മണിയൻപിള്ള രാജുവിനും ഇടവേള ബാബുവിനുമെതിരെ കേസ്
• മുകേഷിനും ജയസൂര്യയ്ക്കുമെതിരെ ജാമ്യമില്ലാ വകുപ്പ് ചുമത്തി കേസെടുത്തു