മധുരക്കിഴങ്ങ് വേവിച്ചത് ആരോഗ്യകരമാണോ?

മധുരക്കിഴങ്ങ് ആവിയിൽ പുഴുങ്ങിയോ വേവിച്ചോ ഒക്കെ കഴിക്കുന്നവരുണ്ട്. പച്ചക്കറികൾ ഇങ്ങനെ കഴിക്കുന്നത് ആരോഗ്യത്തിന് ഗുണകരമെന്നാണ് പൊതുവേ കരുതപ്പെടുന്നത്. ചില പച്ചക്കറികൾ വേവിച്ച് കഴിക്കുന്നതാണ് നല്ലത്. അതിലൊന്നാണ് മധുരക്കിഴങ്ങ്. ന്യൂട്രീഷ്യനിസ്റ്റ് ദീപ്ശിഖ ജെയിനും ഇക്കാര്യം സമ്മതിക്കുന്നുണ്ട്.

വേവിച്ച മധുരക്കിഴങ്ങ് ആരോഗ്യത്തിന് നല്ലതാണെന്ന് അവർ പറഞ്ഞു. എത്രനേരം മധുരക്കിഴങ്ങ് വേവിക്കുന്നുവോ അത്രയും ആരോഗ്യകരമാണ്. മധുരക്കിഴങ്ങ് വേവിക്കുമ്പോൾ ഗ്ലൈസെമിക് സൂചിക (ജിഐ) കുറയുകയും കൂടുതൽ പ്രതിരോധശേഷിയുള്ള അന്നജം നിലനിർത്താൻ സഹായിക്കുകയും ചെയ്യും. രക്തത്തിലെ പഞ്ചസാരയുടെ അളവ് കുറയ്ക്കുകയും നല്ല കുടൽ ബാക്ടീരിയകളുടെ വളർച്ചയ്ക്കും സഹായിക്കുന്ന ഒരു തരം നാരാണ് ഇതെന്ന് അവർ പറഞ്ഞു.

എത്രനേരം മധുരക്കിഴങ്ങ് വേവിച്ചാലും അവ ആരോഗ്യകരമാകുമെന്ന് ന്യൂട്രീഷ്യനിസ്റ്റ് ജെയിൻ പറഞ്ഞു. നിങ്ങൾ മധുരക്കിഴങ്ങ് എട്ട് മുതൽ 10 മിനിറ്റ് വരെ വേവിച്ചാൽ, അവയുടെ ഗ്ലൈസെമിക് സൂചിക 59 മുതൽ 61 വരെ ആയിരിക്കും. 30 മിനിറ്റ് വേവിച്ചാൽ, അവയുടെ ഗ്ലൈസെമിക് സൂചിക 45 മുതൽ 46 വരെയായി കുറയുമെന്ന് അവർ വ്യക്തമാക്കി.

View this post on Instagram

A post shared by Deepsikha Jain (@fries.to.fit)

മധുരക്കിഴങ്ങിൽ നിറയെ പോഷകങ്ങൾ അടങ്ങിയിട്ടുണ്ട്. മധുരക്കിഴങ്ങിലെ ഏറ്റവും പ്രധാനപ്പെട്ട പോഷകമാണ് വിറ്റാമിൻ സി. വിറ്റാമിൻ ബി, ഡയറ്ററി ഫൈബർ, അവശ്യ ധാതുക്കളായ പൊട്ടാസ്യം, മാംഗനീസ് എന്നിവയും ഇവയിൽ അടങ്ങിയിട്ടുണ്ട്. അമിതവണ്ണം, കൊളസ്ട്രോൾ, ഉയർന്ന രക്തസമ്മർദം എന്നിവയുള്ള ആളുകൾക്ക് അവ നിയന്ത്രിക്കാൻ മധുരക്കിഴങ്ങിലെ പോഷകങ്ങളും ഉയർന്ന ഫൈബർ ഉള്ളടക്കവും സഹായിക്കുമെന്ന് പഠനങ്ങൾ പറയുന്നു. 

മധുരക്കിഴങ്ങിന്റെ ഗുണങ്ങൾ എന്തൊക്കെയാണ്?

മധുരക്കിഴങ്ങിലെ ഫൈബറും ആന്റിഓക്‌സിഡന്റുകളും കുടലിന്റെ ആരോഗ്യത്തിന് ഗുണം ചെയ്യുന്നു. മധുരക്കിഴങ്ങിൽ വിവിധ ആന്റിഓക്‌സിഡന്റുകൾ അടങ്ങിയിരിക്കുന്നു, ഇത് ചിലതരം കാൻസറുകളിൽ നിന്ന് സംരക്ഷിക്കും. ഇവയിൽ ബീറ്റാ കരോട്ടിൻ ധാരാളമായി അടങ്ങിയിട്ടുണ്ട്, ഇത് കണ്ണുകളുടെ ആരോഗ്യത്തിന് ഗുണം ചെയ്യും. തലച്ചോറിന്റെ പ്രവർത്തനം മെച്ചപ്പെടുത്തുന്നതിനും മധുരക്കിഴങ്ങ് കഴിക്കുന്നത് സഹായിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മുട്ടയുടെ വെള്ള മുഴുവൻ മുട്ടയെക്കാൾ ആരോഗ്യകരമാണോ? ഒരു ദിവസം എത്ര എണ്ണം കഴിക്കാം
• മുളച്ച ഉരുളക്കിഴങ്ങുകൾ ഒഴിവാക്കുക, എന്തുകൊണ്ട്?
• ഈ പഴങ്ങൾ നിങ്ങൾ കരുതുന്നതുപോലെ അത്ര ആരോഗ്യകരമല്ല
• ഈ പച്ചക്കറികൾ വേവിച്ചാണ് കഴിക്കേണ്ടത്, എന്തുകൊണ്ട്?
• മായം കലർന്ന പപ്പടം തിരിച്ചറിയാൻ ഇക്കാര്യങ്ങൾ ശ്രദ്ധിക്കൂ