കറിയിൽ എരിവ് കൂടിപ്പോയോ? ഇതാ ചില ടിപ്സ്

പച്ചക്കറികൾ വേവുന്നതു മുതൽ ചേർക്കുന്ന മസാലകൾ വരെ ഓരോന്നും കറിയുടെ രുചിയിൽ പ്രധാന പങ്കുവഹിക്കുന്നുണ്ട്. എന്നാൽ ചില സമങ്ങളിൽ രുചി ശരിയായി ബാലൻസ് ചെയ്യാൻ സാധിച്ചെന്നു വരില്ല. ഉപ്പോ എരിവോ കൂടിയും കുറഞ്ഞു ഇരിക്കും. ഇവ കുറഞ്ഞാൽ കുറച്ചു കൂടി ചേർക്കാം. എന്നാൽ കൂടിപ്പോയാലാണ് പ്രശ്നം. പ്രത്യേകിച്ച് എരിവ് കൂടിപ്പോയാൽ പറയുകയേ വേണ്ട. 

സാരമില്ല ടെൻഷനടിക്കാതെ അത് പരിഹരിക്കാനുള്ള വഴി തേടിയാൽ മതി. അടുക്കളയിൽ പിണയുന്ന ഇത്തരം അബദ്ധങ്ങൾക്കായി അറിഞ്ഞിരിക്കേണ്ട ടിപ്സുകൾ ഉണ്ട്. ഇനി ഭക്ഷണത്തിൽ എരിവ് കൂടിയാൽ എന്ത് ചെയ്യണം എന്ന് അറിഞ്ഞോളൂ

നട് ബട്ടർ

എരിവിന് ശമനം നൽകി രുചി വർധിപ്പിക്കാൻ സഹായിക്കുന്ന ഒരു രസകരമായ വിദ്യയാണിത്. ബദാം, മുതൽ നിലക്കടല കൊണ്ടുള്ള ബട്ടർ വരെ ഇതിനായി ഉപയോഗിക്കാം. കറി രുചികരമാക്കും എന്നു മാത്രമല്ല കൂടുതൽ ഗുണകരവുമായിരിക്കും.

ഉരുളക്കിഴങ്ങ്

പൊതുവിൽ ഉപയോഗിച്ചു വരുന്ന ഒരു വിദ്യയാണ് അമിതമായി എരിവുണ്ടെങ്കിൽ ഉരുളക്കിഴങ്ങ് ചേർക്കുക എന്നത്. എരിവിൻ്റെ കാഠിന്യം കുറയ്ക്കാൻ ഇത് സഹായകരമാണ്. 

കൂടുതൽ ചേരുവകൾ

വളരെ എരിവ് തോന്നുന്ന ഒരു വിഭവത്തിൻ്റെ രുചി മെച്ചപ്പെടുത്താൻ പറ്റിയ വിദ്യയാണ് കൂടുതൽ ചേരുവകൾ ചേർക്കുക എന്നത്. സൂപ്പ് അല്ലെങ്കിൽ സ്റ്റ്യൂ പോലെയുള്ളവയാണെങ്കിൽ കുറച്ചു കൂടി വെള്ളം, പച്ചക്കറികൾ, കോൺഫ്ലോർ​ എന്നിവയൊക്കെ ചേർക്കാം. ഇത് എരിവ് കുറച്ച് കറിക്ക് കൂടുതൽ രുചിയും ഗുണവും നൽകും. 

ആസിഡ് ചേർക്കാം

തായ് പാചകത്തിൽ അധികം എരിവാണ് ഉപയോഗിക്കാറുള്ളത്. അത് ബാലൻസ് ചെയ്തു നിർത്താൻ പലപ്പോഴും ചെറിയ അളവിൽ എന്തെങ്കിലും തരത്തിലുള്ള ആസിഡും അവർ ചേർക്കാറുണ്ട്. സിട്രസ്, വിനാഗിരി, തുടങ്ങി കെച്ചപ്പ് വരെ ഇങ്ങനെ ഉപയോഗിക്കാം. 

