Gold Rate in Kerala: വിലയിൽ മാറ്റമില്ല; റെക്കോർഡ് ഉയരത്തിൽ തന്നെ സ്വർണവില

Gold Price in Kerala: കൊച്ചി: സംസ്ഥാനത്ത് സ്വർണവില സർവകാല റെക്കോർഡിൽ തുടരുന്നു. വ്യാഴാഴ്ച അന്താരാഷ്ട്ര സ്വർണ്ണവില 3341 ഡോളറിലേക്ക് എത്തിയതോടെ സംസ്ഥാനത്ത് വില ചരിത്രത്തിലെ ഏറ്റവും ഉയർന്ന നിലയിലേക്കെത്തി.  840 രൂപയാണ് വ്യാഴാഴ്ച ഒറ്റയടിക്ക് പവന് വർധിച്ചത് ഇതോടെ സ്വർണവില ആദ്യമായി 71000  കടന്നു. 

ഇന്ന് ദുഃഖ വെള്ളി പ്രമാണിച്ച് വിപണി അവധിയായതിനാൽ സ്വർണവിലയിൽ ഇന്ന് മാറ്റമൊന്നും വന്നിട്ടില്ല. വിപണിയിൽ ഒരു പവൻ  സ്വർണത്തിന്റെ ഇന്നത്തെ വില 71360  രൂപയാണ്. ഒരു ഗ്രാം 22 കാരറ്റ് സ്വർണത്തിന്റെ വിപണി വില 8920 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 7350 രൂപയാണ്. ഒരു ഗ്രാം സാധാരണ വെള്ളിയുടെ വില 108  രൂപയാണ്. 

ഏപ്രിൽ ഒന്നിന് ഒരു പവൻ സ്വർണത്തിന് 680 രൂപ ഉയർന്നത്. അന്നത്തെ വിപണിവില 68,080 രൂപയായിരുന്നു. ഏപ്രിൽ 10ന് 2160 രൂപ ഉയർന്ന് ഒരുപവൻ സ്വർണത്തിന് വില 69960 രൂപയായി. ഏപ്രിൽ പന്ത്രണ്ടോടെ സ്വർണവില പവന് എഴുപതിനായിരം കടന്നിരുന്നു. ഏപ്രിൽ പതിനഞ്ചോടെ വിലയിൽ നേരിയ കുറവുണ്ടായിരുന്നെങ്കിലും അധികം വൈകാതെ വില വീണ്ടും ഉയരുകയായിരുന്നു. 

ട്രംപിന്റെ തീരൂവ യുദ്ധം മുതൽ ഓഹരി,കടപ്പത്ര വിപണികളുടെ ചാഞ്ചാട്ടം വരെ സ്വർണവില കൂടാൻ കാരണമായി. നിക്ഷേപകർ സുരക്ഷിത നിക്ഷേപം എന്ന് നിലയിൽ വൻതോതിൽ സ്വർണത്തിൽ നിക്ഷേപം നടത്തുന്നതും റിസർവ് ബാങ്ക് ഉൾപ്പടെ ലോകത്തിലെ വിവിധ രാജ്യങ്ങളിലെ കേന്ദ്രബാങ്കുകൾ വിദേശ നാണയ ശേഖരണത്തിലേക്ക് സ്വർണം വൻതോതിൽ വാങ്ങിചേർക്കുന്നതും വില വർധനയുടെ ആക്കം കൂട്ടുന്നു. 

സ്വർണവില ഈ വർഷം റെക്കോർഡുകൾ തകർത്ത് മുന്നേറുമെന്ന് ലോകത്തിലെ പ്രമുഖ ധനകാര്യ സ്ഥാപനങ്ങൾ മുന്നറിയിപ്പ് നൽകുന്നു. ആഭ്യന്തരമായി ഉത്പദാനം കുറവായതിനാലും വിപണിയിലെ ആവശ്യം നിറവേറ്റുന്നതിനായി ഇറക്കുമതിയെ ഗണ്യമായി ആശ്രയിക്കുന്നതിനാലും രാജ്യാന്തര വിപണിയിലെ നിരക്കുകളുടെ ചുവടുപിടിച്ചാണ് ഇന്ത്യയിലേയും സ്വർണ നിരക്കുകൾ നിശ്ചയിക്കപ്പെടുന്നത്.

Read More

• Drugs in Cinema: സിനിമ സെറ്റിന് പവിത്രതയൊന്നുമില്ല; ലഹരി പരിശോധന എല്ലായിടത്തും ഉണ്ടാകും: എം.ബി.രാജേഷ്
• നടി വിൻസി അലോഷ്യസിന്റെ മൊഴിയെടുക്കാൻ അനുമതി തേടി എക്‌സൈസ്
• ഷൂട്ടിങ് ലൊക്കേഷനിൽ ലഹരി ഉപയോഗം കണ്ടുവെന്ന് വെളിപ്പെടുത്തൽ; വിൻസി അലോഷ്യസിൽ നിന്ന് എക്‌സൈസ് വിവരം തേടും
• MVD Guidelines on Fine: ഓടുന്ന വണ്ടിയുടെ ഫോട്ടോയെടുത്ത് പിഴ വേണ്ട; മാർഗനിർദ്ദേശവുമായി ഗതാഗത വകുപ്പ്
• മുനമ്പത്ത് ബിജെപിയും സംഘപരിവാറും കുളം കലക്കി മീന്‍പിടിക്കാന്‍ ശ്രമിച്ചു: മുഖ്യമന്ത്രി