ആപ്പിളും ബീറ്റ്റൂട്ടും മതി കിടിലൻ ജാം റെഡി

കടയിൽ നിന്നും സ്ഥിരമായി ജാം വാങ്ങുന്നവരാണോ നിങ്ങൾ?. എന്നാൽ പാക്കറ്റുകളിൽ റെഡിയാക്കി വെച്ചിരിക്കുന്ന ഇത്തരം ജാമുകളിൽ ചേർത്തിരിക്കുന്ന ചേരുവകൾ ആരോഗ്യത്തിന് ഗുണകരമല്ല. അതിനാൽ വീട്ടിൽ തന്നെ ഇത് തയ്യാറാക്കി സൂക്ഷിക്കുന്നതാവും സുരക്ഷിതം. കടയിൽ കിട്ടുന്ന അതേ രുചിയിൽ പാകം ചെയ്തെടുക്കാൻ സാധിക്കില്ല എന്ന ചിന്തയും വേണ്ട.

ഒരു ആപ്പിളും, ഒരു ബീറ്റ്റൂട്ടും ഉണ്ടെങ്കിൽ ഹെൽത്തിയും രുചികരവുമായ ജാം പത്ത് മിനിറ്റിൽ തയ്യാറാക്കാം. മായം കലർന്നിട്ടില്ല എന്നതിനാൽ അധിക നാൾ ഇത് സൂക്ഷിച്ചു വെയ്ക്കാനാവില്ല. ആപ്പിളിൻ്റെയും, ബീറ്റ്റൂട്ടിൻ്റെയും തൊലി കളഞ്ഞെടുക്കാൻ ശ്രദ്ധിക്കുക. ഇവ വേവിച്ചെടുക്കുമ്പോൾ വെള്ളം നന്നായി വറ്റി എന്നും ഉറപ്പാക്കാൻ മറക്കരുത്. ലൗഡ് മമ്മ എന്ന ഇൻസ്റ്റഗ്രാം പേജാണ് ഈ ജാം റെസിപ്പി പരിചയപ്പെടുത്തി തരുന്നത്.

ചേരുവകൾ

• ആപ്പിൾ
• ബീറ്റ്റൂട്ട്
• ബ്രൗൺഷുഗർ അല്ലെങ്കിൽ ശർക്കര
• വെള്ളം 
• നാരങ്ങ

View this post on Instagram

A post shared by Empowering Moms | Parenting (@loudmumma)

തയ്യാറാക്കുന്ന വിധം

• ഒരു വലിയ ആപ്പിളും, ഇടത്തരം വലിപ്പമുള്ള ഒരു ചെറിയ ബീറ്റ്റൂട്ടും നന്നായി കഴുകി തൊലി കളഞ്ഞ് ചെറിയ കഷ്ണങ്ങളാക്കിയെടുക്കുക.
• ശേഷം കാൽ കപ്പ് വെള്ളം കൂടി ചേർത്ത് അവ വേവിച്ചെടുക്കുക.
• കുക്കർ ഉപയോഗിച്ചാണെങ്കിൽ രണ്ട് വിസിലിനു ശേഷം അടുപ്പണയ്ക്കാം.
• വെന്തു വന്ന കഷ്ണങ്ങൾ നന്നായി ഉടച്ചെടുത്ത് ഒരു പാനിലേയ്ക്കു മാറ്റുക.
• പാൻ അടുപ്പിൽ വെച്ച് കുറഞ്ഞ തീയിൽ കാൽ കപ്പ് മുതൽ അര കപ്പു വരെ ശർക്കരയോ , ബ്രൗൺഷുഗറോ ചേർത്ത് അൽപ്പം കട്ടിയാകുന്നതു വരെ ഇളക്കുക.
• പാനിൽ ഒട്ടിപിടിക്കാതിരിക്കാനായി കട്ടിയായി തുടങ്ങുമ്പോൾ ഇടത്തരം തീയിലേയ്ക്കു മാറ്റുക. വെള്ളം നന്നായി വറ്റി കട്ടിയായി എന്ന് ഉറപ്പാക്കിയതിനു ശേഷം അര ടീസ്പൂണ നാരങ്ങാ നീരു കൂടി ചേർത്തിളക്കി അടുപ്പിൽ നിന്നും മാറ്റാം. തണുത്തതിനു ശേഷം വൃത്തിയുള്ള വായുസഞ്ചാരമില്ലാത്ത പാത്രത്തിലേയ്ക്കു മാറ്റി സൂക്ഷിക്കാം.

Read More

• സ്ഥിരം ബ്രേക്ക്ഫാസ്റ്റ് റെസിപ്പി ഒന്നു മാറ്റി പിടിക്കാം, ട്രൈ ചെയ്യൂ റാഗി പാൻകേക്ക്
• ടെക്സസിൽ നിന്ന് കടൽ കടന്നെത്തിയ സ്മോക്ക്ഡ് ബീഫ് ബ്രിസ്കറ്റ്
• ന്യൂഡിൽസ് തയ്യാറാക്കാൻ മുട്ട മാത്രം മതി
• പഴം ചേർത്ത പായസമല്ല ഫിലിപ്പീൻസ് സ്പെഷ്യൽ മധുരമാണ്
• മീൻ കിട്ടിയാൽ ഇനി ഇങ്ങനെ രസം തയ്യാറാക്കി നോക്കൂ
• തേങ്ങ ഉപയോഗിച്ച് കൊതിയൂറും പായസം
• പഞ്ഞി പോലെ സോഫ്റ്റ്, അഞ്ച് മിനിറ്റു കൊണ്ട് ആവിയിൽ വേവിച്ചെടുക്കാം ഈ മിനി കേക്ക്
• നന്നായി വേവിച്ചെടുത്ത ബീഫ് ഉപയോഗിച്ച് അച്ചാർ തയ്യാറാക്കി സൂക്ഷിച്ചോളൂ
• ബാക്കി വന്ന ചപ്പാത്തി ഇനി കളയേണ്ടി വരില്ല ഇങ്ങനെ ചെയ്യൂ
• നിലക്കടല ചേർത്തൊരു പയർ മെഴുക്കുപുരട്ടി
• ഹെൽത്തി കൂൺ മസാല കറി തയ്യാറാക്കാം മിനിറ്റുകൾക്കുള്ളിൽ
• സാലഡ് തയ്യാറാക്കാൻ വെള്ളരിക്കൊപ്പം ചിക്കനും ചേർത്താലോ? ട്രൈ ചെയ്യൂ
• ചോറിനൊപ്പം പച്ചമുളക് ചമ്മന്തി കൂടി ചേർത്തോളൂ, എരിയുമെന്ന് പേടിക്കേണ്ട
• പാലക്കാടൻ സ്പെഷ്യൽ മാങ്ങ പെരുക്ക്, ചോറിനൊപ്പം അടിപൊളിയാണ്
• കടയിൽ കിട്ടുന്നതിലും രുചിയിൽ തേങ്ങ ഹൽവ വീട്ടിൽ തയ്യാറാക്കാം
• നത്തോലി ഇങ്ങനെയും ഫ്രൈ ചെയ്യാം
• അവൽ ഇനി അടുക്കളയിലെ താരമാകും, ഈ റെസിപ്പി ഒന്ന് ട്രൈ ചെയ്തു നോക്കൂ
• തന്തൂരി വിഭവങ്ങൾ പലതരം ഉണ്ട്, എന്നാൽ ഈ ചെമ്മീൻ വെറൈറ്റിയെ വെല്ലാൻ മറ്റൊന്നില്ല