രാവിലെയുള്ള മലബന്ധത്തിൽനിന്ന് ആശ്വാസം; രാത്രി ഉറങ്ങുന്നതിനു മുൻപ് ഈ പൊടി കഴിക്കൂ

മലബന്ധം ഇന്നു പലരെയും അലട്ടുന്ന ഒരു സാധാരണ ആരോഗ്യ പ്രശ്നമാണ്. രാവിലെ വിശ്രമത്തോടെയും സുഖകരമായും ചെലവഴിക്കുന്നതാണ് ആരോഗ്യകരമായ ഒരു ദിവസത്തിന് അടിസ്ഥാനമെന്ന് നമ്മുടെ പൂർവ്വികർ പറഞ്ഞിട്ടുണ്ട്. പാർശ്വഫലങ്ങളില്ലാതെ പ്രകൃതിദത്തമായ രീതിയിൽ ഈ മലബന്ധ പ്രശ്നം എങ്ങനെ പരിഹരിക്കാമെന്ന് ഡോ.ശിവരാമൻ തമിഴ് സ്പീച്ച് ബോക്സ് യൂട്യൂബ് പേജിൽ പറഞ്ഞിട്ടുണ്ട്.

Also Read: മുട്ട കഴിക്കാൻ ഏറ്റവും നല്ല സമയം ഏതാണ്? എങ്ങനെയൊക്കെ കഴിക്കാം

മലബന്ധത്തിന് ഒരു ഹെർബൽ പൗഡറായി ത്രിഫല പൊടി കഴിക്കാൻ ഡോ.ശിവരാമൻ നിർദേശിച്ചു. മലബന്ധം പരിഹരിക്കുന്നതിന്, രാത്രി ഉറങ്ങാൻ പോകുന്നതിനു മുമ്പ് അര സ്പൂൺ ത്രിഫല പൊടി കഴിക്കുക. രാത്രി ഉറങ്ങാൻ പോകുന്നതിനു മുമ്പ് ഈ പൊടി കഴിക്കുന്നത് രാവിലെ മലവിസർജനം എളുപ്പമാക്കാൻ സഹായിക്കുന്നു. ഇത് പതിവായി കഴിക്കുന്നത് മലവിസർജംനം സുഗമമാക്കുമെന്നും പ്രായമായവർക്ക് ഇത് വളരെ ഗുണം ചെയ്യുമെന്നും അദ്ദേഹം പറഞ്ഞു. ഇത് പാർശ്വഫലങ്ങൾ ഉണ്ടാക്കുന്നില്ല. 

Also Read: വണ്ണം കുറയാൻ ഒരു ദിവസം എത്ര ചപ്പാത്തി കഴിക്കണം?

മലബന്ധത്തിന് രണ്ട് പ്രധാന കാരണങ്ങളുണ്ടെന്ന് ഡോ.ശിവരാമൻ ചൂണ്ടിക്കാട്ടി. ഒരു ദിവസം കുറഞ്ഞത് 3.5 മുതൽ 4 ലിറ്റർ വരെ വെള്ളം കുടിക്കാതിരിക്കുന്നതാണ് മലബന്ധത്തിന് ഒരു പ്രധാന കാരണം. ആവശ്യത്തിന് ജലാംശം ഇല്ലെങ്കിൽ, ദഹനനാളത്തിലെ ഭക്ഷണം വരണ്ടതും, കടുപ്പമുള്ളതും, കടന്നുപോകാൻ പ്രയാസകരവുമായിത്തീരുന്നു. ഭക്ഷണത്തിൽ ആവശ്യത്തിന് നാരുകൾ ഇല്ലാത്തത് മലവിസർജനത്തെ നിയന്ത്രിക്കുന്നില്ല. നാരുകൾ വെള്ളം ആഗിരണം ചെയ്യുന്നു, ഇത് മലം മൃദുവായും എളുപ്പത്തിൽ കടന്നുപോകാൻ സഹായിക്കുന്നു.

Also Read: ശരീര ഭാരം വെളിപ്പെടുത്തി സാമന്ത; ദിവസവും കഴിക്കുന്നത് ഇത്രയും പ്രോട്ടീൻ

മലബന്ധം അകറ്റാൻ ദൈനംദിന ജീവിതത്തിൽ പാലിക്കേണ്ട ആരോഗ്യകരമായ ഭക്ഷണശീലങ്ങളെക്കുറിച്ച് ഡോ.ശിവരാമൻ പറഞ്ഞിട്ടുണ്ട്. ദിവസവും 3.5 മുതൽ 4 ലിറ്റർ വരെ വെള്ളം കുടിക്കുന്ന ശീലം ഉറപ്പാക്കേണ്ടത് വളരെ പ്രധാനമാണ്. പഴങ്ങൾ, പച്ചക്കറികൾ, ധാന്യങ്ങൾ തുടങ്ങിയ നാരുകൾ അടങ്ങിയ ഭക്ഷണങ്ങൾ നിങ്ങളുടെ ദൈനംദിന ഭക്ഷണത്തിൽ പതിവായി ഉൾപ്പെടുത്തണം. ഇത് മലവിസർജനം ക്രമപ്പെടുത്തുന്നതിനും മലം പുറന്തള്ളുന്നതിനും സഹായിക്കുന്നു.  

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: പൈനാപ്പിൾ കഴിക്കാൻ ഏറ്റവും നല്ല സമയം ഏതാണ്?