അതിഥി തൊഴിലാളിക്ക് പട്ടിക്കൂട്ടിൽ ദുരിതജീവിതം; ഇടപെട്ട് പൊലീസ്

എറണാകുളം: പിറവത്ത് അതിഥി തൊഴിലാളി വാടകയ്ക്ക് താമസിക്കുന്നത് പട്ടിക്കൂട്ടിൽ. ജീർണാവസ്ഥയിലുള്ള പഴയ പട്ടിക്കൂടിലാണ് മൂന്ന് മാസമായി തൊഴിലാളി കഴിയുന്നത്. പട്ടിക്കൂട്ടിൽ കഴിയുന്നതിനായി അതിഥി തൊഴിലാളിയിൽ നിന്ന് കെട്ടിടം ഉടമ മാസം 500 രൂപവീതം വാടക വാങ്ങുന്നുണ്ടെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്തു.

ബംഗാള്‍ സ്വദേശിയായ ശ്യാം സുന്ദറാണ് കേരളത്തിൽ ദുരിതജീവിതം നയിക്കുന്നത്. പ്രദേശ വാസികൾ അറിയിച്ചതോടെയാണ് വിവരം പുറത്തു വരുന്നത്. അതിഥി തൊഴിലാളികൾക്ക് വാടകയ്ക്ക് നൽകിയിരിക്കുന്ന വീടിനോട് ചേർന്നാണ് പട്ടിക്കൂട്. മറ്റു തൊഴിലാളികൾ നൽകുന്ന വാടക നൽകാൻ ഇല്ലാത്തതിനാൽ പട്ടിക്കൂട്ടിൽ കഴിയാൻ വീട്ടുടമ അനുവാദം നൽകുകയായിരുന്നു എന്ന് ശ്യാം സുന്ദർ പറഞ്ഞു.

വീട്ടിൽ നിരവധി അതിഥി തൊഴിലാളികൾ വാടകയ്ക്ക് താമസിക്കുന്നുണ്ടെന്നും ശ്യാം സുന്ദർ പട്ടിക്കൂട്ടിലാണ് കഴുന്നതെന്ന കാര്യം അറിയില്ലെന്നായിരുന്നു എന്നുമാണ് വീട്ടുടമയുടെ പ്രതികരണം. നിലവിൽ അതിഥി തൊഴിലാളിയേയും വീട്ടുടമയേയും പൊലീസ് സ്റ്റേഷനിലേക്ക് വിളിപ്പിച്ചിരിക്കുകയാണ്.

വാർത്ത പുറത്തു വന്നതോടെ വാർഡ് മെമ്പർ അടക്കമുള്ള നാട്ടുകാർ സ്ഥലത്തെത്തുകയും, സംഭവത്തിൽ പ്രതിഷേധം അറിയിക്കുകയും ചെയ്തു. കേരളം പോലൊരു സംസ്ഥാനത്ത് ഇത്തരം ഒരു സംഭവം നടക്കുമെന്ന് പ്രതീക്ഷിച്ചിരുന്നില്ലെന്നാണ് പ്രദേശ വാസികൾ പറയുന്നത്.

Read More

• നിപ്പ: മലപ്പുറത്ത് ഇന്നു മുതൽ നിയന്ത്രണം; കുട്ടിയുടെ നില ഗുരുതരം
• അർജുനായി ആറാംനാൾ; തെരച്ചിലിന് സൈന്യമെത്തും
• ഏതോ സ്ത്രീയുടെ പേരിൽ ഉമ്മൻ ചാണ്ടി ഒത്തിരി പഴി കേട്ടു: ജി.സുധാകരൻ
• ഹൃദയത്തിൽ കൈയ്യൊപ്പിട്ട കുഞ്ഞൂഞ്ഞ്: ഉമ്മൻ ചാണ്ടിയുടെ ഓർമ്മകൾക്ക് ഒരാണ്ട്
• ചിറ്റൂര്‍ പുഴയില്‍ കുടുങ്ങി കുട്ടികൾ, രക്ഷകരായി ഫയർഫോഴ്സ്
• രക്ഷാപ്രവർത്തനത്തിന് സൈന്യത്തെ വിന്യസിക്കണം, പ്രധാനമന്ത്രിക്ക് കത്തയച്ച് അർജുന്റെ ഭാര്യ