ഭക്ഷണം കഴിച്ച ഉടൻ പല്ല് തേയ്ക്കാറുണ്ടോ? ഉടൻ നിർത്തിക്കോളൂ

ദിവസത്തിൽ രണ്ടുതവണ പല്ല് തേയ്ക്കുന്നതും മികച്ച ടൂത്ത് പേസ്റ്റ് ഉപയോഗിക്കുന്നതും വായുടെ ശുചിത്വം നിലനിർത്താൻ ഗുണം ചെയ്യും. ദിവസത്തിൽ എപ്പോൾ അല്ലെങ്കിൽ എത്ര തവണ ബ്രഷ് ചെയ്യുന്നുവെന്നതിനു പുറമേ മറ്റു ചില ഘടകങ്ങളും വായുടെ ശുചിത്വത്തെ ബാധിക്കുന്നുണ്ട്. പല്ല് തേയ്ക്കുമ്പോൾ വരുത്തുന്ന ചില തെറ്റുകളെക്കുറിച്ച് ദന്തഡോക്ടർ മാദ്രി ഷാ അടുത്തിടെ വിശദീകരിച്ചിരുന്നു.

പലരും ദിവസത്തിൽ രണ്ടുതവണ, രാവിലെയും രാത്രിയും പല്ല് തേയ്ക്കാറുണ്ട്. പക്ഷേ, പലരും രാത്രി 9 അല്ലെങ്കിൽ 9.30 ഓടെയാണ് അത്താഴം കഴിക്കുന്നത്. അതുകഴിഞ്ഞ് രാത്രി 10 മണിക്ക് പല്ല് തേച്ചശേഷം ഉറങ്ങാൻ പോകുന്നു. ഈ ശീലത്തെക്കാൾ നല്ലത് രാത്രിയിൽ പല്ല് തേയ്ക്കാതിരിക്കുന്നതാണെന്ന് അവർ പറഞ്ഞു. 

കാരണം ഭക്ഷണം കഴിച്ച ഉടനെ പല്ല് തേക്കുന്നത് ഗുണത്തേക്കാളേറെ ദോഷം ചെയ്യും. ഭക്ഷണം കഴിച്ച് അര മണിക്കൂറോ ഒരു മണിക്കൂറോ കഴിഞ്ഞ് പല്ല് തേച്ചാൽ പോലും വായിൽ അസിഡിറ്റിയും ബാക്ടീരിയയും നിറഞ്ഞിരിക്കും. അതിനാൽതന്നെ, പല്ല് തേയ്ക്കുന്നതുകൊണ്ട് യാതൊരു പ്രയോജനവും ഉണ്ടാവുന്നില്ലെന്ന് അവർ അഭിപ്രായപ്പെട്ടു. അതുപോലെ, പല്ല് തേയ്ക്കാൻ എപ്പോഴും സോഫ്റ്റായ ബ്രഷ് തിരഞ്ഞെടുക്കുക. പല്ല് തേയ്ക്കാൻ തുടങ്ങുന്നതിനു മുൻപ് ടൂത്ത് ബ്രഷ് അൽപം നനയ്ക്കുക. ഉണങ്ങിയ ബ്രഷ് ഉപയോഗിച്ച് ബ്രഷ് ചെയ്യുന്നത് പല്ലുകൾക്ക് ദോഷം വരുത്തുമെന്ന് അവർ വ്യക്തമാക്കി. 

View this post on Instagram

A post shared by Anona Agarwal (@levelupwithanona)

പല്ല് തേയ്ക്കുന്നതിനെ വളരെ നിസാരമായിട്ടാണ് പലരും കരുതുന്നത്. എന്നാൽ, ഒറ്റരാത്രികൊണ്ട് രൂപം കൊള്ളുന്ന പ്ലാക്ക് അടിഞ്ഞുകൂടിയത് നീക്കം ചെയ്യുക എന്നതാണ് പല്ല് തേയ്ക്കുന്നതിന്റെ ലക്ഷ്യം. ആ പ്ലാക്ക് പല്ലിൽ മാത്രമല്ല, നാവിലും, കവിളിലും, അണ്ണാക്കിലും ഉണ്ട്. ശരിയായ രീതിയിലുള്ള ബ്രഷിങ്ങിലൂടെ ഈ പ്ലാക്ക് നീക്കം ചെയ്ത് വായുടെയും പല്ലിന്റെയും ആരോഗ്യം നിലനിർത്താൻ സാധിക്കുമെന്ന് അവർ പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ബ്ലഡ് ഷുഗർ നിയന്ത്രിക്കാം, പേരയില ഇട്ട വെള്ളം തിളപ്പിച്ച് കുടിക്കൂ
• 6 ആഴ്ച കൊണ്ട് 6 കിലോ കുറയ്ക്കാം; ഈ 3 കാര്യങ്ങൾ ശ്രദ്ധിക്കൂ
• പരന്ന വയറാണോ ലക്ഷ്യം? ഈ ഒരൊറ്റ കാര്യം ചെയ്യുന്നത് നിർത്തൂ
• രാത്രിയിൽ ഈ 3 ഭക്ഷണങ്ങൾ കഴിക്കാറുണ്ടോ? ഉടൻ നിർത്തൂ
• 3 മാസത്തിനുള്ളിൽ വണ്ണം കുറയ്ക്കാം, ഇതാ 3 ടിപ്‌സുകൾ