പാലുത്പന്നങ്ങൾ

പാലുപത്പന്നങ്ങൾ എരിവിൻ്റെ കാഠിന്യം കുറയ്ക്കാൻ ഉപയോഗിക്കാം. പാല്, സോറ് ക്രീം, യോഗർട്ട് എന്നിവയൊക്കെ കറിയുടെ പ്രകൃതം അനുസരിച്ച് ഉപയോഗിക്കാം. ഇവ കൂടിയ തീയിൽ ചേർത്താൽ പിരിഞ്ഞു പോകാനുള്ള സാധ്യതയുണ്ടെന്ന് ഓർക്കണം. തേങ്ങാപ്പാൽ പാലുത്പന്നമല്ല, പക്ഷേ രുചി വർധിപ്പിക്കാനും എരിവ് കുറയ്ക്കാനും ഇത് ഉപയോഗിക്കാം. 

മധുരം

ആസിഡ് പോലെ തന്നെ പഞ്ചസാര അല്ലെങ്കിൽ എന്തെങ്കിലും തരത്തിലുള്ള മധുരം എരിവ് കുറയ്ക്കാൻ സഹായിക്കുന്ന ചേരുവയാണ്. എന്നാൽ വളരെ കുറഞ്ഞ അളവിൽ മാത്രം ഇത് ഉപയോഗിക്കാം.

കട്ടികുറഞ്ഞ അല്ലെങ്കിൽ സ്റ്റാർച്ചിയായിട്ടുള്ള ഭക്ഷണങ്ങൾ

എരിവ് കൂടിപ്പോയി എന്നാൽ മറ്റ് ചേരുവകൾ ചേർത്ത് പ്രശ്നം കൂടുതൽ രൂക്ഷമാകുമോ എന്ന ഭയമാണോ? എങ്കിൽ അതിനൊപ്പം വിളമ്പുന്ന ഭക്ഷണത്തിൻ്റെ കാര്യം ശ്രദ്ധിച്ചാൽ മതിയാകും. അയഞ്ഞ ഘടനയുള്ള, കട്ടി കുറഞ്ഞ, സ്റ്റാർച്ചിയായിട്ടുള്ള ഭക്ഷണങ്ങൾക്കൊപ്പം കറി കഴിക്കാം. ചോറ്, പാസ്ത്, ഉരുളക്കിഴങ്ങ് പുഴുങ്ങിയത് എന്നിവയൊക്കെ അങ്ങനെയുള്ള കോമ്പിനേഷനാണ്. 

Read More

• തക്കാളി ഒരുപാടുണ്ടെങ്കിൽ അച്ചാർ തയ്യാറാക്കി സൂക്ഷിക്കാം
• ഓർമ ശക്തി കൂട്ടാൻ ഈ ചമ്മന്തി കഴിച്ചു നോക്കൂ
• ബീറ്റ്റൂട്ട് ഒരെണ്ണം മതി, തയ്യാറാക്കാം 5 വിഭവങ്ങൾ; സ്മൂത്തി മുതൽ റൈസ് വരെ സിംപിൾ റെസിപ്പിയിൽ ട്രൈ ചെയ്യൂ
•  ചൂടിനെ കൂളായി നേരിടാം, പൊട്ടു വെള്ളരി ജ്യൂസ് കുടിച്ചോളൂ
• വല്ലാത്ത ചൂടല്ലേ? തണുപ്പിക്കാൻ കപ്പ പുഡ്ഡിംഗ് കഴിക്കാം
• കുട്ടികൾക്കിഷ്ടപ്പെട്ട പാൻ കേക്ക് തയ്യാറാക്കാം മുട്ടയും മൈദയുമില്ലാതെ, ഇതാ ഒരു നുറുങ്ങു വിദ്യ
• പാലും പഴവും ഉണ്ടെങ്കിൽ പായസമല്ല, രുചികരമായ അപ്പം തയ്യാറാക്കാം
• ഈ ഓംലെറ്റിൽ മുട്ടയില്ല, പക്ഷേ ഹെൽത്തിയല്ലെന്ന് ആരും പറയില്ല
• വെളുത്തുള്ളി കേടുകൂടാതെ സൂക്ഷിക്കാം, ഇതിലൊരു മാർഗം തിരഞ്ഞെടുക്കൂ
• ചോറ് ബാക്കി വന്നോ, എങ്കിൽ ഈ സ്പെഷ്യൽ വിഭവം ട്രൈ ചെയ്യൂ