വയറിലെ കൊഴുപ്പ് കുറച്ച് പരന്നതാക്കാം; ചൂടുവെള്ളത്തിൽ വെളുത്തുള്ളി ചേർത്ത് രാത്രി കുടിക്കൂ

ശരീര ഭാരം കുറയ്ക്കാൻ ശ്രമിക്കുന്നവർ ഏറ്റവും അധികം ബുദ്ധിമുട്ടുന്നത് വയറിലെ കൊഴുപ്പ് കുറയ്ക്കാനാണ്. കഠിനമായ വർക്ക്ഔട്ട് ചെയ്തിട്ടും ഡയറ്റ് നോക്കിയിട്ടും വയർ കുറയുന്നില്ലെന്ന് ചിലർ പരാതിപ്പെടാറുണ്ട്. എന്നാൽ, വയറിലെ കൊഴുപ്പ് കുറയ്ക്കാൻ ഇവയ്ക്കു പകരം അടുക്കളയിലെ ഒരൊറ്റ ചേരുവ മാത്രം കഴിച്ചാൽ മതിയാകും. 

വ്യായാമം ചെയ്യാതെ വെളുത്തുള്ളി ചേർത്ത വെള്ളം കുടിച്ചാൽ വയറിലെ കൊഴുപ്പ് എളുപ്പത്തിൽ കുറയ്ക്കാമെന്ന് ഡോ.രാജലക്ഷ്മി പറഞ്ഞു. എഎസ്എം ഇൻഫോ എന്ന യൂട്യൂബ് ചാനലിൽ ഷെയർ ചെയ്ത വീഡിയോയിലാണ് അവർ ഇക്കാര്യം പറഞ്ഞത്. സ്ത്രീകളിൽ ഹോർമോൺ ബാലൻസ് മെച്ചപ്പെടുത്താനും കൊളസ്ട്രോൾ നിയന്ത്രിക്കാനും വെളുത്തുള്ളി സഹായിക്കുന്നു. അതിനാൽ രാത്രിയിൽ വെളുത്തുള്ളി ചേർത്ത വെള്ളം കുടിക്കുന്നത് നല്ലതാണെന്ന് അവർ പറഞ്ഞു.

വെളുത്തുള്ളി ചേർത്ത വെള്ളം തയ്യാറാക്കുന്ന വിധം

• അഞ്ച് അല്ലി വെളുത്തുള്ളി നന്നായി ചതച്ച് ഒരു ഗ്ലാസ് നല്ല ചൂടുള്ള വെള്ളത്തിൽ ചേർക്കുക. 
• ആവശ്യമെങ്കിൽ, അഞ്ച് തുള്ളി നല്ലെണ്ണയും കുറച്ച് ആപ്പിൾ സിഡെർ വിനെഗറും ചേർക്കാം.
• ഈ വെള്ളം രാത്രിയിൽ കുടിക്കുക

ഈ വെള്ളം ദിവസവും കുടിക്കുന്നതിലൂടെ ശരീരത്തിലെ അനാവശ്യ കൊഴുപ്പ് ക്രമേണ കുറയും. ഈ പാനീയം കരളിന്റെയും വൃക്കയുടെയും പ്രവർത്തനത്തിനും നല്ലതാണ്. അതിനാൽ, വയറിലെ കൊഴുപ്പ് കുറയ്ക്കാൻ ആഗ്രഹിക്കുന്നവർക്ക് വെളുത്തുള്ളി വെള്ളം പ്രകൃതിദത്തമായ ഒരു പരിഹാരമാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഡയറ്റ് ഒന്നും വേണ്ട; ശരീര ഭാരം കുറയ്ക്കാൻ ഈ 5 കാര്യങ്ങൾ ശീലമാക്കൂ
• ഹോങ്കോങ്ങിലും സിംഗപ്പൂരിലും കോവിഡ് കേസുകൾ ഉയരുന്നു; ഇന്ത്യയിലെ സ്ഥിതി എന്ത്?
• രാവിലെ മുട്ട, ഉച്ചയ്ക്ക് ദോശയും ചിക്കനും; 37-ാം വയസിലെ വിക്കി കൗശലിന്റെ ഫിറ്റ്നസ് രഹസ്യം
• ദിവസവും ഒരു മാങ്ങ കഴിച്ചാൽ ശരീരത്തിന് എന്ത് സംഭവിക്കും?