കൊല്ലം എറണാകുളം സ്‌പെഷ്യൽ മെമു സമയക്രമത്തിൽ മാറ്റം

കൊച്ചി: യാത്രാക്ലേശം രൂക്ഷമായതിനെ തുടർന്ന് എറണാകുളം-കൊല്ലം ഭാഗത്തേക്ക് ദക്ഷിണ റെയിൽവേ പ്രഖ്യാപിച്ച സ്‌പെഷ്യൽ മെമു സർവ്വീസിന് ഇന്ന് തുടക്കമായി. കോട്ടയം വഴി സർവ്വീസ് നടത്തുന്ന മെമുവിന് എട്ട് കോച്ചുകളാണ് ഉള്ളത്. തിങ്കൾ മുതൽ വെള്ളി വരെയാണ് മെമു സർവ്വീസ് നടത്തുന്നത്. ശനി,ഞായർ ദിവസങ്ങളിൽ സർവ്വീസ് ഉണ്ടായിരിക്കില്ല. 

ആദ്യം പ്രഖ്യാപിച്ച സ്റ്റോപ്പുകളിൽ കൂടാതെ രണ്ട് സ്റ്റോപ്പുകൾ കൂടി അധികമായി പ്രഖ്യാപിച്ചതോടെ മെമു സർവ്വീസിന്റെ സമയക്രമത്തിൽ മാറ്റം വന്നിട്ടുണ്ട്. കൊല്ലത്ത് നിന്ന് രാവിലെ 5.55-നാണ് ട്രെയിൻ പുറപ്പെടുക. നേരത്തെ 6.15 ട്രെയിൻ പുറപ്പെടുമെന്നാണ് പ്രഖ്യാപിച്ചിരുന്നത്. മൺറോതുരുത്തും പെരിനാടുമാണ് പുതിയതായി സ്റ്റോപ്പുകൾ അനുവദിച്ചത്. 

രാവിലെ 5.55ന് കൊല്ലത്ത് നിന്ന്  തിരിച്ച് 9.35ന് എറണാകുളം ജങ്ഷൻ ( സൗത്ത്) സ്റ്റേഷനിൽ എത്തിച്ചേരും. ആകെ 18 സ്റ്റോപ്പുകളാണ് ഉണ്ടാകുക. കൊല്ലം, പെരിനാട്, മൺറോതുരുത്ത്, ശാസ്താംകോട്ട, കരുനാഗപ്പള്ളി, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, ഏറ്റുമാനൂർ, കുറുപ്പന്തറ, വൈക്കം, പിറവം റോഡ്, മുളന്തുരുത്തി, തൃപ്പൂണിത്തുറ, എറണാകുളം സൗത്ത് എന്നിവയാണ് സ്റ്റോപ്പുകൾ.

തിരികെ 9.50 ന് എറണാകുളം ജങ്ഷൻ സ്റ്റേഷനിൽ നിന്ന് പുറപ്പെടുന്ന ട്രെയിൻ ഉച്ചയ്ക്ക് 1.30 ന് കൊല്ലത്ത് എത്തിച്ചേരും. കൊല്ലത്തുനിന്ന് കോട്ടയം വഴി എറണാകുളം ഭാഗത്തേക്ക് രാവിലെ പോകുന്ന പാലരുവി, വേണാട് എന്നീ ട്രെയിനുകളിലെ തിരക്കുമൂലം ഈ രണ്ട് ട്രെയിനുകൾക്കിടയിൽ ഒരു ട്രെയിൻ വേണമെന്നത് ദിവസ യാത്രക്കാരുടെ ദീർഘകാലത്തെ ആവശ്യമാണ്.

എറണാകുളത്തേക്കുള്ള സമയക്രമം

കൊല്ലം (രാവിലെ 5.55), പെരിനാട് ( 6.10), മൺറോ തുരുത്ത് ( 06.30), ശാസ്താംകോട്ട (6.39), കരുനാഗപ്പള്ളി (6.50), കായംകുളം (7.05), മാവേലിക്കര (7.13), ചെങ്ങന്നൂർ (7. 25), തിരുവല്ല (7.34), ചങ്ങനാശ്ശേരി (7.43), കോട്ടയം (8.04), ഏറ്റുമാനൂർ ( 8.16), കുറുപ്പന്തറ (8.25), വൈക്കം റോഡ് (8.34), പിറവം റോഡ് ( 8.42), മുളന്തുരുത്തി (8.53), തൃപ്പൂണിത്തുറ (9.03), എറണാകുളം (9.35).

കൊല്ലത്തേക്കുള്ള സമയക്രമം

എറണാകുളം ( രാവിലെ 9.50), തൃപ്പൂണിത്തുറ (10.07), മുളന്തുരുത്തി (10.18), പിറവം റോഡ് (10.30), വൈക്കം റോഡ് ( 10.38), കുറുപ്പന്തറ (10.48), ഏറ്റുമാനൂർ (10.57), കോട്ടയം (11.10), ചങ്ങനാശ്ശേരി (11.31), തിരുവല്ല (11.41), ചെങ്ങന്നൂർ ( 11.51), മാവേലിക്കര ( 12.03), കായംകുളം (12.13), കരുനാഗപ്പള്ളി (12.30), ശാസ്താംകോട്ട (12.40), മൺറോതുരുത്ത് (12.47), പെരിനാട് (12.54), കൊല്ലം (1.30).

Read More

• ആറ് ജില്ലകളിൽ ഇന്ന് യെല്ലോ അലർട്ട്; കള്ളക്കടൽ പ്രതിഭാസത്തിനും സാധ്യത
• ഒടുവിൽ നടപടി: എംആർ അജിത് കുമാറിനെ ക്രമസമാധാന ചുമതലകളിൽ നിന്ന് നീക്കി
• മലബാറിൽ പുതിയ ജില്ല വേണം;നയം വ്യക്തമാക്കി അൻവറിന്റെ സംഘടന
• അൻവറുമായി സംഖ്യത്തിനില്ല;നിലപാട് വ്യക്തമാക്കി ഡിഎംകെ
• കെടി ജലീലിന്റെ നികൃഷ്ടമായ പ്രസ്താവനയെന്ന് മുസ്ലിം ലീഗ്
• കരിപ്പൂരിൽ സ്വർണക്കടത്തിൽ പിടിക്കപ്പെടുന്നവരിൽ ഭൂരിപക്ഷവും മുസ്‌ലിങ്ങൾ: കെ.ടി.ജലീൽ