ശരീര ഭാരം വെളിപ്പെടുത്തി സാമന്ത; ദിവസവും കഴിക്കുന്നത് ഇത്രയും പ്രോട്ടീൻ

ഊർജം, പേശികളുടെ ആരോഗ്യം, മൊത്തത്തിലുള്ള ക്ഷേമം എന്നിവയ്ക്ക് ശരീരത്തിന് പ്രോട്ടീൻ അത്യാവശ്യമാണ്. പല സ്ത്രീകളും ദിവസവും എത്ര പ്രോട്ടീൻ കഴിക്കണം എന്നതിനെക്കുറിച്ച് ആശയക്കുഴപ്പത്തിലാണ്. അടുത്തിടെ ന്യൂട്രീഷ്യനിസ്റ്റ് റാഷി ചൗധരിയുമായി നടത്തിയ പോഡ്‌കാസ്റ്റിൽ, സ്ത്രീകൾക്ക് ഏറ്റവും അനുയോജ്യമായ പ്രോട്ടീൻ ഉപഭോഗത്തെക്കുറിച്ചും അത് എങ്ങനെ ഫലപ്രദമായി നേടാമെന്നതിനെക്കുറിച്ചും സാമന്ത പറയുകയുണ്ടായി. 

സാമന്തയ്ക്ക് പ്രതിദിനം ഏകദേശം 100 ഗ്രാം പ്രോട്ടീൻ മതി. "എനിക്ക് 50 കിലോഗ്രാം ഭാരമുണ്ട്, ഞാൻ 100 ഗ്രാം പ്രോട്ടീൻ കഴിക്കുന്നു," നടി പറഞ്ഞു. തന്റെ മൊത്തത്തിലുള്ള ആരോഗ്യവും ക്ഷേമവും നിലനിർത്തുന്നതിന് പ്രതിദിനം ആവശ്യമായ പ്രോട്ടീൻ ഉപഭോഗം ഉറപ്പാക്കാറുണ്ടെന്നും സാമന്ത വ്യക്തമാക്കി.

Also Read: പൈനാപ്പിൾ കഴിക്കാൻ ഏറ്റവും നല്ല സമയം ഏതാണ്?

സ്ത്രീകൾ ദിവസവും എത്ര പ്രോട്ടീൻ കഴിക്കണം?

55–60 കിലോഗ്രാം ഭാരമുള്ള ഒരു ശരാശരി ഇന്ത്യൻ സ്ത്രീക്ക് എത്ര പ്രോട്ടീൻ ആവശ്യമാണെന്ന് റാഷി ചൗധരി വ്യക്തമാക്കി. ഏകദേശം 55–60 കിലോഗ്രാം ഭാരമുള്ള ഒരു ശരാശരി ഇന്ത്യൻ സ്ത്രീക്ക് 60–80 ഗ്രാം പ്രോട്ടീൻ ആവശ്യമാണ്. "200 ഗ്രാം കട്ടിയുള്ള തൈര്, 150 ഗ്രാം പനീർ, മൂന്ന് കപ്പ് കട്ടിയുള്ള ദാൽ, അല്ലെങ്കിൽ ഏകദേശം 600 ഗ്രാം ദാൽ എന്നിവ ഉപയോഗിച്ച് വെജിറ്റേറിയൻ ഭക്ഷണക്രമത്തിലൂടെ നിങ്ങൾക്ക് പ്രോട്ടീൻ ലഭിക്കും - ആകെ 80 ഗ്രാം," അവർ പറഞ്ഞു.

Also Read: മരുന്ന് ഇല്ലാതെ വൃക്കയിലെ കല്ലുകൾ അലിയിച്ചു കളയും; ഈ പ്രകൃതിദത്ത വഴികൾ നോക്കൂ

ശരിയായ ഭക്ഷണങ്ങൾ കഴിച്ചാൽ തീർച്ചയായും ഈ അളവ് കൈവരിക്കാൻ കഴിയും. നല്ല നിലവാരമുള്ള പ്രോട്ടീൻ പൗഡർ ഉപയോഗിച്ചാൽ 80 ഗ്രാം വളരെ എളുപ്പത്തിൽ ശരീരത്തിൽ എത്തുമെന്ന് അവർ പറഞ്ഞു. ഒരേ അളവിൽ പ്രോട്ടീൻ ലഭിക്കുന്ന നോൺ-വെജിറ്റേറിയൻ സ്രോതസുകളേക്കാൾ സസ്യാഹാര പ്രോട്ടീൻ സ്രോതസുകളിൽ പലപ്പോഴും കൂടുതൽ കാർബോഹൈഡ്രേറ്റ് ഉണ്ടെന്നും അതിനനുസരിച്ച് ഭക്ഷണം ആസൂത്രണം ചെയ്യണമെന്നും അവർ ആവശ്യപ്പെട്ടു.

Also Read: പ്രഭാസ് ദിവസവും കഴിച്ചത് 20-30 മുട്ടകൾ; വണ്ണം കുറയ്ക്കാൻ വെജിറ്റേറിയൻ ഡയറ്റ്

അതേസമയം, ഉയർന്ന പ്രോട്ടീൻ ഉപഭോഗത്തെക്കുറിച്ച് റാഷി ചൗധരി മുന്നറിയിപ്പ് നൽകി. "ആർക്കും നേരിട്ട് 2 ഗ്രാം/കിലോഗ്രാമിലേക്ക് എത്താൻ കഴിയില്ല. ചിലർക്ക് പ്രതിദിനം 50 ഗ്രാം പോലും എത്താൻ കഴിയില്ല. അതിനർത്ഥം, അവരുടെ കുടൽ തയ്യാറായിട്ടില്ല എന്നാണ്. അതുകൊണ്ടാണ് ആദ്യം വൻകുടൽ വൃത്തിയാക്കാൻ ശുപാർശ ചെയ്യുന്നത്. ഇത് കുടൽ പാളി പുനർനിർമ്മിക്കാൻ സഹായിക്കുന്നു, ആത്യന്തികമായി പ്രോട്ടീൻ സഹിക്കാനുള്ള കഴിവ് മെച്ചപ്പെടുത്തുന്നു."

View this post on Instagram

A post shared by Rashi Chowdhary (@rashichowdhary)

ദുർബലമായ കുടലിലേക്ക് കൂടുതൽ പ്രോട്ടീൻ എത്തുന്നത് എരിതീയിൽ ഇന്ധനം ചേർക്കുന്നത് പോലെയാണ്. ഇത് വയറു വീർക്കൽ, ഗ്യാസ്,  മലബന്ധം പോലുള്ള കുടൽ പ്രശ്നങ്ങൾക്ക് കാരണമാകും. അതിനാൽ, കുടലിന്റെ ആരോഗ്യത്തിനൊപ്പം, പതിയെ പതിയെ പ്രോട്ടീൻ ഉപഭോഗം വർധിപ്പിക്കുന്നത് പോഷകങ്ങളുടെ ആഗിരണത്തിനും മൊത്തത്തിലുള്ള ക്ഷേമത്തിനും നിർണായകമാണെന്ന് അവർ പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: ആഴ്ചയിൽ ഒരിക്കൽ മദ്യം കഴിക്കുന്നത് സുരക്ഷിതമാണോ? എത്ര അളവ് കഴിക്കാം