/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/2025/04/24/CfFQJ3asOq5Lvo3FxsnA.jpg)
Source: Freepik
നല്ല ആരോഗ്യത്തിന് ഉറക്കം ഒരു പ്രധാന പങ്ക് വഹിക്കുന്നു. ദിവസവും 8 മണിക്കൂർ ഉറക്കം മാനസികാരോഗ്യം മെച്ചപ്പെടുത്തുകയും ഗുരുതരമായ രോഗങ്ങളുടെ സാധ്യത കുറയ്ക്കുകയും ചെയ്യും. വയറിലെ കൊഴുപ്പ് കുറയ്ക്കാനും ഉറക്കം സഹായിക്കും. ന്യൂട്രീഷ്യനിസ്റ്റും ഡയറ്റീഷ്യയുമായ ഡോ. ആഷ്‌ലി ലൂക്കാസിന്റെ അഭിപ്രായത്തിൽ, വയറിലെ കൊഴുപ്പ് കുറയ്ക്കാൻ സഹായിക്കുന്ന ഒരു ഉറക്ക രീതിയുണ്ട. ചുരുക്കെഴുത്തിൽ അതിനെ 10-3-2-1-0 എന്ന് പറയാം. ഇൻസ്റ്റഗ്രാം വീഡിയോയിൽ ഡോ. ആഷ്‌ലി 10-3-2-1-0 ഉറക്ക നിയമത്തെക്കുറിച്ച് വിശദീകരിച്ചിട്ടുണ്ട്.
'വയറിലെ കൊഴുപ്പ് കുറയ്ക്കുന്നതിനുള്ള ഒരു ഗെയിം-ചേഞ്ചർ' എന്നാണ് ഡോ.ആഷ്‌ലി ഈ ഉറക്ക രീതിയെ വിശേഷിപ്പിച്ചത്. "ഇതൊരു ഫാഡ് ഡയറ്റ് അല്ല, മറിച്ച് ശരീരത്തിന് വിശ്രമിക്കാനും വീണ്ടെടുക്കാനും കൊഴുപ്പ് ശേഖരിക്കുന്നത് തടയാനും കഴിയുന്ന തരത്തിൽ ഉറക്കവും ഭക്ഷണവും സമന്വയിപ്പിക്കുന്നതിനുള്ള ഒരു ബ്ലൂപ്രിന്റ് ആണ്," അവർ പറഞ്ഞു.
Also Read: Belly Fat Tips: സ്ട്രെസ് മുതൽ മദ്യംവരെ; വയറിലെ കൊഴുപ്പിനു പിന്നിൽ പല കാരണങ്ങൾ, എങ്ങനെ കുറയ്ക്കാം?
10-3-2-1-0 ഉറക്ക നിയമം
ഭക്ഷണക്രമം മാറ്റുകയും വീക്കം കുറയ്ക്കുകയും ഇൻസുലിൻ കുറയ്ക്കുകയും ചെയ്യുമ്പോൾ, നിങ്ങൾ നന്നായി ഉറങ്ങാൻ തുടങ്ങും. 10-3-2-1-0 നിയമം എങ്ങനെ പ്രവർത്തിക്കുന്നുവെന്ന് നോക്കാം.
- കഫീൻ കഴിക്കുന്നത് ഉറങ്ങുന്നതിന് 10 മണിക്കൂറുകൾക്ക് മുമ്പ് നിർത്തുക. രാവിലെ കഫീൻ കുടിക്കുമ്പോഴും, ഉറങ്ങാൻ പോകുമ്പോൾ ശരീരത്തിൽ കുറച്ച് കഫീൻ ശേഷിക്കും.
- ഉറങ്ങുന്നതിന് മൂന്ന് മണിക്കൂർ മുമ്പ്, ഭക്ഷണമോ മദ്യമോ വേണ്ട.
- ഉറങ്ങുന്നതിന് രണ്ട് മണിക്കൂർ മുമ്പ്, സ്ക്രീനുകൾ കാണേണ്ടതില്ല.
- ഉറങ്ങുന്നതിന് ഒരു മണിക്കൂർ മുമ്പ്, ജോലിയൊന്നും വേണ്ട.
- അടുത്ത ദിവസം നിങ്ങൾ സ്‌നൂസ് ബട്ടൺ അമർത്തുന്ന സമയമാണ് 0.
Also Read: വയറിലെ കൊഴുപ്പ് കുറച്ച് പരന്നതാക്കാം; ചൂടുവെള്ളത്തിൽ വെളുത്തുള്ളി ചേർത്ത് രാത്രി കുടിക്കൂ
വിദഗ്ദ്ധരുടെ അഭിപ്രായത്തിൽ, സമ്മർദവും വയറിൽ കൊഴുപ്പ് അടിയുന്നത് ഒരു പ്രധാന പങ്ക് വഹിക്കുന്നു. "സമ്മർദം ഉണ്ടാകുമ്പോൾ ശരീരം കോർട്ടിസോൾ ഉത്പാദിപ്പിക്കുന്നു. ഇത് വയറിൽ കൊഴുപ്പ് അടിഞ്ഞുകൂടാൻ കാരണമാകുന്നു," ഡോ.ആഷ്‌ലി പറഞ്ഞു. വയറിലെ കൊഴുപ്പ് കുറയ്ക്കാൻ ശ്രമിക്കുമ്പോൾ സമ്മർദം നിയന്ത്രിക്കുന്നതിലും ശ്രദ്ധ പുലർത്തുക.
മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.