നെല്ലിക്ക കിട്ടിയാൽ മീൻ​ ഇങ്ങനെ വറുത്തു നോക്കൂ

ചോറിനൊപ്പം മീൻ വറുത്തത് കൂടി ഉണ്ടെങ്കിൽ ധാരാളം. എന്നാൽ സ്ഥിരമായ് മീൻ വറുക്കുന്ന രീതി ഒന്നു മാറ്റി പിടിക്കാം. നെല്ലിക്ക കൂടി ചേർത്ത് മീൻ​ വറുക്കാനുള്ള അരപ്പ് തയ്യാറാക്കി നോക്കൂ. ഷിജോ ജോൺ തൻ്റെ ഇൻസ്റ്റഗ്രാം പേജിലൂടെയാണ് നെല്ലിക്ക അയല ഫ്രൈയുടെ റെസിപ്പി പങ്കുവെയ്ക്കുന്നത്.

ചേരുവകൾ

• അയല 
• നെല്ലിക്ക
• ഇഞ്ചി 
• വെളുത്തുള്ളി 
• പച്ചമുളക് 
• മുളകുപൊടി
• കുരുമുളക്
• മഞ്ഞൾപ്പൊടി
• ഉപ്പ് 
• കറിവേപ്പില

View this post on Instagram

A post shared by Shijo Jhon (@shijo_jhon)

തയ്യാറാക്കുന്ന വിധം
നാല് അയല നന്നായി കഴുകി വൃത്തിയാക്കി വരഞ്ഞുവെയ്ക്കുക. രണ്ടു നെല്ലിക്ക, ഒരു ചെറിയ കഷ്ണം ഇഞ്ചി, വെളുത്തുള്ളിയുടെ നാലോ അഞ്ചോ അല്ലി, രണ്ടു പച്ചമുളക്, കാൽ ടീസ്പൂൺ മഞ്ഞൾപ്പൊടി, കുറച്ചു മുളകുപൊടി, അൽപ്പം കുരുമുളക്, ആവശ്യത്തിന് ഉപ്പ്, കറിവേപ്പില എന്നിവ അരച്ചെടുക്കുക. ശേഷം ഇത് വൃത്തിയാക്കി മാറ്റി വെച്ചിരിക്കുന്ന മീനിലേയ്ക്ക് പുരട്ടി പത്തു മിനിറ്റു വെയ്ക്കുക. തുടർന്ന് അടുപ്പിൽ ചീനച്ചട്ടി വെച്ച് എണ്ണയൊഴിച്ചു ചൂടാക്കി മീൻ കഷ്ണങ്ങൾ ഓരോന്നായി വറുത്തെടുക്കാം. 

Read More

• അവൽ ഉപയോഗിച്ച് അടിപൊളി മിക്സ്ചർ, തയ്യാറാക്കി നോക്കൂ
• വഴുതനങ്ങ കൊണ്ടൊരു നാടൻ വിഭവം, സിംപിളാണ് റെസിപ്പി
• അരിയും ശർക്കരയുമുണ്ടോ? തമുക്ക് തയ്യാറാക്കി നോക്കൂ
• അരി അരയ്ക്കാതെ അരമണിക്കൂറിൽ തയ്യാറാക്കാം ഈ അപ്പം
• ഊർജവും ഉന്മേഷവും ഞൊടിയിടയിൽ; ആരോഗ്യകരം ഈ റാഗി ജ്യൂസ്
• നിവിനു വേണ്ടി ആ സ്പെഷ്യൽ ആട്ടിൻകാൽ ഡിഷ് തയ്യാറാക്കിയത് ഷെഫ് പിള്ള
• കുട്ടികൾക്കു വേണ്ടി അവിൽ കൊണ്ടൊരു ഹെൽത്തി സ്നാക്ക്
• 3 ചേരുവകൾ മാത്രം; രുചികരമായ സ്പാനിഷ് ഓംലെറ്റ് തയ്യാറാക്കാം