കുട്ടികൾക്കു വേണ്ടി അവിൽ കൊണ്ടൊരു ഹെൽത്തി സ്നാക്ക്

ഈ അവധിക്കാലത്ത് കുട്ടികൾക്കു വ്യത്യസ്തമായ പലഹാരങ്ങൾ ഉണ്ടാക്കി കൊടുക്കുവാൻ ആഗ്രഹിക്കുന്നവരാണ് നമ്മൾ. അത്തരത്തിലൊരു സ്നാക്കാണ് ലൈം ആൻ്റ് ചില്ലീസ് എന്ന യൂട്യൂബ് ചാനൽ നമ്മുക്ക് പരിചയപ്പെടുത്തി തരുന്നത്.  എണ്ണ അധികം ഉപയോഗിക്കാതെ പാനിൽ ഉണ്ടാക്കിയെടുക്കാവുന്ന അവിൽ കൊണ്ടുള്ള പലഹാരമാണിത്. കുട്ടികൾക്കു കൊടുക്കാൻ പറ്റിയ ആരോഗ്യപ്രദമായ അവിൽ സ്നാക്ക് തയ്യാറാക്കേണ്ടത് എങ്ങനെയെന്ന് നോക്കാം.

ചേരുവകൾ

• അവിൽ
•  ഉരുളക്കിഴങ്ങ്
•  പച്ചമുളക്
•  ഇഞ്ചി
•  കറിവേപ്പില
•  മൈദ
•  മഞ്ഞൾപ്പൊടി
•  മുളക്പൊടി
•  ഉപ്പ്
•  സവാള
• വെളിച്ചെണ്ണ

തയ്യാറാക്കുന്നവിധം

•  ഒരു കപ്പ് അവിൽ വെള്ളത്തിൽ 5 മിനിറ്റ് കുതിർത്തു വെയ്ക്കുക.
•  കുതിർത്തുവെച്ച അവിൽ ഒരു ബൗളിലേയ്ക്ക് മാറ്റുക.
• ഒരു ഉരുളക്കിഴങ്ങ് നന്നായി വേവിച്ച് ഉടച്ചത് അവിലിലേക്ക് ചേർക്കുക.
• ചെറിയ കഷ്ണം ഇഞ്ചി ഒരു പച്ചമുളക് എന്നിവ അരിഞ്ഞത് കൂടി ചേർത്ത് കൊടുക്കുക.
• കുറച്ചു കറിവേപ്പില, കാൽ കപ്പ്, കടലമാവ് എന്നിവ അവിലിലേക്ക് ചേർത്തുകൊടുക്കുക. കടലമാവിനു പകരം അരിപ്പൊടിയോ,മൈദയോ, ഗോതമ്പോ, ചോർക്കാവുന്നതാണ്.
• കാൽ ടീസ്പൂൺ മഞ്ഞൾപ്പൊടി,  അരടീസ്പൂൺ മുളകുപൊടി, ആവശ്യത്തിന് ഉപ്പ് എന്നിവ അതിലേക്ക് ഇട്ട് ഒരു ചെറിയ സവാള അരിഞ്ഞതു കൂടി ചേർത്ത് നന്നായി കുഴക്കുക.
• എണ്ണ കൈകളിൽ പുരട്ടി കുഴച്ചു വെച്ചിരിക്കുന്ന മാവിൽ നിന്നും അൽപ്പം എടുത്ത് ആവശ്യമുള്ള ആകൃതിയിലാക്കിയെടുക്കുക.
•  മറ്റൊരു പാനിൽ അൽപ്പം എണ്ണ ചൂടാക്കി അതിലേക്കു ഇട്ടുകൊടുക്കുക.
•  ബ്രൗൺ കളർ ആയതിനു ശേഷം എണ്ണയിൽ നിന്നും മാറ്റുക.
• ചൂടോടെ ചായക്കൊപ്പം സേർവ് ചെയ്യാം . 

Read More 

• മിച്ചം വന്ന ചോറ് കൊണ്ടൊരു വട ആയാലോ?
• 2 മിനിറ്റ് മതി, മയോണൈസ് വീട്ടിൽ തയ്യാറാക്കാം
• 3 ചേരുവകൾ മാത്രം; രുചികരമായ സ്പാനിഷ് ഓംലെറ്റ് തയ്യാറാക്കാം
• ഗോതമ്പു പൊടിയും തേങ്ങയും പഞ്ചസാരയും; വെറും 5 മിനിറ്റിൽ സൂപ്പർ പലഹാരം