ജി.സുധാകരന്റെ വിവാദ പ്രസംഗം; കേസിന്റെ പുരോഗതി അറിയിക്കണമെന്ന് മുഖ്യ തിരഞ്ഞെടുപ്പ് ഓഫീസർ

തിരുവനന്തപുരം: തപാൽ വോട്ടുകൾ പൊട്ടിച്ച് തിരുത്തിയെന്ന് മുതിർന്ന സിപിഎം നേതാവ് ജി.സുധാകരന്റെ വെളിപ്പെടുത്തലിൽ രജിസ്റ്റർ ചെയ്ത കേസിലെ പുരോഗതി കൃത്യമായി അറിയിക്കണമെന്ന് മുഖ്യ തിരഞ്ഞെടുപ്പ് ഓഫീസറുടെ നിർദേശം. ആലപ്പുഴ ജില്ലാ തിരഞ്ഞെടുപ്പ് ഓഫീസർക്കാണ് ഇത് സംബന്ധിച്ചുള്ള നിർദേശം നൽകിയത്. ആലപ്പുഴ സൗത്ത് സ്റ്റേഷനിൽ ജി.സുധാകനെതിരെ കേസ് രജിസ്റ്റർ ചെയ്ത വിവരം ഇന്ത്യൻ തിരഞ്ഞെടുപ്പ് കമ്മീഷനെ അറിയിച്ചട്ടുണ്ടെന്നും മുഖ്യ തിരഞ്ഞെടുപ്പ് ഓഫീസറുടെ കാര്യാലയം അറിയിച്ചു.

അതേസമയം, പ്രസംഗം ജി.സുധാകരൻ തന്നെ തിരുത്തിയ സാഹചര്യത്തിൽ വിഷയത്തിൽ ഇടപെടേണ്ടയെന്ന് നിലപാടിലാണ് സിപിഎം സംസ്ഥാന നേതൃത്വം. ഇതുസംബന്ധിച്ച് കൂടുതൽ പ്രതികരണങ്ങൾ വേണ്ടെന്നാണ് ജില്ലയിലെ പാർട്ടി നേതൃത്വത്തിന് സിപിഎം സംസ്ഥാന നേതൃത്വം നൽകിയിരിക്കുന്ന നിർദേശം. നേരത്തെ, സുധാകരനെതിരെ പോലീസ് തിടുക്കപ്പെട്ടാണ് എഫ്.ഐ.ആർ. രജിസ്റ്റർ ചെയ്തതെന്ന് സിപിഎം ആലപ്പുഴ ജില്ലാ സെക്രട്ടറി എച്ച്. നാസർ ആരോപിച്ചിരുന്നു.

ആലപ്പുഴയിൽ കേരള എൻജിഒ യൂണിയൻ സംസ്ഥാന സമ്മേളനത്തോടനുബന്ധിച്ച് നടന്ന ചടങ്ങിലാണ് താനുൾപ്പെടെയുള്ളവർ ചേർന്ന് 36 വർഷം മുൻപ് നടത്തിയ തിരഞ്ഞെടുപ്പ് കൃത്രിമത്തെപ്പറ്റിയുള്ള ജി സുധാകരന്റെ വെളിപ്പെടുത്തൽ. 

1989 ലെ പാർലമെന്റ് തിരഞ്ഞെടുപ്പിൽ ഇടതു സ്ഥാനാർഥിയായി കെ.വി.ദേവദാസ് ആലപ്പുഴയിൽ മത്സരിച്ചപ്പോൾ ഇലക്ഷൻ കമ്മിറ്റിയുടെ സെക്രട്ടറി ജി സുധാകരൻ ആയിരുന്നു. അന്ന് സിപിഎം ജില്ലാ കമ്മിറ്റി ഓഫിസിൽ വച്ച് താൻ ഉൾപ്പെടെയുള്ളവർ ചേർന്നു പോസ്റ്റൽ വോട്ടുകൾ പൊട്ടിച്ചു തിരുത്തിയിട്ടുണ്ടെന്നായിരുന്നു ജി സുധാകരന്റെ വെളിപ്പെടുത്തൽ. വക്കം പുരുഷോത്തമനെതിരെയാണ് അന്നു ദേവദാസ് മത്സരിച്ചത്. കാൽലക്ഷത്തിൽപരം വോട്ടുകളുടെ ഭൂരിപക്ഷത്തിലാണ് വക്കം അന്ന് വിജയിച്ചത്. 

ജി.സുധാകരന്റെ പ്രസ്താവനയ്ക്ക് പിന്നാലെ തിരഞ്ഞെടുപ്പ് കമ്മീഷൻ വിഷയത്തിൽ ഇടപെട്ടിരുന്നു. ഇതോടെ തന്റെ പ്രസ്താവന തിരുത്തി സുധാകരൻ രംഗത്തെത്തിയിരുന്നു. തപാൽ വോട്ടുകൾ തിരുത്തിയിട്ടില്ലെന്നും ഭാവനലേശം കൂടി പോയതാണെന്നുമാണ് ജി.സുധാകരൻ പിന്നീട് പറഞ്ഞത്. 

Read More

• ഇഡി ഉദ്യോഗസ്ഥനെ ഒന്നാം പ്രതിയാക്കി വിജിലൻസ് കുറ്റപത്രം
• മെസി വരും; സ്‌പോൺസർ പണമടച്ചാൽ മറ്റ് പ്രശ്‌നങ്ങളില്ലെന്നും കായിക മന്ത്രി
• എല്ലിന്റെ ഒരുഭാഗം വഴിത്തിരിവായി; 15 വർഷങ്ങൾക്ക് ശേഷം രേഷ്മ കൊലക്കേസിൽ പ്രതി പിടിയിൽ
• സംസ്ഥാനത്ത് മഴ ശക്തിപ്പെടും, രണ്ട് ജില്ലകളിൽ യെല്ലോ അലർട്ട്
• പോസ്റ്റൽ വോട്ട് തിരുത്തിയെന്ന് പരാമർശം; ജി.സുധാകരനെതിരെ കേസെടുത്തു
• മലക്കം മറിഞ്ഞ് ജി.സുധാകരൻ; തപാൽ വോട്ടുകൾ തിരുത്തിയില്ലെന്ന് വിശദീകരണം
• സംസ്ഥാനത്ത് അതിതീവ്ര മഴയ്ക്ക് സാധ്യത; വിവിധ ജില്ലകളിൽ ഓറഞ്ച്, മഞ്ഞ അലർട്ട്
• ജൂനിയർ അഭിഭാഷകയെ മർദ്ദിച്ച സംഭവം; ബെയ്‌ലിൻ ദാസിന് ജാമ്യമില്ല