വടക്കൻ ഇസ്രയേലിൽ മിസൈൽ ആക്രമണത്തിൽ കൊല്ലം സ്വദേശി കൊല്ലപ്പെട്ടു; രണ്ട് മലയാളികൾക്ക് പരുക്ക്

വടക്കൻ ഇസ്രയേലിൽ നടന്ന മിസൈൽ ആക്രമണത്തിൽ ഒരു മലയാളി കൊല്ലപ്പെടുകയും രണ്ട് മലയാളികൾക്ക് പരിക്കേൽക്കുകയും ചെയ്തു. കൊല്ലം സ്വദേശി നിബിൻ മാക്‌സ്‌വെൽ ആണ് ആക്രമണത്തിൽ കൊല്ലപ്പെട്ടത്. അദ്ദേഹത്തിൻ്റെ മൃതദേഹം സിവ് ആശുപത്രിയിൽ തിരിച്ചറിഞ്ഞതായി ഔദ്യോഗിക വൃത്തങ്ങൾ അറിയിച്ചു. ബുഷ് ജോസഫ് ജോർജ്ജ്, പോൾ മെൽവിൻ എന്നിവർക്ക് പരുക്കേറ്റു. ഇവരെ ചികിത്സയ്ക്കായി ആശുപത്രികളിൽ പ്രവേശിപ്പിച്ചു.

തിങ്കളാഴ്ച ലെബനനിൽ നിന്ന് തൊടുത്തുവിട്ട ടാങ്ക് വേധ മിസൈൽ ഇസ്രയേലിൻ്റെ വടക്കൻ അതിർത്തി പ്രദേശമായ മാർഗലിയോട്ടിന് സമീപമുള്ള തോട്ടത്തിലാണ് വന്നു പതിച്ചത്. തിങ്കളാഴ്ച രാവിലെ 11 മണിയോടെ ഇസ്രായേലിൻ്റെ വടക്കൻ ഗലീലി മേഖലയിലെ മൊഷവ് (കൂട്ടായ കാർഷിക സമൂഹം) എന്ന സ്ഥലത്താണ് മിസൈൽ പതിച്ചതെന്ന് രക്ഷാപ്രവർത്തന സേവനങ്ങളുടെ വക്താവ് മഗൻ ഡേവിഡ് അഡോം (എംഡിഎ) സാക്കി ഹെല്ലർ പിടിഐയോട് പറഞ്ഞു.

മുഖത്തും ശരീരത്തിലും മുറിവേറ്റ ജോർജിനെ പേട്ട ടിക്വയിലെ ബെയ്‌ലിൻസൺ ആശുപത്രിയിൽ പ്രവേശിപ്പിച്ചു. അദ്ദേഹത്തെ ശസ്ത്രക്രിയയ്ക്ക് വിധേയനാക്കിയെന്നും ഇപ്പോൾ സുഖം പ്രാപിച്ചു വരുന്നുണ്ട്. അദ്ദേഹത്തിന് ഇന്ത്യയിലെ കുടുംബവുമായി സംസാരിക്കാൻ കഴിയും,” ഔദ്യോഗിക വൃത്തങ്ങൾ പിടിഐയോട് പറഞ്ഞു.

ഇടുക്കി ജില്ലക്കാരനാരനായ മെൽവിന് നിസ്സാരമായി പരിക്ക് മാത്രമേയുള്ളൂ. അദ്ദേഹം വടക്കൻ ഇസ്രായേലിലെ നഗരമായ സഫേദിലെ സിവ് ആശുപത്രിയിൽ ചികിത്സയിലാണ്. മിസൈൽ ആക്രമണത്തിൽ ഒരു വിദേശ തൊഴിലാളി കൊല്ലപ്പെടുകയും ഏഴ് പേർക്ക് പരിക്കേൽക്കുകയും ചെയ്തതായി എം.ഡി.എ നേരത്തെ അറിയിച്ചിരുന്നു. 

ഗാസ മുനമ്പിൽ നടന്നുകൊണ്ടിരിക്കുന്ന യുദ്ധത്തിനിടയിൽ ഹമാസിനെ പിന്തുണച്ച് ഒക്ടോബർ 8 മുതൽ വടക്കൻ ഇസ്രയേലിൽ ദിവസവും റോക്കറ്റുകളും മിസൈലുകളും ഡ്രോണുകളും വിക്ഷേപിച്ചു കൊണ്ടിരിക്കുന്ന ലെബനനിലെ ഷിയ ഹിസ്ബുള്ള വിഭാഗമാണ് ആക്രമണം നടത്തിയതെന്ന് കരുതപ്പെടുന്നു.

കൂടുതൽ വായിക്കാൻ ക്ലിക്ക് ചെയ്യൂ

Read More

• സിദ്ധാർത്ഥന്റെ മരണം; പ്രത്യേക അന്വേഷണ സംഘം രൂപീകരിക്കാൻ മുഖ്യമന്ത്രിയുടെ നിർദ്ദേശം
• മലയാളിയായ പ്രശാന്ത് ബാലകൃഷ്ണൻ നായർ ബഹിരാകാശത്തേക്ക്; ഗഗൻയാൻ ദൗത്യസംഘത്തിന്റെ തലവൻ
• 370 സീറ്റുകൾ മാത്രമല്ല, ബിജെപി ലക്ഷ്യം വെക്കുന്നത് 50 ശതമാനം വോട്ടും
• ലോക്സഭാ തിരഞ്ഞെടുപ്പ്: അഞ്ചിടത്ത് കോൺഗ്രസ്-ആം ആദ്മി പാർട്ടി സീറ്റുകളിൽ ധാരണയായി
• കോൺഗ്രസിനെ വീണ്ടും വെട്ടിലാക്കി മമത; ബംഗാളിലെ 42 സീറ്റിലും ഒറ്റയ്ക്ക് മത്സരിക്കുമെന്ന് തൃണമൂൽ കോൺഗ്രസ്