അത്താഴം വൈകിട്ട് 6 മണിക്ക് കഴിക്കും, 9.30 ന് ഉറങ്ങാൻ കിടക്കും; 44-ാം വയസിലെ കരീനയുടെ ഫിറ്റ്നസ് രഹസ്യം

ബോളിവുഡിലെ ബ്യൂട്ടി ക്വീനാണ് കരീന കപൂർ. പ്രായം 44 ൽ എത്തി നിൽക്കുമ്പോഴും താരറാണിയെന്ന കരീനയുടെ പട്ടത്തിന് തെല്ലൊരു കോട്ടവും സംഭവിച്ചിട്ടില്ല. തന്റെ പുതിയ ഉറക്ക, വ്യായാമ ദിനചര്യകൾ വെളിപ്പെടുത്തിയിരിക്കുകയാണ് നടി. നോഡ് മാസികയ്ക്ക് നൽകിയ അഭിമുഖത്തിലാണ് കരിയർ, വ്യക്തിജീവിതം, ഫിറ്റ്നസ് എന്നിവയെക്കുറിച്ച് കരീന മനസ് തുറന്നത്.

അഭിമുഖത്തിൽ കരീന തന്റെ ദിനചര്യയെക്കുറിച്ച് സംസാരിച്ചു. വ്യായാമത്തിന് താൻ വളരെയധികം മുൻഗണന നൽകാറുണ്ടെന്ന് കരീന പറഞ്ഞു.  സമീപ വർഷങ്ങളിൽ, പ്രത്യേകിച്ച് രണ്ട് കുട്ടികളുടെ അമ്മയായതിനുശേഷം, തന്റെ ദിനചര്യയിൽ വരുത്തിയ മാറ്റങ്ങൾ എന്തൊക്കെയാണെന്നും കരീന വീശദീകരിച്ചു.

Also Read: കിലോ എളുപ്പത്തിൽ കുറയ്ക്കാം, ഈ 10 ഭക്ഷണങ്ങൾ കഴിക്കാതിരിക്കൂ

അത്താഴം 6 മണിക്ക്, 9.30 ന് ഉറങ്ങാൻ കിടക്കും

വൈകുന്നേരം 6 മണിക്ക് അത്താഴം കഴിക്കും. കുറച്ച് മണിക്കൂറുകൾക്ക് ശേഷം, അതായത് 9.30 ന് ഉറങ്ങാൻ കിടക്കും. ലോകം ഉണരുന്നതിനുമുൻപേ, അതിരാവിലെ വർക്ക്ഔട്ട് ചെയ്യുമെന്ന് കരീന പറഞ്ഞു. പാർട്ടികളിൽ എന്നെ പ്രതീക്ഷിക്കേണ്ടെന്ന് എന്റെ സുഹൃത്തുക്കൾക്ക് അറിയാം. അവർ അതിനെ ബഹുമാനിക്കുന്നുവെന്നും നടി വ്യക്തമാക്കി. 

വ്യായാമം ചെയ്യുന്നതിൽ ഒരു വിട്ടുവീഴ്ചയ്ക്കും തയ്യാറാവില്ലെന്നും കരീന വെളിപ്പെടുത്തി. മാനസികാവസ്ഥ മെച്ചപ്പെടുത്താനും ഫിറ്റ്നസ് നിലനിർത്താനും വ്യായാമം സഹായിക്കുന്നു. “ഞാൻ വ്യായാമം ചെയ്തില്ലെങ്കിൽ, എന്റെ മാനസികാവസ്ഥ മോശമായിരിക്കും. കോവിഡിന് ശേഷമാണ് ഫിറ്റ്നസ് എത്ര പ്രധാനമാണെന്ന് ഞാൻ മനസിലാക്കിയത്” കരീന പറഞ്ഞു.

Also Read: പച്ചക്കറികളും പയർവർഗങ്ങളും അമിതമായി കഴിക്കരുത്, എന്തുകൊണ്ട്?

കരീനയെപ്പോലെ തന്നെ അത്താഴം നേരത്തെ കഴിക്കുന്ന ശീലമുള്ള ചില ബോളിവുഡ് സെലിബ്രിറ്റികളുമുണ്ട്. അക്കൂട്ടത്തിൽ ഒരാളാണ് അനുഷ്ക ശർമ്മ. മകൾ വാമികയോടൊപ്പം വൈകുന്നേരം 5.30 അല്ലെങ്കിൽ 6 മണിയോടെ അത്താഴം കഴിക്കുമെന്നും നേരത്തെ ഉറങ്ങാൻ പോകുമെന്നും മുൻപൊരു അഭിമുഖത്തിൽ അനുഷ്ക പറഞ്ഞിരുന്നു. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കിലോയിൽനിന്ന് 65 കിലോയിലേക്ക്; അമ്പരപ്പിച്ച് യുവതിയുടെ മാറ്റം
• വയർ കുറച്ച് മനോഹരമാക്കാം, ഈ രീതിയിൽ ഉറങ്ങി നോക്കൂ