Weight Loss: ഡയറ്റ് ഒന്നും വേണ്ട; ശരീര ഭാരം കുറയ്ക്കാൻ ഈ 5 കാര്യങ്ങൾ ശീലമാക്കൂ

Weight Loss Tips: ശരീര ഭാരം കുറയ്ക്കാനായി ഡയറ്റും വ്യായാമവും മാത്രം ചെയ്യണമെന്നില്ല. ദൈനംദിന ജീവിതത്തിൽ ചില കാര്യങ്ങൾ ശീലമാക്കിയാൽ ശരീര ഭാരം കുറയ്ക്കാൻ സഹായിക്കും. ശരീര ഭാരം കുറയ്ക്കാനായി പലരും ഭക്ഷണക്രമത്തിലാണ് മാറ്റം വരുത്തുന്നത്. ഡയറ്റിന് പ്രാധാന്യം കൊടുക്കുന്നതാണ് വണ്ണം കുറയ്ക്കാനുള്ള ഏക പോംവഴിയെന്ന തെറ്റിദ്ധാരണയും ചിലർക്കുണ്ട്. എന്നാൽ, ഡയറ്റിലൂടെ പെട്ടെന്ന് ശരീര ഭാരം കുറയ്ക്കുന്നത് ദീർഘകാലാടിസ്ഥാനത്തിൽ ആരോഗ്യപ്രശ്നങ്ങൾക്ക് ഇടയാക്കും.

ശരീരഭാരം കുറയ്ക്കാനുള്ള മരുന്നുകളും ഡയറ്റുകളും ഉപേക്ഷിക്കുക. കൊഴുപ്പ് കുറയ്ക്കാൻ 5 ദൈനംദിന ശീലങ്ങൾ നിങ്ങളെ സഹായിക്കും. അവ ഏതൊക്കെയാണെന്ന് നോക്കാം.

1. നാരുകൾ കൂടുതലുള്ള ഭക്ഷണങ്ങൾ കഴിക്കുക

അൾട്രാ-പ്രോസസ്ഡ് കാർബോഹൈഡ്രേറ്റുകളുടെയും പഞ്ചസാര പാനീയങ്ങളുടെയും ഉപഭോഗം കുറയ്ക്കുന്നതിനൊപ്പം, സംസ്കരിക്കാത്തതും നാരുകൾ അടങ്ങിയതുമായ ഭക്ഷണങ്ങളിൽ ശ്രദ്ധ കേന്ദ്രീകരിക്കുക.

2. വ്യായാമം

റെസിസ്റ്റൻസ് ട്രെയിനിങ് വളരെ ആവശ്യമാണ്. നടത്തം മാത്രമല്ല, പേശികളുടെ വളർച്ചയെ സഹായിക്കുന്ന വ്യായാമങ്ങൾ ചെയ്യുക. കാരണം, മിനിറ്റിൽ 120 ചുവടുകളുടെ വേഗത നിലനിർത്താൻ കഴിയുമ്പോൾ മാത്രമേ നടത്തം വ്യായാമമായി കണക്കാക്കൂ.

3. ഉറക്കം

ഉറക്കം വളരെ പ്രധാനമാണ്. മോശം ഉറക്കം ഗ്രെലിൻ, കോർട്ടിസോൾ എന്നിവയുടെ അളവ് വർധിപ്പിക്കുകയും കൊഴുപ്പ് അടിഞ്ഞുകൂടാൻ കാരണമാവുകയും ചെയ്യുന്നു. ഒരു രാത്രിയിൽ 7–9 മണിക്കൂർ ഉറങ്ങുക.

4. ശ്രദ്ധയോടെ ഭക്ഷണം കഴിക്കുക

ഭക്ഷണം വളരെ ശ്രദ്ധയോടെ കഴിക്കുക. അനാരോഗ്യകരമായ ലഘുഭക്ഷണങ്ങൾ ഒഴിവാക്കി ആരോഗ്യകരമായ ഭക്ഷണങ്ങൾ തിരഞ്ഞെടുക്കുക.

5. പൂർണതയെക്കാൾ സ്ഥിരത പ്രധാനമാണെന്ന് ഓർമ്മിക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഹോങ്കോങ്ങിലും സിംഗപ്പൂരിലും കോവിഡ് കേസുകൾ ഉയരുന്നു; ഇന്ത്യയിലെ സ്ഥിതി എന്ത്?
• രാവിലെ മുട്ട, ഉച്ചയ്ക്ക് ദോശയും ചിക്കനും; 37-ാം വയസിലെ വിക്കി കൗശലിന്റെ ഫിറ്റ്നസ് രഹസ്യം
• ദിവസവും ഒരു മാങ്ങ കഴിച്ചാൽ ശരീരത്തിന് എന്ത് സംഭവിക്കും?
• ശരീര ഭാരം പെട്ടെന്ന് കുറയ്ക്കണോ? ഈ 10 ഭക്ഷണങ്ങൾ കഴിക്കാതിരിക്കൂ