മുട്ടയുടെ വെള്ള മുഴുവൻ മുട്ടയെക്കാൾ ആരോഗ്യകരമാണോ? ഒരു ദിവസം എത്ര എണ്ണം കഴിക്കാം

ഉയർന്ന പ്രോട്ടീൻ ഉള്ളടക്കമുള്ള മുട്ട കഴിക്കുന്നത് ആരോഗ്യത്തിന് ഏറെ ഗുണകരമാണ്. മുട്ടയുടെ മഞ്ഞക്കരുവിൽ കൊളസ്‌ട്രോളും കൊഴുപ്പും കൂടുതലാണ്, അതിനാലാണ് ആളുകൾ പലപ്പോഴും മുട്ടയുടെ വെള്ള കഴിക്കുന്നത്. മുട്ടയുടെ വെള്ളയിൽ കുറഞ്ഞ കലോറിയും കൊളസ്ട്രോളും ഉണ്ടെങ്കിലും അവ ഒരു മുഴുവൻ മുട്ടയുടെ അത്ര പോഷകങ്ങൾ നൽകുന്നില്ല. മുട്ടയുടെ വെള്ള കഴിച്ചാൽ ലഭിക്കുന്ന ചില ആരോഗ്യ ഗുണങ്ങൾ ഇവയാണ്.

1. കലോറി കുറവ്

മുട്ടയുടെ വെള്ളയിൽ 90 ശതമാനം വെള്ളമാണ്. കലോറി കുറവാണ്. ഒരു വലിയ മുട്ടയുടെ വെള്ളയിൽ 17 കലോറി മാത്രമേ ഉള്ളൂ. കുറഞ്ഞ കലോറിയായതിനാൽ മികച്ചൊരു ലഘുഭക്ഷണമാണ് മുട്ടയുടെ വെള്ള. ഇതിൽ കൊഴുപ്പുകളോ കാർബോഹൈഡ്രേറ്റുകളോ അടങ്ങിയിട്ടില്ല. ശരീര ഭാരം കുറയ്ക്കാൻ ശ്രമിക്കുന്നവർക്ക് മുട്ടയുടെ വെള്ള പ്രഭാതഭക്ഷണത്തിൽ ഉൾപ്പെടുത്താം.

2. ഉയർന്ന പ്രോട്ടീൻ

മുട്ടയുടെ വെള്ളയിൽ കലോറി കുറവാണെങ്കിലും പ്രോട്ടീൻ കൂടുതലാണ്. ഒരു വലിയ മുട്ടയുടെ വെള്ളയിൽ 4 ഗ്രാം പ്രോട്ടീൻ അടങ്ങിയിട്ടുണ്ട്. മുഴുവൻ മുട്ടയിലും കാണപ്പെടുന്ന പ്രോട്ടീന്റെ 67 ശതമാനമാണിത്. ഇവ കഴിക്കുന്നത് ദീർഘനേരം വയർ നിറഞ്ഞ സംതൃപ്തി നൽകുന്നു. 

3. കൊഴുപ്പും കൊളസ്ട്രോളും ഇല്ല

മുട്ടയുടെ വെള്ളയിൽ കൊഴുപ്പും കൊളസ്ട്രോളും അടങ്ങിയിട്ടില്ല. ഇത് ഹൃദയാരോഗ്യത്തിന് മികച്ചതാണ്. എന്നാൽ, മുട്ടയുടെ മഞ്ഞക്കരുവിൽ കൊളസ്ട്രോളും കൊഴുപ്പും അടങ്ങിയിട്ടുണ്ട്.

4. ഉയർന്ന അളവിലുള്ള പൊട്ടാസ്യം

ഒരു വലിയ മുട്ടയുടെ വെള്ളയിൽ ഏകദേശം 54mg പൊട്ടാസ്യം ഉണ്ട്. ഹൃദയാരോഗ്യത്തിനും അസ്ഥികളുടെ ആരോഗ്യത്തിനും ഇത് ഗുണകരമാണ്. മാത്രമല്ല, രക്തസമ്മർദം നിലനിർത്താനും സഹായിക്കുന്നു.

ഒരു ദിവസം എത്ര മുട്ടയുടെ വെള്ള കഴിക്കാം?

അമേരിക്കൻ ഹാർട്ട് അസോസിയേഷന്റെ അഭിപ്രായത്തിൽ, ഒരു ദിവസം രണ്ട് മുട്ടയുടെ വെള്ള കഴിക്കാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മുളച്ച ഉരുളക്കിഴങ്ങുകൾ ഒഴിവാക്കുക, എന്തുകൊണ്ട്?
• ഈ പഴങ്ങൾ നിങ്ങൾ കരുതുന്നതുപോലെ അത്ര ആരോഗ്യകരമല്ല
• ഈ പച്ചക്കറികൾ വേവിച്ചാണ് കഴിക്കേണ്ടത്, എന്തുകൊണ്ട്?
• മായം കലർന്ന പപ്പടം തിരിച്ചറിയാൻ ഇക്കാര്യങ്ങൾ ശ്രദ്ധിക്കൂ
• തുളസി ഇല കഴിച്ചാലുള്ള ഗുണങ്ങൾ അറിയാം